¹ Josíasmä Jerusalénttö TÖ̧Ä̧NÄ̧HUA̧RÖ̧ pascua pä'cäri jȩpi̧nö̧ ja̧'hua̧nö̧ jȩpö̧mä̧ ovejastö̧ u̧mä̧tö̧rö̧ pascua pä'cäri jö̧nä̧ cuä'inö ä̧cuo̧mȩnä̧ kä̧hua̧ttö̧ 14nö̧ mo̧ro̧ päi'omenä. ² Sacerdotetö̧rö̧mä̧ ttaditähuä jö̧'a̧cuä̧ ku̧nö̧ TÖ̧Ä̧NÄ̧HUA̧ ojusodenä aditö ttesehuipönä jȩpi̧nö̧. ³ Ja̧u̧mä̧ Leví ahuaruhuä Israel ttö̧ja̧ o'catoi'önä̧rö̧ huo̧juȩtä̧rö̧ pä'inö ja̧'hua̧ta̧nö̧ TÖ̧Ä̧NÄ̧HUA̧ i̧mi̧nä̧ 'cä̧'ȩpö̧ ku̧nä̧huo̧tö̧rö̧'i̧nä̧: Dios esecuinö ȩco̧ca̧ ro̧o̧ca̧mä̧ Salomón David i̧tti̧ ojusodenä̧ aditinodenä rutätucui. Cu'upii'quiyutucunämä huȩnȩhui̧'ö̧mä̧ cuȩpä̧tu̧cuä̧ yabonö̧mä̧. Ja̧'hua̧nö̧ ja̧'a̧ jitämä TÖ̧Ä̧NÄ̧HUA̧ Diosrötä ucuo te'ähuätucui ja̧'hua̧ta̧nö̧ u̧mö̧huäyotö Israel ttö̧ja̧rö̧'i̧nä̧. ⁴ Ttö̧tä̧mö̧ mi̧nä̧ ttahuaruhuä tti̧mi̧ pö̧nä̧ ucututä adihuome a̧mö̧cuädö ku̧nä̧huä̧tu̧cui̧ ja̧'hua̧ta̧nö̧ 'cä̧'ȩcu̧ ku̧nö̧ Israel ttö̧ja̧ ttu̧ru̧hua̧ David jȩ'cuä̧tu̧cua̧ pä'ö hueinöta'anö ja̧'hua̧ta̧nö̧ i̧tti̧ Salomón'i̧nä̧. ⁵ Surojö juiyome kä̧mä̧dä̧tu̧cui̧, kä̧'chö̧ icuähuomettö̧ cu̧jä̧tu̧cuä̧cuo̧mȩ kä̧mä̧dä̧tu̧cui̧ cuahuaruhuä tä̧do̧tö̧ mi̧nä̧ttö̧ topö, ttahuaruhuä o'cotöttö, ja̧'hua̧ta̧'a̧nö̧ kä̧mä̧dä̧tu̧cui̧ kä̧'chö̧ icuähuomettö̧ Levis ttö̧ja̧ ttahuaruhuä o'cotö ttojusodenä kä̧mä̧dä̧tu̧cui̧. ⁶ Pascua pä'cärinä ohuejattö̧ tti̧tti̧mö̧rö̧ cuä'ätucui, ucututo surunä jä̧ jȩpä̧cuä̧u̧ icuätucui, jo̧mȩnä̧ ku̧nä̧rä̧tu̧cui̧ ku̧nä̧rä̧tu̧cui̧ ohuejarömä hui̧jä̧hua̧tö̧ ttichi'omenä cuiyätucua, ji̧nä̧ ji̧yȩtȩnä̧ päcuätucuäcua'anä TÖ̧Ä̧NÄ̧HUA̧ i̧huȩnȩ Moises u̧mu̧nä̧ iyinö̧ ji̧nö̧. ⁷ Josíamä o'catoi'önä ttö̧ja̧rö̧ iyinö treinta milnö jo̧mȩ o̧huȩja̧tö̧rö̧ ja̧'hua̧ta̧'a̧nö̧ cabratö̧ tti̧tti̧mö̧rö̧'i̧nä̧ Pascua pä'cärinä ttiya pä'ö o'catoi'önä juȩnȩ ko̧cuä̧tö̧. Ja̧'hua̧ta̧'a̧nö̧ iyinö tres milnö to̧ro̧tö̧rö̧; Pa̧'a̧nö̧tä̧ ji̧na̧'a̧ Ruhuon hue'ö jȩö̧mä̧. ⁸ Ruhuon hue'ö umuhuäyotö'inä tti'äre iyähuä iyinätö ttiya pättome ötahuiyä tö̧ja̧rö̧, sacerdoterö'inä, ja̧'hua̧ta̧'a̧nö̧ Levitarö'inä. Hilcía'inä, Zacari'inä ja̧'hua̧ta̧'a̧nö̧ Jehiel'inä, su̧ro̧do̧u̧ Dios ö̧jode tta̧'a̧rä̧tö̧'i̧nä̧, iyinätö sacerdote huotörö Pascua pä'cärinä tti'are iyähuä dos mil seicientonö pä̧cä̧yö̧ muäyotörö ja̧'hua̧ta̧'a̧nö̧ pä̧cä̧yä̧tö̧rö̧'i̧nä̧. ⁹ Ja̧'hua̧ta̧'a̧nö̧ Conaia'inä, Semaia'inä, Jeiel'inä ja̧'hua̧ta̧'a̧nö̧ Josabad'inä, Levi ttö̧ja̧ ttu̧ru̧hua̧mä̧ Levitarömä ttiare Pascua pä'cärinä iyähuämä iyinö cinco milnö päcä̧yö̧ möäyotörö ja̧'hua̧ta̧'a̧nö̧ qui̧ni̧ȩnto̧nä̧ Pä̧cä̧yö̧rö̧. ¹⁰ Ja̧'hua̧'a̧nö̧ ja̧'a̧ttö̧, jo̧mȩnö̧tä̧ jȩpu̧ cu̧nä̧hui̧na̧'a̧, ja̧'hua̧ta̧'a̧nö̧ sacerdotes-i̧nä̧ kä̧mä̧di̧nä̧tö̧ ttö̧jo̧mä̧ pu̧nä̧, levitas-cu juätömä kä̧chä̧cuä̧chi̧nä̧tö̧, ru̧hua̧ huȩ'ä̧ji̧ta̧'a̧nö̧. ¹¹ Ju̧huä̧ttö̧mä̧ cuä̧'i̧nä̧tö̧ corderos-rötu̧rö̧ pä̧kä̧ri̧-nä̧ ja̧'hua̧ta̧'a̧nö̧ sacerdotes-mä riripinä̧tö̧ ttu̧cuo̧ja Levitas ttu̧mu̧nä̧ ttiya'anä ja'huata'anö Levitas-mä corderos tti̧jȩti̧yu̧ pa̧'i̧nä̧tö̧. ¹² juättömä kärädinätö̧ tti̧ä̧re kuicu iyähuä, ttiyä'cha pä'ö i̧so̧tö̧ ti̧jä̧ti̧yö̧nä̧ 'tö̧ä̧cua̧'a̧ ca̧cuä̧tö̧rö̧ ttä̧do̧ttö̧mi̧nä̧ ö̧ta̧hui̧yä̧ ttö̧ja̧, tti̧ya pä'ö TTÖ̧Ä̧NÄ̧HUA̧-RÖ̧, Moises cu̧yä̧rö̧ i̧huȩyu̧ti̧nö̧nä̧ pa̧'a̧. juättömä ja̧'hua̧ta̧'a̧nö̧ jȩpi̧nä̧tö̧ torotö̧rö̧'i̧nä̧. ¹³ Juhuätömä ȩtti̧nä̧tö̧ ovejas uborö pascua pä'cäri ocuränä huettinöta'anö jȩpö̧. Ja̧'hua̧nö̧ ja̧'a̧ ttöäre iyähuä 'cä̧'ȩpö̧ ku̧nä̧huä̧, da'inätö̧ uribanä'i̧nä̧ ja̧'hua̧ta̧nö̧, uriyu'i̧nä̧ juhua'atäcu a̧dȩ pä̧rä̧huä̧bȩnä̧'i̧nä̧ ja̧'hua̧ta̧nö̧ jahuätömä̧ ju̧ru̧nä̧ ȩpu̧ i̧yi̧nä̧tö̧ ttö̧ja̧rö̧mä̧. ¹⁴ Jahuätömä ja̧u̧nu̧ o'ca'mä tta̧mö̧nä̧ pa̧ja̧tö̧ ttöäre iyähuä ja̧'hua̧ta̧nö̧ sacerdotetö̧rö̧ iyähuä'i̧nä̧ jo̧mȩnö̧ jȩpö̧ ku̧ni̧nä̧tö̧ juhua'amä Sacerdotetö̧ Aarón i̧tti̧mö̧ jo̧mȩttö̧, aditinä̧tö̧ ku icu iyähuätä ja̧'hua̧ta̧nö̧ ttö̧a̧dȩ yodo juoächome jubö päi'önä, ja̧'hua̧nö̧ ja̧'a̧ttö̧ Leví ahuaruhuä 'cotömä tta̧mö̧nö̧ pa̧ja̧tö̧ jo̧mȩ jȩpö̧ ku̧ni̧nä̧tö̧ ja̧'hua̧ta̧nö̧ sacerdotestö̧ Aarón ahuaruhuä o'cotö'inä. ¹⁵ Asaf i̧tti̧mö̧ ra̧huä̧huä̧ ttö̧ja̧mä̧ David hueinö ta'anötä̧ ttaditähuome ka̧cuä̧mi̧nä̧tö̧, Asaf'i̧nä̧, Heman'i̧nä̧, Jedutún'i̧nä̧mä̧ ru̧hua̧ päö huȩnȩ jiäcuähuä ttö̧ja̧ ji̧na̧'a̧, ja̧'hua̧ta̧nö̧ äpate ä'ca tta̧huä̧rä̧cuä̧huä̧ ttö̧ja̧mä̧ o'cajuiyönä äpatiyänä tta̧'a̧ri̧nä̧tö̧. Jahuätömä ka̧ra̧rö̧ huettipa pä'ömä juiyina'a, ä̧tȩcuä̧nä̧tä̧ ttö̧jä̧hua̧tö̧ Levís ahuaruhuä 'cotö ja̧u̧ ttaditä jö̧nä̧ ttu̧huo̧juȩti̧na̧'a̧ttö̧. ¹⁶ Ja̧'hua̧nö̧ ja̧'a̧ttö̧, Pascua pä'cäri jȩpä̧tö̧rö̧'i̧nä̧, i̧sa̧rö̧ ku icu TÖ̧Ä̧NÄ̧HUA̧RÖ̧ iyätörö'i̧nä̧ ttaditähuä jö̧nä̧ i̧yä̧hui̧'i̧nä̧u̧, ru̧hua̧ Josías hueinöta'anötä̧. ¹⁷ Israel ttö̧ja̧ juȩnȩ ka̧cuä̧jä̧tö̧mä̧, pascua pä'cäri jȩpi̧nä̧tö̧ ja̧u̧nö̧ pä̧nä̧mä̧ ja̧'hua̧ta̧nö̧ ja̧u̧nu̧ o'ca'amä sietenö mo̧ro̧ jo̧mȩnä̧ jȩpi̧nä̧tö̧ pan ppö̧ä̧mo̧cö̧ pä'cärimä. ¹⁸ Ja̧u̧ esecuähuä päkärimä yoriso yaute'inä jȩä̧cuä̧huä̧ jo̧'ca̧'a̧ ji̧na̧'a̧ Israel-ttömä Samuel Dios pä'ö huȩnȩ jiäcuähuä i̧sa̧ u̧mo̧ro̧ ji̧no̧mȩbu̧, Ja̧'hua̧ta̧'a̧nö̧ ca̧ra̧ ru̧hua̧ Irael-tömä jȩpo̧'co̧tö̧ pi̧nä̧tö̧ ese'äcuähuä pä'käri Josias jȩi̧nö̧'a̧nö̧mä̧, sacerdotes-cu ca̧ca̧cu̧, Levitas ja̧'hua̧ta̧'a̧nö̧ ötahuiyä ttö̧ja̧ o'cato'iönä Juda ja̧'hua̧ta̧'a̧nö̧ Israel ttö̧ja̧ juȩnȩ ca̧cui̧nä̧tö̧mä̧, Ja̧'hua̧ta̧'a̧nö̧ Jerusalen ttö̧ja̧'i̧nä̧. ¹⁹ Pi̧yä̧ pä̧'kä̧ri̧mä̧ jȩpi̧nä̧tö̧ ttö̧mö̧ tö̧mö̧rȩ ja̧'a̧nä̧ tti̧jä̧pu̧tö̧ ji̧u̧tȩ ja̧'a̧nä̧ ko̧ro̧'u̧ttö̧ huä̧bo̧dä̧cuä̧nä̧ duo jo̧mȩnä̧ Josias hue'inö pänä. ²⁰ Ja̧'hua̧'a̧nö̧ o'cajuyönä jinö o'ca'a, Josias-mä