¹ Pi̧yȩ o'cajuiyönä 'cuäopäji o'ca'a, ja̧'hua̧ta̧nö̧ rö̧ä̧nä̧ pä'cäri jȩpö̧ ttesehuäcuäji o'ca'a, Asiriattö ru̧hua̧ Sanaquerib, ichö Judá tti̧rȩjä̧nä̧ do'ächinö. Ötahuiyä jäyänä 'quiyönä ttoecuä kada'ca kä̧mä̧di̧nö̧ örohuähua pä'ö, ja̧u̧ ju̧huȩnȩ ö̧ji̧nö̧mä̧ ja̧u̧ ötahuiyä 'choipa pä'ö ji̧na̧'a̧. ² Ezequías, Sanaquerib ichäja'a topömä ja̧'hua̧ta̧nö̧ Jerusalén ttö̧ja̧cu̧'i̧nä̧ urohuähua pä'ö jȩi̧yä̧cu̧, ³ ja̧u̧mä̧ ttö̧ja̧ tturuhuotörö'i̧nä̧, ja̧'hua̧ta̧nö̧ su̧ro̧da̧u̧ tturuhuotörö'i̧nä̧ jä'epö ä̧ju̧cui̧nö̧ ajiya rȩjȩnä̧ ötahuiyä u̧mi̧cu̧ttö̧ ichoya mö̧'ȩpö̧ tticua pä'ö; jahuätömä mö̧'ȩpö̧ tticua'amä ppä'ädinä̧tö̧. ⁴ Recuätö ca̧ca̧cui̧pö̧ ajiya rȩjȩ jacuänä̧ ichoya mö̧'ȩpö̧ icuinä̧tö̧ ja̧'hua̧ta̧nö̧ ajehuiyä o̧rä̧ ja̧u̧ rȩjȩnä̧ rö̧jö̧ o̧rä̧'i̧nä̧. Jahuätömä pä'inä̧tö̧: Asiria rȩjȩttö̧ ruhuotö ajiya rö̧ä̧nä̧ ka̧'a̧ ttö̧'o̧cui̧'ö̧ juiyäcua'anö. ⁵ Ezequias-mä̧ yabocutä juruhuächi'inö ja̧'hua̧ta̧'a̧nö̧ aditinäöcajuiyönä 'toecu'äobä kä'ö tticuinö-mä. Ja̧u̧mä̧ aditinö ju'toju okä, ja̧'hua̧'a̧nö̧ ja̧'a̧nä̧ ko̧ro̧bä̧ u̧mi̧nä̧. Ja̧u̧-mä̧ yabocutä 'quiädinö redäquiyuttö mäniyä David ötahuiyänämä, ja̧'hua̧ta̧'a̧nö̧ ja̧u̧mä̧ aditinö rö'änä curä jähuä ja̧'hua̧ta̧'a̧nö̧ 'to̧ȩcu̧'ä̧ obi. ⁶ Ja̧u̧mä̧ cu̧nä̧chi̧nö̧ su̧ro̧da̧u̧ to̧ru̧huo̧tö̧rö̧ ö̧tahuiyä pu̧nä̧ Ja̧'hua̧ta̧'a̧nö̧ ca̧ca̧ti̧nö̧ chu̧ttä̧ i̧ppȩyä̧ apate isarä ä'ca ja̧'hua̧'a̧nö̧ ja̧'a̧ttö̧ adiutä ucuocuinö juättörömä. Ja̧u̧mä̧ pä̧'i̧nö̧: ⁷ " Yabocutä juruhuätucui ja̧'hua̧ta̧'a̧nö̧ adiutä yecu'ätucuä. ja̧'hua̧'a̧nö̧ ja̧'a̧ttö̧ yecu'ecuätucuä ja̧'hua̧ta̧'a̧nö̧ cua̧'cua̧'a̧ ta̧cuȩcuä̧tu̧cuä̧ ASIRIA ru̧hua̧ru̧mä̧ ja̧'hua̧ta̧'a̧nö̧ o'cato'iönä suroda'u chutäcu cacuä̧tö̧rö̧'i̧nä̧, ja̧'hua̧ta̧'a̧nö̧ ya̧tȩ ujututäcu kö̧ juȩnȩ abonänö buo ja̧'u̧tä̧cö̧ ca̧cuä̧tö̧ abonänö hua̧. ⁸ Ja̧u̧cu̧ ca̧cu̧'ä̧ttö̧mä̧ ttö̧jo ttidepä huottöttä Ja̧'a̧, ja̧'hua̧'a̧nö̧ ja̧'a̧ttö̧ ujututäcu kö TÖ̧Ä̧NÄ̧HUA̧, DI̧O̧S, ppä̧da pä'ö, ja̧'hua̧ta̧'a̧nö̧ ö̧ro̧huä̧hua̧ ujuturu ppä'ädu."Ja̧'hua̧'a̧nö̧ ja̧'a̧ttö̧ esehuinä̧tö̧ jittöttäcu EZEQUIAS ihuȩnȩ ä̧ju̧cu̧, ru̧hua̧ Ju̧da̧. ⁹ Juo̧nö̧ o'caa, Asiria ru̧hua̧ Senaqueribmä, Laquis ötahuiyanä isojoepu kä̧nä̧ umuhuäyotö o'cato'inä su̧ro̧da̧u̧cu̧, hueinö umuhuä̧ya̧rö̧ jiähua pe'ö Jerusalén ötahuiya Judá rȩjȩ ru̧hua̧rö̧, Ezequíasrö ja̧'hua̧ta̧'a̧nö̧ o'cato'inä Judá ttö̧ja̧rö̧ Jerusalen ötahuiyänä ka̧cua̧tö̧rö̧. ¹⁰ Juo̧u̧ pä'inö: pa̧'a̧nö̧ hueäji ru̧hua̧ Asiria Senaqueribmä, ¿Jerusalén ötahuiya jacuätä kä̧tö̧jä̧ päcuätucua'anä ttoepu ku̧nä̧huo̧tö̧jä̧? ¹¹ ¿Yaparetä ji̧a̧huä̧cua̧ Ezequíasmä ucutu hua'ö cuicuätucua pe'ö ppäittö'inä cuahua diri̧jä̧u̧'i̧nä̧, juo̧u̧ pa̧'a̧nö̧ päomenä: TTI̧Ä̧NÄHUA̧TÄ̧ DIOSTÄ ppä̧dä̧cuä̧'u̧jä̧ ru̧hua̧ Asiria uruhuottömä? ¹² ¿Pide Ezequíastä 'cho̧i̧pi̧nä̧u̧jä̧ ucuo teäcuähuome'inä kuhuicu iyähuome'inä Judá ttö̧ja̧rö̧ ja̧'hua̧ta̧'a̧nö̧ Jerusalén ttö̧ja̧rö̧ iyähui'inö. Kuhuicu iyähuome juȩnȩ kuhuö ucuo teähuö cuiyätucua pe'ö ka̧cu̧? ¹³ ¿Ucutumä jerupätöjä ttö'i̧nä̧ chu̧tä̧mö̧ mi̧nä̧'i̧nä̧ pi̧jä̧ rȩjȩttö̧ o'catoi'önä jȩti̧nö̧mä̧? ¿Pitö ttö̧ja̧ ttö̧ä̧nä̧huo̧tö̧ ji̧na̧'a̧ koromenä'i̧nä̧ ttö chu̧mö̧ttö̧ rä'epö icuinä̧tö̧mä̧? ¹⁴ Pitö ttö̧ja̧ ttö̧ä̧nä̧huo̧tö̧ tö̧tä̧mö̧ mi̧nä̧ si'epö tti̧cui̧nä̧u̧ttö̧mä̧, ¿ya̧tȩ ttö̧ä̧nä̧hua̧ ki̧nö̧ cuahuaruhuärö ttö chu̧mö̧ttö̧ rä'epö