¹ Ja̧u̧nu̧ o'ca'a huä̧jä̧ rȩjȩ ttö̧ja̧mä̧ Josías i̧tti̧ Joacarö chuädinä̧tö̧, ja̧'hua̧nö̧ jȩpö̧ ru̧hua̧ juoepinä̧tö̧ jäo mi̧nä̧ ö̧ji̧nome ö̧ja̧ pä'ö Jerusalénä̧. ² Joacazmä veintitres a̧'ȩ ku̧nä̧ri̧nö̧ ruhuo hueö ö̧jä̧bä̧di̧nö̧mä̧, ja̧'hua̧nö̧ ja̧'a̧nä̧ ju̧mä̧ huäbodäcuä kä̧cua̧tä̧ hueinö ruhuomä Jerusalén'nä̧mä̧. ³ Egiptonä ruhuo hue'ö rä'epö icuinäcu̧ Jerusalenttö̧, ja̧'hui̧a̧nö̧ rä'epö icu ja̧'huä̧jä̧nä̧ ko̧cuä̧tö̧rö̧ mil talento jo̧mȩ pärätä ja̧'hua̧ta̧'a̧nö̧ ya'ate talento jo̧mȩ oro ttimitönä hue'inö. ⁴ Egiptonä ruhuo hue'ömä Eliaquinrö̧ ruhuo hua pä'ö Judanä'inä ja̧'hua̧ta̧'a̧nö̧ Jerusalennä'inä, ja̧'hua̧ta̧'a̧nö̧ i̧mi̧'i̧nä̧ pärotö icuinäcu̧ Joacim pä'ö. Ja̧u̧nu̧ o'ca'a Necaomä Eliaquim i̧jä̧hua̧rö̧ 'chu'ädö ȩpi̧nö̧ Egipto ra̧'a̧. ⁵ Joacimä veinticinconö a̧'ȩ jo̧mȩnä̧ ku̧nä̧ri̧nö̧ ja̧u̧ ruhuo kä̧mä̧dö̧ hueinö̧mä̧, ja̧'hua̧nö̧ ja̧'a̧ ja̧u̧mä̧ oncenö a̧'ȩ jo̧mȩnä̧ Jerusalénämä. Ja̧u̧mä̧ surojö jȩpi̧nö̧ TÖ̧Ä̧NÄ̧HUA̧ Dios to̧ä̧ro̧mȩttö̧. ⁶ Ja̧u̧nö̧ o'ca'a, Babiloniattö̧ ru̧hua̧ Nabucodonosormä̧, rohuäu̧mä̧ i̧sä̧sa̧nä̧ nö̧'qui̧pötä ȩpi̧nö̧nö̧ Babiloniara̧'a̧. ⁷ Nabucodonosor ja̧'hua̧ta̧nö̧ korojue'i̧ TÖ̧Ä̧NÄ̧HUA̧ ö̧jo̧denä ka̧cu̧mä̧ o'cajuiyötä Babiloniara̧'a̧ ȩpi̧nö̧, ja̧'hua̧ta̧nö̧ ȩpö̧mä̧ Babiloniattö̧ ruhuodenä do'ädö ku̧ni̧nö̧. ⁸ Koro Joacim jȩi̧nö̧ ötö'cömä̧ yoriso kö'cähuocö surojö jȩi̧nö̧mä̧, ja̧hua̧ta̧nö̧ ja̧u̧ suronä̧ jȩö̧ ttö̧'o̧cui̧'i̧nö̧mä̧, topätucui, ja̧u̧ huȩnȩmä̧ huȩyu̧cua̧'a̧ po̧ca̧'a̧ Judáttöcö̧ Israe ttö̧ja̧ttö̧cö̧ ruhuotö ttöäre cuyärö'tänämä. Juȩnȩ o'ca'a, chutä i̧tti̧ Joaquintä̧, ruhuo hueä'ijö o'comemä pä̧mä̧di̧nö̧. ⁹ Joaquín ruhuo kä̧mä̧dö̧ hueinömä ochonö̧ a̧'ȩ jo̧mȩnä̧ ku̧nä̧ri̧nö̧, Jerusalénnämä ka̧hua̧tö̧mä̧ huä̧mȩtucuä ja̧'a̧nä̧ mo̧ro̧ dieznö mo̧ro̧tä̧ hue'inö. Ja̧u̧mä̧ TÖ̧Ä̧NÄ̧HUA̧ to̧ä̧ro̧mȩttö̧mä̧ surojötä jȩpi̧nö̧. ¹⁰ Ojiyä ttahuäu pä̧nä̧, ru̧hua̧ Nabucodonosormä yotöterö hue'inö Babiloniara̧'a̧cu̧ tti'cächiyarö