¹ Ja'huanö ja'a Salomón TTÖ̧Ä̧NÄ̧HUA̧ ojusode aditö kä̧mä̧di̧nö̧ Jerusalén'nä̧ Moriah de'eyunä, juä̧nȩmä̧ TÖ̧Ä̧NÄ̧HUA̧ i̧jȩcui̧nome ji̧nä'a̧ Davidrö ja̧u̧tä̧ jäorö. Ja̧u̧ juode aditinö David ȩmu̧ u̧ju̧ni̧nometä̧ jahuätörö amucuädö, Ornán Jebuseos ttö̧ja̧sa̧ 'to'ö adinaränä. ² Ja̧u̧ aditö kä̧mä̧di̧nö̧ todäre kä̧cua̧ o'ca'a todäre mo̧ro̧ päiome, pa̧ja̧cuä̧nö̧ a̧'ȩ ruhuo hueö pä̧nä̧. ³ Jitämä pi̧yȩ ji̧na'a̧ kada'ca pa̧ja̧tö̧ ku̧nä̧huä̧cuä̧ pä'ö jȩpö̧ u̧ju̧ni̧nö̧mä̧ Salomón Dios ojusode. Täbo'co ki̧nä̧tö̧ ttadinö̧nä̧ ttö̧yö̧'ca̧ri̧ jo̧mȩ pa̧ja̧ttö̧ ötoömä sesenta ttö̧yö̧ca̧ri̧ jo̧mȩtä̧ ja̧'hua̧ta̧nö̧ ökäcuemä veinte'nö ttö̧yö̧'ca̧ri̧ jo̧mȩtä̧. ⁴ Isode doächäcuähuome ä'ca so̧ca̧mä̧ pä̧ja̧cui̧na̧'a̧ veintenö ttö̧yö̧'ca̧ri̧ jo̧mȩ. öcähuecu'inä yorätehuinä'a̧ juodemä. Ju'tojucumä ja̧'hua̧ta̧nö̧tä̧ veinte ttö̧yö̧'ca̧ri̧ jo̧mȩ ji̧nä̧'a̧, ja̧'hua̧nö̧ ja̧'a̧nä̧ Salomón'mä jacuojunämä pähuäi orottö a'topinö. ⁵ Ja̧u̧mä̧ yo̧ca̧tȩ ä̧'ä̧cuo̧ca̧ ri̧o̧ca̧ a̧'cua̧tö̧ aditinö cipres dauhuiyätö ju'tojunämä. juo̧ca̧mä̧ päcuäi oro adiu juäittö a'topinö ja̧'hua̧ta̧nö̧ a̧'cua̧ti̧nö̧ ojiyä öto'öttö ja̧'hua̧ta̧ cu̧rä̧u̧sa̧ttö̧'i̧nä̧. ⁶ Isodemä a̧'cuä̧ti̧nä̧ i̧nä̧'o̧'qui̧ a̧'cuä̧cu̧ttu̧; oromä ȩmä̧huä̧ ji̧na̧'a̧ Parvaimttö̧. ⁷ Ja̧u̧mä̧ isode o̧'quȩhui̧yä̧'i̧nä̧ orottö tu'huepinö, doächäcuähuome'inä, räbiyä'inä ja̧'hua̧ta̧'a̧nö̧ apatiyä'inä orotä jö̧nä̧ aditinö; Jaa̧u̧mä̧ räbanä 'cö̧'ö̧ ttadita pä'ö hue'inö tta̧'a̧rä̧tö̧ ttu̧huabä ku̧nä̧rä̧tö̧. ⁸ Ja̧'hua̧ta̧'a̧nö̧ a̧di̧tu̧nö̧ chutä TÖ̧Ä̧NÄ̧HUA̧CU̧ u̧cuo̧cuä̧cuä̧huo̧ca̧. Öcahuemä öoto jö̧ta̧'a̧nö̧ yo̧rä̧tȩhui̧na̧'a̧, 20nö ttu̧yu̧'ca̧ri̧ jo̧mȩ, ja̧'hua̧ta̧'a̧nö̧ öoto'inä 20nö ttu̧yu̧'ca̧ri̧ jo̧mȩ. Juȩnȩmä̧ orottö'inä adihuäjueittö attopö tuhuepinö, ca̧ca̧chä̧chi̧na̧'a̧ 600 talentonö̧ jo̧mȩ. ⁹ Jutujui̧mä̧ amäkina̧'a̧ 50 ciclo de oro