icu'anö hua̧? ¿Dä̧bö̧ pä'ö cu̧ru̧hua̧ Diosmä ttö chu̧mö̧ttö̧ rä'epö icu ppädö'anö̧ttö̧? ¹⁵ Ja̧'hua̧nö̧ ja̧'a̧, Ezequías uyaparehua'anä̧mä̧ cuiyähuätucuä ja̧'hua̧nö̧ jo̧ca̧'a̧ttö̧'i̧nä̧ pa̧'a̧nö̧ jȩpä̧tö̧cui̧ päönä̧'i̧nä̧. Cuesetätucuä, yoriso yo̧mȩtȩ ttö̧ja̧ ttö̧ä̧nä̧hua̧'i̧nä̧ ruhuonä hue'ö'i̧nä̧ ttö chu̧mö̧ttö̧'i̧nä̧ chu̧tä̧mö̧ mi̧nä̧ ttu̧mö̧ttö̧'i̧nä̧ cuahuaruhuärömä rä'epö icuocö pä'ijö. ¿Yabonä cu̧ru̧hua̧tu̧cu̧ Diosmä ttö chu̧mö̧ttö̧mä̧ rä'epö icuocö jä̧cua̧?" ¹⁶ Senaquerib u̧mö̧huäyotömä̧ yabonö TÖ̧Ä̧NÄ̧HUA̧ Diosrö suronä̧ ucuocuinä̧tö̧ ja̧'hua̧ta̧nö̧ Ezequías umöhuäya̧rö̧'i̧nä̧. ¹⁷ Senaquerib'i̧nä̧ TÖ̧Ä̧NÄ̧HUA̧ Israel ttö̧ja̧ ttu̧ru̧hua̧ Diosrö ya̧'a̧huȩ'ö̧ cuyäru isojä huȩyu̧ti̧nö̧ ja̧'hua̧ta̧nö̧ ja̧u̧ru̧ suronä ucuocumä pä'inö: Ko̧ro̧jä̧ ttö̧ja̧ ttö̧ä̧nä̧huo̧tö̧'i̧nä̧ ttahuaruhuärömä̧ ppä'ädocotö pä'ijätö, ja̧'hua̧nö̧ jä̧'i̧ta̧'a̧nö̧ Ezequías u̧ru̧hua̧ Dios'i̧nä̧ u̧mö̧huäyotörömä ppä'ädocö jä̧cua̧." ¹⁸ Jahuätö huopinä̧ttö̧ Judios tti̧huȩnȩnä̧ Jerusalén ttö̧ja̧rö̧ ttoecuäbänä ka̧cuä̧tö̧rö̧, yettecua'atö pä'ö mȩ'o̧pä̧ri̧nä̧tö̧, ja̧'hua̧nö̧ jȩpö̧ ötahuiyä 'chottipa pä'ö. ¹⁹ Jahuätö ucuinä̧tö̧ Jerusalén TÖ̧Ä̧NÄ̧HUA̧ Diosrö korotö tti̧rȩjä̧tö̧ tö̧ä̧nä̧huo̧tö̧rö̧ tucuohuäijöanö, ttö̧ja̧tä̧ ttu̧mu̧nä̧ tta̧di̧tä̧u̧ru̧. ²⁰ Ruhuo hue'ö Ezequias ja̧'hua̧ta̧'a̧nö̧ Amos i̧tti̧ profeta Isaias, mo̧ro̧jä̧ra̧'a̧cu̧ ttu̧mu̧ ca'epö Diosrö ucuocinätö ja̧'hua̧nö̧ 'cuäopä̧u̧. ²¹ TÖ̧Ä̧NÄ̧HUA̧ hue'inö ya̧tȩ ángel-rö̧, ja̧u̧tä̧ cuä'äu icuinö curäruhuärö, ja̧'hua̧ta̧'a̧nö̧ tturuhuotörö'inä, ttörohuähuome jacuättö tturuhuotötö'inä. Ja̧'hua̧nö̧ jo̧mȩnä̧, Senaqueribmä dä'ärö̧jä̧cu̧ chutä