¹ Jitä Salomon-mä hue'inö ta̧dita pä'ö isode TTÖ̧Ä̧NÄ̧HUA̧ i̧mi̧nä̧ ja̧'hua̧ta̧'a̧nö̧ ta̧dita pä'ö ruhuode ruhuo hue'ähuode. ² Salomon hue'inö setenta mil-nö u̧mä̧tö̧-rö̧ 'tȩpa̧ pä'ö adicuä, ja̧'hua̧ta̧'a̧nö̧ ochenta mil-nö u̧mä̧tö̧-rö̧ jo̧mȩnä̧ dauhuiyä odä adicuotörö mu̧ä̧'qui̧yu̧ra̧'a̧ ja̧'hua̧ta̧'a̧nö̧ tres mil seisciento-nö u̧mä̧tö̧ ju'ä̧tö aditättörö to̧ttä̧ra̧ pä̧'ö̧. ³ Salomon huȩnȩ huȩ'i̧nö̧ Hiram, Tiro ru̧hua̧rö̧, pä'ökänö " chao David-rö jȩ'cui̧nö̧'a̧nö̧, huȩ'u cedro dauhuiyä isode ta̧dita pä'ö kä̧cuä̧huode, ja̧'hua̧ta̧'a̧nö̧ huȩ'i̧ ttö̧rö̧'i̧nä̧. ⁴ Jitä, ttömä TTÖ̧Ä̧NÄ̧HUA̧ DIOS i̧mi̧nä̧ chaditäcuasä öjäcode, ja̧u̧ru̧ chucuota pä'ö, kö chiya pä'ö a̧mȩ'u̧ chutä ä'ca jo̧mȩ, juȩnȩ pan chöta pä'ö ö̧jo̧mȩ, ja̧'hua̧ta̧'a̧nö̧ ku̧'i̧cu̧ iyähuä pä'ö mo̧ro̧ juoa'a ja̧'huö̧ta̧'a̧nö̧ ni̧pä̧ro̧mȩ'i̧nä̧, ja̧'hua̧'a̧nö̧ ja̧'a̧nä̧ sabado ja̧'hua̧ta̧'a̧nö̧ yodo kä̧hua̧ ja̧rȩpa̧nä̧'i̧nä̧, ja̧'hua̧ta̧'a̧nö̧ päkäri jȩpu̧ cu̧nä̧huä̧ ujutu TTÖ̧Ä̧NÄ̧HUA̧ TU̧RU̧HUA̧ DIOS. Israel-ttö, pi̧yȩmä̧ päcu'äcutäto. ⁵ Isode ttö chaditäcuodemä juiyo rö'äcode, TTÖ̧Ä̧NÄ̧HUA̧ DIOS-MÄ ru̧ä̧nä̧tä̧ buo ja̧'ä̧ttö̧, ko̧ro̧tö̧ o'cato'iönä yapare ttö̧ä̧nä̧huo̧tö̧-ttö̧'i̧nä̧ abonänö buo. ⁶ Ja̧'hua̧nö̧ ja̧'a̧nä̧ ¿Dijä̧ttö̧ isode aditö'anö̧ hua̧mä̧? Mo̧ro̧jä̧mä̧ jä̧ttä̧jä̧'i̧nä̧ ja̧'hua̧ta̧'a̧nö̧ mo̧ro̧jä̧mä̧ ji̧jä̧tä̧'i̧nä̧ huo̧juä̧chi̧'ö̧ juiyönä jo̧ca̧'a̧? ¿Ttömä dicha'attö̧ isode chadita pä'ömä juhua'atäcu Ja̧u̧ru̧ i̧sa̧rö̧ ku icu chiya pä'ömä? ⁷ Ja̧'hua̧nö̧ jö̧ttö̧mä̧ ya̧tȩ huo̧jua̧rö̧ hue'ittö orottö'i̧nä̧, platattö'i̧nä̧, cuoräuttö'i̧nä̧, oveja i̧jȩta̧ttö̧ tädönä tu̧huä̧ta̧ttö̧'i̧nä̧, tu̧huä̧ta̧ttö̧'i̧nä̧ ja̧'hua̧ta̧nö̧ i̧sä̧ta̧ ja̧'tu̧huä̧ta̧ttö̧'i̧nä̧ adicuä huo̧jua̧rö̧, dauttö'i̧nä̧ 'co̧'ö̧ o'cajuiyönä adicuä huo̧jua̧rö̧. Ja̧u̧mä̧ ö̧jä̧cua̧ Ttöcu Judánä ka̧cuä̧tö̧ huo̧jä̧tu̧cu̧ ja̧'hua̧ta̧nö̧ Jerusalénä kä̧tö̧ chä'o David ppä̧di̧nä̧u̧cu̧. ⁸ Ja̧'hua̧ta̧nö̧ cedro dauhuiyä'i̧nä̧, cipré dauhuiyä'i̧nä̧ juhua'atäcu líbanonä̧ ka̧cu̧ sándalottö'i̧nä̧ hue'ittö, ja̧'hua̧nö̧ ja̧'a̧ líbanonä̧ ka̧cu̧ dauhuiyä 'ca̧rä̧huä̧mä̧ huo̧juä̧tö̧ pä'ö huo̧jua̧sä̧ ucu cu̧mö̧huäyotömä̧, ⁹ dauhuiyä rö̧ä̧nä̧ jo̧mȩnö̧ aditö cu̧ju̧ni̧yä̧tu̧cua̧ttö̧jä̧, juhua'amä isode chaditometä̧ päi'odemä rö̧ä̧de ja̧'a̧nä̧ juiyo adihuäcuode. ¹⁰ Topittö, cumöhuäyotörö'i̧nä̧ chiyäcujä, dauhuiyä ttö̧'ca̧rä̧cuo̧tö̧rö̧mä̧, veinte milnö jo̧mȩnä̧ trigo tahuähua̧ppȩmä̧, veinte milnö jo̧mȩnä̧ cebada i̧sa̧ppȩmä̧, veinte milnö jo̧mȩnö̧ vino isoyamä ja̧'hua̧ta̧nö̧ veinte milnö jo̧mȩnä̧ a̧dȩjamä." ¹¹ Ja̧'hua̧nö̧ ja̧'a̧ Tiro rȩjȩ ru̧hua̧ Hirammä, Salomón hueäjimä huȩyu̧tä̧ji̧'ca̧ ädätinö: Ja̧'hua̧nö̧ ja̧'a̧nä̧ TÖ̧Ä̧NÄHUA̧ repeö ucu cuahuaruhuärö, juo̧u̧tä̧ hueinäcu̧jä̧ ru̧hua̧ cu̧ja̧ pe'ö juäturö. ¹² Ja̧'hua̧nö̧ ja̧'a̧ttö̧, Hiram pä'inö: adihuä i̧sa̧ Israel TÖ̧Ä̧NÄHUA̧ DIOS moro̧ji̧yä̧'i̧nä̧ rȩjȩ'i̧nä̧ aditinö, juo̧u̧tä̧ja̧'a̧ iyinömä ru̧hua̧ Davidrö ya̧tȩrö̧tä̧ i̧tti̧ huo̧jua̧rö̧, adihuö ucuocu ku̧nä̧hua̧ huo̧ju̧nä̧ a̧di̧tä̧cuȩ'i̧nä̧ DIOS ö̧jode ja̧'hua̧ta̧'a̧nö̧ chutä uruhuonä ö̧jäcuode'inä. ¹³ Ja̧'hua̧nö̧ ja̧'a̧ttö̧, ttö hueinösä̧ ya̧tȩ ttö̧ja̧'i̧sa̧rö̧ huo̧ju̧nä̧ hua̧rö̧, u̧huo̧ju̧nä̧ adiunä ucuocu ku̧nä̧hua̧rö̧, Hiram Abí, ttö huo̧jua̧sä̧. ¹⁴ Juo̧u̧mä̧ yajute isaju ki̧tti̧ Dan ittijuttö. käomä Tiro ttö̧ja̧sä̧ pinö. Juo̧u̧mä̧ huo̧ju̧nä̧ aditinö orottö'inä platattö'inä broncettö'inä coräuttö'inä inäduttö'inä ja̧'hua̧ta̧'a̧nö̧ dau'quȩttö̧'i̧nä̧, lana adiunä tu'unä ja̧ta̧ttö̧'i̧nä̧, lana azul jä̧ta̧ttö̧'i̧nä̧ tuhuöttö'inä ja̧'hua̧ta̧'a̧nö̧ lino adihuä jue'i i̧sä̧ta̧ttö̧'i̧nä̧. Ja̧'hua̧ta̧'a̧nö̧ juo̧u̧mä̧ huo̧jua̧ aditö 'co̧'ö̧ korojuei a̧'cua̧juȩ'i̧yä̧. Ku̧ni̧ yo̧ca̧tȩ juo̧u̧ aditä cuo̧ca̧ i̧mi̧cu̧nä̧ cuahuaruhuä huo̧ju̧nä̧ aditättö'inä ja̧'hua̧ta̧'a̧nö̧ jiyetäcu ttö̧ CHIÄNÄHUA̧ cuäo David'inä I̧Ä̧NÄHUA̧. ¹⁵ Ja̧'hua̧nö̧ ja̧'a̧ jitämä. trigo'i̧nä̧ cebada'i̧nä̧, a̧dȩ'i̧nä̧ ja̧'hua̧ta̧nö̧ vino, chu̧ru̧hua̧ ucuocuinö ji̧nö̧mä̧, u̧mö̧huäyotönä hue'i. ¹⁶ Ujutumä líbano dauhuioyä tö̧'ca̧rä̧huä̧cuo̧tö̧jä̧, rö̧ä̧nä̧tä̧ ucuru recuä rö̧jö̧mä̧. Ujutumä huoi'ca rö̧ä̧'canä ajenä Jopera̧'a̧cu̧ tȩpi̧yä̧cua̧jä̧ ja̧'hua̧nö̧ ja̧'a̧ttö̧ ucumä Jerusalénra̧'a̧cu̧ botepä̧cua̧jä̧." ¹⁷ Salomónmä Israel rȩjȩnä̧ ka̧cuä̧tö̧ ko̧ro̧jä̧ra̧'a̧ttö̧ ichäcuähuotö o'catoi'önä̧rö̧ pa̧ja̧ti̧nö̧, jä'o David jȩi̧nö̧ta'anö jȩpö̧ jahuätörö pa̧ja̧ti̧nö̧. Jahuätö o'catoi'önä̧mä̧ 153,600 jo̧mȩnä̧ ji̧na̧'a̧. ¹⁸ Ja̧u̧mä̧ 70,000nö huotö amäcö̧ bottepönä̧ hue'inö, 80,000nö̧ huotömä mö̧ä̧'quiyöra̧'a̧ttö̧ dauhuiyä ȩmö̧ tti̧'chö̧nä̧ hue'inö ja̧'hua̧ta̧nö̧ 3,600nö̧ huotö adicuä ttö̧ja̧rö̧ adihuoimenä to̧pä̧rö̧ huettönä hue'inö̧.