pä'ö, TÖ̧Ä̧NÄ̧HUA̧ ojusodenä ka̧cu̧ rö̧ä̧nä̧ micuäucu yo̧mȩtȩnä̧. Ja̧u̧ ruhuo hueäji 'comemä a̧hua̧ru̧hua̧ Sedequíasrötä ku̧ni̧nö̧ Judá ttö̧ja̧rö̧'i̧nä̧, Jerusalénnä'i̧nä̧ ruhuo hueö jö̧nä̧mä̧. ¹¹ Sedequías ruhuä kä̧mä̧dö̧ hueinö̧mä̧ veintiún a̧'ȩ jo̧mȩnä̧ ku̧nä̧ri̧nö̧, ja̧u̧mä̧ oncenö a̧'ȩ jo̧mȩtä̧ hue'inö Jerusalénämä. ¹² Ja̧u̧mä̧ TÖ̧Ä̧NÄ̧HUA̧ Dios to̧ä̧ro̧mȩttö̧mä̧ surojötä jȩpi̧nö̧. Ja̧u̧mä̧ Dios päö jiäcuähuä i̧sa̧ Jeremías änä TÖ̧Ä̧NÄ̧HUA̧ ucuocuäcu ä'ca jo̧mȩttö̧'i̧nä̧ hui̧ä̧chi̧'a̧mä̧ pä'ocö pinö. ¹³ Sedequias-a̧i̧nä̧ ja̧'hua̧ta̧'a̧nö̧ ru̧hua̧ Nabucodonosor-rö rohuä'u öjö̧'qui̧yö̧nä̧ ji̧nä̧cu̧, chutä huei̧nä̧cu̧ ucuota pä'ö Dios ä'ca jo̧mȩtö̧. Ja̧'hua̧'a̧nö̧ ja̧'a̧nä̧ Sesdequias-mä ami;qui'inö esecuinömä ucuotocö pinö ja̧'hua̧ta̧'a̧nö̧ ami'iso'qui 'qui'inö TO̧Ä̧NÄ̧HUA̧CU̧MÄ̧, Israel TTU̧RU̧HUA̧ Di̧o̧s. ¹⁴ Ja̧'hua̧'a̧nö̧ ja̧'a̧ttö̧ o'cato'iönä ucuo ruhuotö-mä sacerdotes ja̧'hua̧ta̧'a̧nö̧ ttö̧jä̧'i̧nä̧ suronätä jȩpi̧nä̧tö̧ ucuo'co̧tö̧ pi̧nä̧tö̧, ja̧'hua̧ta̧'a̧nö̧ juä̧tö̧mä̧ suronätä jȩpu̧ ki̧nä̧tö̧ korojä ttöja ttöjötä. Juätömä suro juoepinätö TTÖ̧NÄ̧HUA̧ ö̧jode ja̧u̧mä̧ jȩpu̧ cu̧ni̧nö̧ ro̧mȩ Jerusalen-nä. ¹⁵ .TTÖ̧Ä̧NÄ̧HUA̧,juä̧ttö̧ ttä̧do̧tö̧mi̧nä̧ TTÖ̧Ä̧NÄ̧HUA̧ Di̧o̧s, hue'i̧nö̧ juä̧ttö̧ru̧ ihuene huȩnȩ jiäcuähuä ttö̧ja̧-cu̧ ya̧u̧tȩnä̧i̧nä̧ ja̧'hua̧ta̧'a̧nö̧ pä̧'ä̧ta̧'anö̧ Pä̧'ä̧ta̧'a̧nö̧ jö̧nä̧, Ju'amä ucuota'attö ötahuiyä ttöja̧rö̧ ja̧'hua̧ta̧'a̧nö̧ juȩnȩ-mä̧ chutä öjö̧mȩ ja̧'a̧ttö̧. ¹⁶ Ja̧'hua̧'a̧nö̧ ja̧'a̧nä̧́ juä̧ttö̧mä̧ ya̧'a̧huȩ'i̧nä̧tö̧ Di̧o̧s i̧huȩnȩ ji̧ä̧cuä̧huä̧ ttö̧ja̧rö̧, su̧ro̧ti̧nä̧tö̧ i̧huȩnȩ'i̧nä̧, ja̧'hua̧ta̧'a̧nö̧ ya̧'a̧huȩ'i̧nä̧tö̧ Di̧o̧s pä'ö huȩnȩ ji̧ä̧cuä̧huä̧ ttö̧ja̧ru̧,tä̧'cö̧ TÖ̧Ä̧NÄ̧HUA̧MÄ̧ ra̧huä̧ri̧nö̧ ö̧tahuiyä ttö̧jä̧rö̧, ju̧hua̧'a̧mä̧ tä̧cö̧ ppä̧dä̧cuä̧huä̧mä̧ jui̧yi̧na̧'a̧ juä̧tö̧ru̧mä̧. ¹⁷ Ja̧'hua̧nö̧ ja̧'a̧, DIOS hueinö Caldeo ru̧hua̧rö̧, cuä'ö icuapeö curä'chunä muä̧yotörö DIOS ö̧jode jacuättö, ja̧'hua̧nö̧ ja̧'a̧nä̧ repeäcuähuä juiyönä cuä'ö icuinö muä̧yotö u̧mä̧tö̧rö̧'i̧nä̧ nä̧tö̧rö̧'i̧nä̧, buäcuächäturö'inä ja̧'hua̧ta̧'a̧nö̧ ppo̧ä̧ttö̧rö̧'i̧nä̧. Ja̧'hua̧nö̧ jȩpi̧nö̧ DIOS o'cato'inärö̧ iyö icuinö juo̧u̧ u̧mu̧nä̧tä̧. ¹⁸ O'cajuiyönä DIOS ö̧jodenä ka̧cu̧, bäreu jö̧ttö̧'i̧nä̧ ppo̧'ö̧ jö̧ttö̧'i̧nä̧, TÖ̧Ä̧NÄHUA̧ ö̧jodenä rö̧ȩnä̧ micuä'ujue'inä ja̧'hua̧ta̧'a̧nö̧ ru̧hua̧ umu jähuä rö̧ȩnä̧ micuä'ujue'inä u̧mu̧huäyotö su̧ro̧da̧u̧ ttu̧mu̧jähuä rö̧ȩnä̧ micuä'ujue'inä, pi̧yȩttö̧ o'cajuiyönä juo̧u̧mä̧ ȩmi̧pi̧nö̧ Babiloniara̧a̧. ¹⁹ Jähuätö kuhuö icuinätö̧ DIOS ö̧jode, pparö icuinätö̧ Jerusalén 'quiädö kunähuä'ca'inä, ru̧hua̧ ojusode o'cajuiyönä kuhuö icuinätö̧, ja̧'hua̧ta̧'a̧nö̧ suro joepinätö̧ o'cajuiyönä a̧'cua̧cu̧nä̧ ka̧cu̧'i̧nä̧ juȩnȩ. ²⁰ Ru̧hua̧mä̧ curättö ka̧cui̧pi̧nä̧tö̧rö̧ Babilonia ötahuiyära̧'a̧ ȩpi̧nö̧. Jahuätömä ja̧u̧ u̧mö̧huäyotö jö̧nä̧tä̧ juo'ächinä̧tö̧ ja̧'hua̧ta̧nö̧ jahuätötä tti̧tti̧mö̧'i̧nä̧ Persiattö ruhuo huettome jubö päi'önä. ²¹ Pi̧yȩ 'cuäopinö̧mä̧ TÖ̧Ä̧NÄ̧HUA̧ Jeremíasnä ucuocuinö̧tä̧ pätecuächina̧'a̧, rȩjȩmä̧ ttaditoca'a 'cuä'ächi'ö kä̧mä̧do̧mȩ jubö. Pa̧'a̧nö̧ 'cuä'ächi'ö kä̧mä̧di̧nö̧mä̧ ja̧huä̧jä̧ ttaditoca'a jarotti'inö pä̧nä̧ ji̧na̧'a̧, ja̧'hua̧nö̧ ttaditoca'a ji̧na̧'a̧mä̧ setentanö a̧'ȩ jo̧mȩnä̧ ji̧na̧'a̧. ²² Ja̧'hua̧nö̧ ja̧'a̧ Persiattö ru̧hua̧ Ciro ä̧cuo̧mȩnä̧ ruhuo hueinö a̧'ȩnä̧ TÖ̧Ä̧NÄ̧HUA̧ Jeremíasnä ucuocuinö pätecuächa pä'ömä, TÖ̧Ä̧NÄ̧HUA̧ aditä̧ri̧nö̧ Persiattö ru̧hua̧ Cironä, ttaditäcuȩ tö'cö ruhuo o'cajuiyönä hueomemä ja̧'hua̧ta̧nö̧ huȩyu̧tu̧'i̧nä̧ rötinä̧tö̧. Ja̧u̧mä̧ pä'inö: ²³ Persiattö ru̧hua̧ Ciromä pa̧'a̧nö̧ pä'ö: TÖ̧Ä̧NÄ̧HUA̧ Dios mo̧ro̧jä̧nä̧ kö̧mä̧ pi̧jä̧nä̧ttö̧ ruhuomä iyinä̧cu̧sä̧. Ja̧u̧mä̧ Chutä ojusode'i̧nä̧ chaditönä̧ hueinä̧cu̧sä̧ Jerusalénnä̧mä̧ ja̧u̧mä̧ Judá rȩjȩna̧ hua̧'a̧. Ucututtö ya̧tȩ u̧mö̧huä̧ya̧ päcui'önä docuächöttömä, ja̧huä̧jä̧ rȩjȩra̧'a̧cu̧ 'cha'achi ja̧'hua̧ta̧nö̧ TÖ̧Ä̧NÄ̧HUA̧MÄ̧ cu̧ru̧hua̧ Dios jö̧nä̧tä̧ jä̧cua̧."