¹ Salomón ucuocu cädomenä, mo̧ro̧jä̧ttö̧ ocurä mȩyȩu̧ ttiäre ku'icu iyähuä jȩttö̧ cuo'ö icuinä̧'a̧, TÖ̧Ä̧NÄ̧HUA̧ ödicuä isode su̧ppȩnö̧ päi'önä i̧jȩcuä̧chi̧na'a̧. ² Sacerdotes huätömä TÖ̧Ä̧NÄ̧HUA̧ ojusodenämä dottächö juiyönä ji̧na̧'a̧, ojusodenämä öadihuätä su̧ppȩnö̧ ka̧'a̧ttö̧. ³ Israel ttö̧ja̧ o'catoinä topinättö̧ ocurämä mȩya̧cua̧'amä ja̧'hua̧ta̧nö̧ TTÖ̧Ä̧NÄ̧HUA̧ ojusodenä öadihuä ka̧'a̧'inä. Jahuätömä ttiäpiyä rȩjȩ inähuä jo̧mȩ ja̧rȩyu̧ päi'ö, ucuo te'äu adihua'a päi'nä̧tö̧ TÖ̧Ä̧NÄ̧HUA̧RÖ̧. Jahuätö päi'nätö̧:' ''JA̧U̧MÄ̧ juiyo adihuä i̧sa̧, esecu päinömä 'cuäopönä̧tä̧ ka̧'a̧. ⁴ Ja̧u̧nu̧ o'ca'amä ru̧hua̧'i̧nä̧, ja̧'hua̧ta̧nö̧ ötahuiyä ttö̧ja̧ o'cato'inä i̧sa̧rö̧ ku'icu iyinätö̧ TÖ̧Ä̧NÄ̧HUA̧RÖ̧. ⁵ Ru̧hua̧ Salomómä ku'icu iyähuä iyinö veintidos milnö pä̧cä̧yö̧rö̧ jomenä , ja'huatanö ciento veinte milnö ovejatö̧ jo̧mȩnä̧ ja̧'hua̧ta̧nö̧ cabratö̧rö̧'i̧nä̧: Pa̧'a̧nö̧ jȩpö̧ ru̧hua̧'i̧nä̧ ja̧'hua̧ta̧nö̧ ötahuiyä ttö̧ja̧ o'catoinä aditinä̧tö̧ Dios ojusodenämä. ⁶ Ja̧'hua̧nö̧ ja̧'a̧ sacerdotes huotömä ya̧cu̧nä̧ ka̧mä̧di̧nä̧tö̧ ttaditä huome pö̧nä̧; ja̧'hua̧ta̧nö̧ levi ttö̧ja̧'inä TÖ̧Ä̧NÄ̧HUA̧RÖ̧ eseu pporö ra̧huä̧huä̧cu̧, pi̧yȩmä̧ ru̧hua̧ David jȩpö̧ u̧ju̧ni̧nö̧ ji̧na'a̧ Ö̧Ä̧NÄ̧HUA̧RÖ̧ eseu adihuä pä'ö ra̧hua̧ pä'ö: Esecuinö ji̧nö̧mä 'cuäopönä̧tö̧ ka̧'a̧ pä'ö.'' Sacerdotes huoto o'cato'inä ppöinä̧tö̧ trompetas ötahuiyä ttö̧ja̧ tä'ca jo̧mȩttö̧ ja̧'hua̧nä̧ ja̧'a̧ttö̧ ä̧rä̧mi̧'i̧nä̧tö̧. ⁷ Salomón TÖ̧Ä̧NÄ̧HUA̧ ö̧jode ko̧ca̧ jacuättö isode apate'ca jo̧mȩcu̧ttö̧ 'cä̧'ȩpi̧nö̧. Juorö iyinä iäre ku iyähuä ja̧'hua̧ta̧'a̧nö̧ esecu kä̧cuä̧huä̧ ö̧ä̧dehua'i̧nä̧, ja̧'hua̧nö̧ jȩpi̧nö̧ ku iyähuä'ca broncettö aditinä'camä rö̧ä̧nä̧ ku ttiya pä'ömä pa̧ja̧cuä̧chö̧ juiyönä ja̧'a̧ttö̧, u̧huä̧ju̧ ote ku iyähuome/inä ja̧'hua̧ta̧'a̧nö̧ ö̧ä̧dȩhua ku iyähuome'inä. ⁸ Ja̧'hua̧nö̧ ja̧'a̧ttö̧, Salomón-mä pä'cäri jȩpi̧nö̧ ja̧u̧nu̧ pä̧nä̧ ji̧mu̧tȩ ta'arenö mo̧ro̧ jo̧mȩ, ja̧'hua̧ta̧'a̧nö̧ o'catoi'önä Israél ttö̧ja̧'i̧nä̧ ja̧u̧cu̧, recuätö ca̧ca̧cui̧nä̧tö̧, Lebo Hamat-ttö kä̧mä̧dö̧ Egipto ajé i̧sä̧rä̧ jubu cä'ädö. ⁹ Ji̧mu̧tȩ huäba'acuä mo̧ro̧ pä̧i̧'o̧mȩnä̧ ucuo te'äunu ji̧nä̧ yo̧mȩtȩ pä'i'inätö, ji̧mu̧tȩ ta'arenö mo̧ro̧ jo̧mȩnä̧ ku icu iyähuä'ca ucuotö jȩttä̧ji̧ cä'ädö ja̧'hua̧ta̧'a̧nö̧ pä'cäri ji̧mu̧tȩ ta'arenö mo̧ro̧ jo̧mȩnä̧ ttu̧ju̧nä̧rä̧ji̧ cä'ädö. ¹⁰ 23nö mo̧ro̧ päi'omenä kä̧huä̧ttö̧mä̧ ji̧mu̧tȩ huäba'acuänä päi'omenä, Salomón ttö̧ja̧rö̧m hue'inä ttojudera̧'a̧ tti̧'cha̧ pä'ö 'chi̧nä̧ttö̧ ttamiso'qui jacuänä eseunu TÖ̧Ä̧NÄ̧HUA̧ öadihuä David-rö i̧jȩpi̧nö̧ ji̧nö̧, Salomón-mä ahuaruhuä Israél ttö̧ja̧rö̧. ¹¹ Ja̧'hua̧'a̧nö̧tä̧ kä̧'ä̧dinö SAlomon TTU̧RU̧HUA̧ DIOS ojusode ja̧'hua̧ta̧'a̧nö̧ chutä ojusode'inä. o'cajuyönä ami'iso'quinä amucuädinömä Salomon TTU̧RU̧HUA̧ DIOS ojusode, ja̧u̧mä̧ jo̧mȩnö̧tä̧ kä̧'ä̧di̧nö̧. ¹² TTÖ̧Ä̧NÄ̧HUA̧ Dios i̧jȩcui̧nö̧ Salomoin-rö yodo ja̧'hua̧'a̧nö̧ ja̧'a̧ttö̧ pä'inäcu jaurumä: " TTÖMÄ ä̧ju̧cuä̧ji̧sa̧ ucu jäcuepäjimä, ja̧'hua̧'a̧nö̧ ja̧'a̧ TTÖ̧MÄ̧ pȩnȩ pojopu cu̧nä̧ji̧sa̧ TTÖ̧TTÄ̧ chi̧ä̧ro̧mȩ pä'iönä yodete isode kuicu iyähuode pä'iönä. ¹³ Amucuädi TTÖ mu̧ȩpu̧ chi̧cu̧tö̧mä̧ mo̧ro̧jä̧ a̧ji̧ya̧ i̧chu̧ jui̧ya̧ pä'ö, ja̧'hua̧ta̧'a̧nö̧ huȩdu̧tö̧mä̧ mä̧rä̧kä̧yu̧ru̧ rȩjȩ jä̧huä̧ tu̧cui̧'a̧ pä'ö, ja̧hua̧ta̧'a̧nö̧ huȩdu̧ttö̧ ya̧u̧tȩ mä̧ri̧chȩ'i̧ cha̧hua̧ru̧huä̧ru̧, ¹⁴ Ja̧'hua̧'a̧nö̧ ja̧'a̧ cha̧hua̧ru̧huä̧, juä̧ttö̧mä̧ huo̧pä̧cuä̧huo̧ttö̧ chi̧mi̧nä̧, ucuo tettä'utö jitötä ,jätȩpä̧ru̧tö̧, ttu̧suttö chiä́ ttusutö ja̧'hua̧ta̧'a̧nö̧ ppa̧ttä̧chö̧ttö̧ ttu̧mä̧nä̧ su̧ro̧jä̧mä̧tö̧, chä̧ju̧cuä̧'cua̧sä̧ mo̧ro̧jä̧ra̧'a̧tö̧, chu̧co̧tä̧cua̧sä̧ suronä jȩttä̧í̧yu̧mä̧ ja̧'hua̧ta̧'a̧nö̧ aditö chicu'äcuasä ttirejä'inä. ¹⁵ Jitämä chiäremä 