kä'ädö cu̧ni̧nö̧ adiutä Dios öjode, Necao, Egipto ru̧hua̧, 'chi̧nö̧ ro̧huä̧u̧ Carquemis Eufrate ajettö ja̧'hua̧ta̧'a̧nö̧ Josias rohuäu 'chinö ja̧u̧tä̧cu̧. ²¹ Ja̧'hua̧'a̧nö̧ ja̧'a̧nä̧ Necao-mä hueinö 'quiecuä ttö̧ja̧ru̧ pä'ö: ttö̧mä̧ däje tocha pä'ö ja̧'a̧jä̧tö̧ ucurumä, Juda ru̧hua̧. TTo̧mä̧ u̧cu̧cu̧mä̧ ro̧huä̧u̧ i̧cho̧cö päjisä jitä mo̧ro̧mä̧.Di̧o̧stä̧ huȩ'ä̧cusä chicha pä'ömä, ja̧'hua̧nö̧ ja̧'a̧ttö̧, ja̧'a̧ttä̧ topi to̧cuȩ pä̧rä̧ Di̧o̧s-rö̧mä̧, ttöcu körumä, ja̧u̧ttä̧ siepu icuacu pä'öttäcö. ²² Ja̧'hua̧nö̧ ja̧'a̧, Josíasmä esetocö pinö juo̧u̧ttö̧ ttipächä pe'ömä. Juo̧u̧cu̧ örohuähuä peötä jȩpi̧nö̧. Ä̧ju̧cu'o̧cö̧ pi̧nö̧ Necao i̧huȩnȩ DIOS ättö ä̧ju̧cuä̧ji̧; ja̧'hua̧nö̧ ja̧'a̧ttö̧ juo̧u̧ rohuähuö 'chi̧nö̧ Meguido pämäroppänä̧. ²³ 'Poähuä ttö̧ja̧mä̧ Ru̧hua̧ Josíasrö 'po'inä̧tö̧ ja̧'hua̧ta̧nö̧ ru̧hua̧ Josíasmä u̧mö̧huä̧ya̧mä̧ pä'inö: "Yocu ȩmi̧pi̧ttö̧, 'po'u tticuäcusä." ²⁴ Ja̧'hua̧nö̧ ja̧'a̧ u̧mö̧huäyotömä carucättö mȩyȩdö̧ icu korocänä ttutinä̧cu̧. Jahuätömä Jerusalénra̧'a̧ ttȩpä̧ja̧'a̧ juorutä 'coru pä'i'inö. Ja̧u̧mä̧ jä̧do̧tö̧ mi̧nä̧rö̧ ttu'turinometä̧ ttu'turinä̧cu̧. Judá ttö̧ja̧'i̧nä̧, Jerusalén ttö̧ja̧'i̧nä̧ Josías 'corujuoächäja'a ajahuinä̧tö̧. ²⁵ Jeremíasmä Josíasrö a̧'cua̧ tta̧'ȩcui̧nö̧; ra̧huä̧huä̧ ttö̧ja̧ nä̧tö̧'i̧nä̧ u̧mä̧tö̧'i̧nä̧ Josías jȩi̧nö̧ a̧mö̧cuädö ajahuätö jitä mo̧ro̧ jubö. Pi̧yȩ ra̧huä̧huä̧mä̧ Israel ttö̧ja̧rö̧ ä̧tȩcuä̧nä̧ ra̧ttö̧ jö̧nä̧tä̧ juoächina'a; topätucuittö, ja̧u̧ ra̧huä̧huä̧mä̧ huȩyu̧cua̧'a̧ pa̧'a̧ ttajahuinö huȩyu̧cuä'tänä. ²⁶ Koro Josías jȩi̧nö̧mä̧ ja̧'hua̧ta̧nö̧ TÖ̧Ä̧NÄ̧HUA̧TTÖ̧ hueähuä huȩnȩ huȩyu̧cuä̧ ucuotö adiu aditinö̧ tö'cömä, ²⁷ ja̧'hua̧ta̧nö̧ a̧cuo̧mȩnä̧ttö̧ kä̧mä̧dö̧ röji jubö aditinö̧'i̧nä̧ Judá'i̧nä̧, Israelttö ruhuotö pinä̧tö̧ jȩtti̧nö̧ huȩyu̧cuä̧'tänä hu̧yu̧cua̧'a̧ pa̧'a̧.