i̧rȩjä̧ra̧'a̧cu̧ ppa̧'a̧chi̧nö̧, ja̧'hua̧nö̧ ja̧'a̧ a̧mo̧nä̧ ö̧ä̧nä̧hua̧ ö̧jo̧de jacuä doächomenä, yotöte chutä i̧tti̧mö̧ juorötä curä'chunä ta'ö cuä'ö tticuinäcu̧. ²² Ja̧'hua̧'a̧nö̧ ja̧'a̧ TTÖ̧Ä̧NÄ̧HUA̧-MÄ̧ ppä̧'ä̧dinö Ezequias-rö ja̧'hua̧ta̧'a̧nö̧ Jerusalen ttö̧ja̧ru̧'i̧nä̧ Senaquerib u̧mu̧ttö̧, Asiria ru̧hua̧, ja̧'hua̧ta̧'a̧nö̧ o'cato'iönä korottö ttu̧mu̧ttu̧'i̧nä̧ ja̧'hua̧ta̧'a̧nö̧ iyinäcu̧ curä juiyönä ö̧ja̧ pä'ö o'ca juiyö̧nä̧ä̧ sobucuächö̧nä̧. ²³ Recuättö ikächinätö̧ ttiäre iyähuä TTÖ̧Ä̧NÄ̧HUA̧-RÖ̧ Jerusalen-nä, ja̧'hua̧ta̧'a̧nö̧ mi̧ppo̧'ö̧nä̧ iyähuä-inä rö̧ä̧'ö̧nä̧ mi̧cuä̧'u̧ iyinätö Ezequias Juda, ru̧hua̧-rö̧, ja̧'hua̧'a̧nö̧ ja̧'a̧ttö̧ rö̧ä̧'ö̧nä̧ u̧cuo̧'u̧nä̧ ki̧nö̧ ttö̧ja̧ o'cato'iönä ttu̧huo̧ju̧nä̧ ja̧u̧nö̧ ca̧cui̧nä̧ttö̧mä̧. ²⁴ Ja̧u̧nö̧ mo̧ro̧, Ezequias-mä 'coru juo'ächu'anö na̧'a̧chi̧nö̧. Ja̧u̧mä̧ TTU̧RU̧HUA̧ DIOS-RÖ jäepinö, ja̧u̧mä̧ u̧cuo̧cui̧nö̧ ja̧'hua̧ta̧'a̧nö̧ i̧yi̧nä̧cu̧ cui̧'i̧pä̧cua̧jä̧ pä'ö i̧jä̧pi̧nä̧cu̧. ²⁵ Ja̧'hua̧'a̧nö̧ ja̧'a̧nä̧ Ezequias-mä esehuocö pinö TTÖ̧Ä̧NÄ̧HUA̧-RÖ̧MÄ̧ ppä̧dä̧ji̧nä̧mä̧, juhua'amä ami'iso'quimä 'qui'ädinö. Ja̧'hua̧'a̧nö̧ ja̧'a̧ u̧'ä̧i̧ rä̧bȩhui̧na̧'a̧ ja̧u̧ru̧. Ja̧'hua̧ta̧'a̧nö̧ Juda'inä ja̧'hua̧ta̧'a̧nö̧ Jerusalen huäme'inä. ²⁶ Ja̧'hua̧'a̧nö̧ ja̧'a̧ttö̧, Ezequias juȩnȩ o'ca'a ye'ecuä'inö chutätä juhua'amä ami'iso'qui ucuo teähua'attö, chutä'i̧nä̧, ja̧'hua̧ta̧'a̧nö̧ Jerusalen ttö̧ja̧'i̧nä̧, ja̧'hua̧'a̧nö̧ ja̧'a̧ttö̧, TTÖ̧Ä̧NÄ̧HUA̧ DI̧O̧S u̧'ä̧i̧mä̧ juä̧tö̧ru̧mä̧ rä̧bȩhuo̧ca'a ji̧na̧'a̧ Ezequias ö̧ji̧nö̧ pä̧nä̧mä̧. ²⁷ Ezequíasmä öäre rö̧ä̧nä̧ ku̧nä̧ri̧nö̧ ja̧'hua̧ta̧nö̧ ucuo'o̧i̧nä̧. Ja̧u̧mä̧ ca̧ca̧tö̧ ku̧ni̧nö̧ oro'i̧nä̧, plata'i̧nä̧, inä o'qui rö̧ä̧nä̧ micuäu'i̧nä̧, a̧mȩu̧'i̧nä̧ juhua'atäcu ttoecuäcuähuä obi'i̧nä̧, koro o'cajuiyönä rö̧ä̧nä̧ micuäu'i̧nä̧. ²⁸ Ja̧'hua̧ta̧nö̧ ja̧u̧mä̧ ku̧nä̧ri̧nö̧ u̧huä̧ju̧ ote ku̧nä̧huo̧mȩ'i̧nä̧, vino ku̧nä̧huo̧mȩ'i̧nä̧ juhuatäcu a̧dȩ ku̧nä̧huo̧mȩ'i̧nä̧ ja̧'hua̧ta̧nö̧ ajicuäcuähuotörö ku̧nä̧huo̧mȩ'i̧nä̧. ²⁹ Koro jȩi̧nö̧mä̧, ja̧u̧mä̧ ötahuiyö rö̧ä̧nä̧ aditinö ja̧'hua̧ta̧nö̧ äjicuäcuähuotörö'i̧nä̧ ca̧ca̧tö̧ ku̧ni̧nö̧, juiyo recuätörö, juhua'a Dios öäre rö̧ä̧nä̧ u̧ju̧nä̧rö̧nä̧ iyinä̧cu̧ ja̧'a̧ttö̧. ³⁰ Pi̧dȩ Ezequíastä ji̧na̧'a̧ Gihón aje ju'tänättö̧ tto'epö ku̧nö̧, David idepiyuttömä ttu̧huo̧jua̧'cu̧ jui'ädipö jueönä i'cächinö'i̧nä̧. Ezequíasmä adihuomenä räopina̧'a̧ adita pä'ö a̧mö̧cuädäjimä. ³¹ Ja̧'hua̧nö̧ ja̧'a̧nä̧, Babiloniattö ru̧hua̧cu̧ ippeyänä ruhuo hue'ö aditätömä, ja̧u̧ ö̧ja̧'a̧cu̧ huȩtti̧nä̧u̧, u̧huo̧ju̧ huȩnȩ''i̧nä̧ ja̧huä̧jä̧ rȩjȩttö̧ jȩtto̧cö̧ jä̧'i̧juei jȩä̧'i̧jö̧'i̧nä̧ jä̧ttȩpä̧ri̧ya̧tö̧ pä'ö, Diosmä ja̧u̧rö̧ ka̧cuä̧mö̧ totta'anä̧ ja̧'a̧tä̧ topinö, juhua'amä amiso'quinä̧mä̧ däjetä ku̧nä̧rö̧jä̧ttö̧ pä'ö u̧huo̧jua̧ pä'ö. ³² EZEQUIAS öttö'cö koromä, ȩsȩcui̧nö̧cu̧ a̧'cua̧ uhuänärö, ucutumä to'cuätucu jö̧'a̧nö̧ ja̧'a̧ huȩyö̧cua̧'a̧ profeta ISAIAS u̧'cuo̧ti̧nä̧, Amoz i̧tti̧, ja'huata'anö cuyäru reyes ruhuottö Juda ja̧'hua̧zta̧'a̧nö̧ I̧srael. ³³ EZEQUIAS-mä ä'inö jädo̧tö̧ mi̧nä̧cu̧, ja̧'hua̧'a̧nö̧ ja̧'a̧ttö̧ juä̧ttö̧mä̧ tu̧'tu̧ri̧nä̧cu̧ meje'ca poriyä'tä jo̧mȩ David ahuaruhuä o'cotö hua'tomä. Juda ttö̧ja̧ o̧'ca̧to̧'i̧ö̧nä̧ ja̧'hua̧ta̧'a̧nö̧ Jerusalen ttö̧ja̧'i̧nä̧ u̧cuo̧ti̧nä̧tö̧ u̧hua̧pa̧rȩ'i̧nä̧. Juȩnȩ o'ca'a i̧tti̧ Manases huȩi̧nö̧ jä̧'o hueinomä.