'cuäopunä to̧chä̧rä̧'cua̧sä̧ jä̧cuȩätu̧cu̧ ja̧'hua̧ta̧'a̧nö̧ chä̧ja̧nä̧mä̧ chä̧ju̧cuä̧rä̧'cua̧sä̧ jä̧cuȩpä̧tu̧cu poru penettö. ¹⁶ Ja̧'hua̧nö̧ ja̧'a̧ Ttömä pojopö ȩmi̧nö̧sä̧ ja̧'hua̧ta̧nö̧ pode isodemä̧ chi̧mi̧ 'cä̧'ȩpö̧ ku̧ni̧nö̧sä̧ 'cuäopönä̧ mo̧ro̧tä̧ huä̧cua̧'a̧nö̧. Chi'äriyä'i̧nä̧, chamiso'qui'i̧nä̧ mo̧ro̧ji̧nö̧'a̧cuä̧ ju̧huȩnȩtä̧ kä̧cua̧'a̧. ¹⁷ Ucu cutö'cömä, ttö huedö cucuotöttömä, cuä'o David ucuotinöta'anö, Ttö huedinömä o'cajuiyönä ucuotönö ja̧'hua̧ta̧nö̧ Ttö huedö huȩnȩ'i̧nä̧ jȩ'cua̧ pä'ö huedinö adiu jȩpö̧ cu̧ju̧nö̧ttö̧mä̧, ¹⁸ ja̧u̧nu̧ o'ca'a, Ttömä ucu huecu ruhuomä jo̧mȩnö̧ jȩpö̧ chu̧ju̧nä̧cua̧sä̧, cuä'o Davidcu todecu chucuocuinöta'anö, ja̧u̧rö̧mä̧ pä'inösä: Ucu cui̧tti̧ttö̧ ya̧tȩ jäyä'i̧nä̧ päi'ö juiyönä Israel ttö̧ja̧rö̧mä̧ ruhuode huȩä̧cua̧. ¹⁹ Ja̧'hua̧nö̧ ja̧'a̧nä̧ ucu 'cä̧cui̧pä̧chö̧ttö̧mä̧ ja̧'hua̧ta̧nö̧ ttö huedinö'i̧nä̧, Ttöttö hueähuä huȩnȩ'i̧nä̧ ucuru chiyinö jaro'cui'ipö, korotö ttö̧ä̧nä̧huo̧tö̧rö̧tä̧ ucuo te'äu ja̧rȩyu̧ päcui'öttömä̧, ²⁰ Ttö chi̧rȩjä̧ttö̧mä̧ kada'canä que'opö chicuätöjä, jahuätörö chiyinäjättö̧mä̧. Pode chiminä 'cä̧'ȩpö̧ chu̧ju̧ni̧no̧demä, Ttöttömä oto do'opö chicuäcuode ja̧'hua̧nö̧ jȩpö̧ ji̧yȩtȩ pähuä huȩnȩ pä'ö pitö ttö̧ja̧rö̧mä̧ chierusehuäcuotö. ²¹ Pode isodemä rö̧ä̧nä̧ ucuo kode ja̧'a̧nä̧ o'catoi'önä ju̧huȩnȩnä̧ 'cuä'opätömä juodemä tocu ja̧'hua̧nö̧ ja̧'a̧ttö̧ pä'ö jacuänä̧tä̧ ttucuocuäcuotö. Jahuätömä jättepäcuotö: ¿Tta̧'a̧nö̧ pä'ö TÖ̧Ä̧NÄ̧HUA̧MÄ̧ pi̧jä̧ rȩjȩ'i̧nä̧ pode isode'i̧nä̧ ja̧'hua̧nö̧ jȩa̧'a̧ttö̧? ²² Korotömä ttädätäcuotö: juhua'amä TÖ̧Ä̧NÄ̧HUA̧ Diosrö jarotii'inomettö, ttä̧do̧tö̧ mi̧nä̧rö̧ Egipto rȩjȩttö̧ rä'epö icu i'cächinö̧rö̧, ja̧'hua̧ta̧nö̧ jahuätömä korotö ttö̧ä̧nä̧huo̧tö̧rö̧ ucuo te'äu ja̧rȩyu̧ pätti'inomettö. Pi̧yȩ ja̧'a̧ jȩchä̧cua̧sä̧ päinöta'anö TÖ̧Ä̧NÄ̧HUA̧ surojö jahuätörö i'cächäjimä."