jo̧mȩ. Ja̧u̧mä̧ ju'toju jo̧mȩ'i̧nä̧ orottötä tuhuépinö. ¹⁰ Ja̧u̧mä̧ querubin ta̧ju̧ tta̧'cua̧juä̧ aditö rö̧ä̧nä̧ ro̧o̧mȩ ku̧ni̧nö̧; ja̧u̧ aditäjimä huä̧mȩnä̧mä̧ orottö tuépinö. ¹¹ Querubin ttujuabiyä yoräteumä veintenö ttu̧yu̧'ca̧ri̧ttö̧ öoto jo̧mȩ otoinö; ya̧tȩ querubín ujuabä öotomä cinconö̧ ttu̧yu̧'ca̧ri̧ öoto jo̧mȩnä̧ ji̧na̧'a̧, juo̧ca̧ räbära̧'a̧ mȩä̧huä̧chö̧nä̧; karabä ujuabä'i̧nä̧ yoräteutä cinconö̧ ttu̧yu̧'ca̧ri̧ öoto jo̧mȩnä̧ ji̧na̧'a̧, ka̧ra̧ querubín ujuabäcu todehuächi'önä. ¹² Ka̧ra̧ querubín ujuabä'i̧nä̧ cinconö ttu̧yu̧'ca̧ri̧ öoto jo̧mȩnä̧ ji̧na̧'a̧ juo̧ca̧ räbänä mȩä̧huä̧chö̧nä̧; pätecua'anä ujuabä'i̧nä̧ ja̧'hua̧ta̧'a̧nö̧tä̧ cinconö ttu̧yu̧'ca̧ri̧ öoto jo̧mȩnä̧ ji̧na̧'a̧, ä̧cuo̧mȩnä̧ querubín päji ujuabäcu mȩä̧huä̧chö̧nä̧. ¹³ Jahuätö querubín ttujuabiyä öoto o'cajuiyönämä veintenö ttu̧yu̧'ca̧ri̧ jo̧mȩnä̧ ji̧na̧'a̧. Querubínmä ka̧cui̧nä̧tö̧ tti'ämä ä̧cuo̧mȩnä̧ do̧ä̧chi̧'ä̧cuä̧huo̧ca̧cu̧ to̧pä̧rö̧nö̧. ¹⁴ Ja̧u̧mä̧ tto̧ȩcuä̧ta̧ ja̧'tu̧huä̧ta̧'i̧nä̧, tädönä tu̧huä̧ta̧'i̧nä̧ ja̧'hua̧ta̧nö̧ tu̧huä̧ta̧'i̧nä̧ juhua'atäcu lino pö̧jä̧ta̧ adijuäi i̧sä̧ta̧'i̧nä̧ aditinö̧; ja̧'hua̧ta̧nö̧ ja̧u̧ o̧ta̧nä̧mä̧ querubín tta̧'u̧cuä̧ 'tu̧'u̧ adicuina'a. ¹⁵ Salomónmä̧ ja̧'hua̧ta̧nö̧ to'care jueö jähuä ji'cacunä̧ öoto ju'tojucumä 35nö ttu̧yu̧'ca̧ri̧ öotojo̧mȩnä̧ otoinö, isode ä'ca jo̧mȩcu̧mä̧ ja̧u̧ o'ca beipome rärecuämä̧ ö̧rö̧ä̧mä̧ cinconö ttu̧yu̧'ca̧ri̧ öoto jo̧mȩnä̧ ji̧na̧'a̧. ¹⁶ Ja̧u̧mä̧ cuoräu o̧sa̧'i̧nä̧ aditinö jueö isä'ca jähuämä, ja̧u̧ o'ca huä̧mȩmä̧ cienö u̧huä̧ju̧ oba jä̧'i̧nö̧'a̧nö̧ jö̧mä̧ cuoräu o̧sa̧cu̧ todehuächi'önä huȩni̧nö̧. ¹⁷ Ja̧u̧mä̧ jueö isä'ca ku̧ni̧nö̧ Dios ö̧jo̧de ä'cacu'i̧nä̧, ji'catemä ttu̧huo̧jua̧'a̧cu̧nä̧ koro'catä ttu'ohuecunä̧; ttu̧huo̧jua̧'a̧cu̧nä̧ kä'ca imimä jaquín pä'ö o'inö̧ ja̧'hua̧ta̧nö̧ ttu'ohuecunä̧ kä'camä Boaz pä'ö o'inö.