¹ Jotam 28 a'ejome ku̧nä̧ri̧nö̧ ruhuo kä̧mä̧dö̧ hueinömä; ja̧u̧mä̧ hue'inö 18 a̧'ȩjo̧mȩnä̧ Jerusalennä. Ja̧ju̧ ki̧mi̧mä̧ micuinäju̧ Jerusa; ja'huäjumä Sadoc ittiju ji̧na̧'a̧. ² Ja̧u̧mä̧ TÖ̧Ä̧NÄ̧HUA̧ ä'cattömä adiunätä̧ jȩpi̧nö̧, o'cajuiyönä jä'ominä Uzias jȩa̧'a̧ toinöta'anötä̧. Ja̧u̧mä̧ do'ächo'cö pänö TÖ̧Ä̧NÄ̧HUA̧ ö̧jode jacuämä. Ja̧'hua̧nö̧ ja̧'a̧nä̧'i̧nä̧ ötahuiyä ttö̧ja̧mä̧ jarodäcuähuänätö ko̧cui̧nä̧tö̧. ³ Ja̧u̧ aditinö TÖ̧Ä̧NÄ̧HUA̧ o̧jode apate jueipate, ja̧'hua̧ta̧'a̧nö̧ jerusalén möä'quiyuna'inä rö̧ä̧nä̧ a̧di̧tä̧ri̧nö̧. ⁴ Ja̧'hua̧nö̧ ja̧'a̧nä̧'i̧nä̧ judá de'a jo̧mȩ'i̧nä̧ ötahuiyä a̧di̧tä̧ri̧nö̧, dauhuiyä ju'toju jo̧mȩmä̧ aditinö odehuiyä ju'toju jö̧'ode. ⁵ Ja̧'hua̧ta̧'a̧nö̧ juo̧'u̧mä̧ rohuähuinö ru̧hua̧ Amón ahuaruhuä su̧ro̧da̧u̧cu̧ ja̧'hua̧nö̧ ja̧'a̧ iso joepinö. Juo̧nö̧tä̧ du'o, Amón ttö̧ja̧mä̧ mitähuinätö̧ cien kilo jo̧mȩnä̧ pärätä, diez mil kilo harina, diez mil kilo jo̧mȩnä̧ cebada'inä. Iyinätö̧ Amón ttö̧ja̧mä̧ huä̧bo̧dä̧cuä̧ du'o jo̧mȩnä̧. ⁶ Jotam huo̧ju̧nä̧ hue'ö joächinö̧ Ö̧Ä̧NÄHUA̧ DIOSCU cuächa'attö. ⁷ Jotamrö̧ koro 'cuäopäcue'imä, o'cajuiyönä curä örohuähuö'inä ja̧'hua̧ta̧'a̧nä̧ chutä ö̧mä̧ni̧ya̧'i̧nä̧, to̧pi̧, juo̧u̧mä̧ pa̧a̧ huȩyu̧cua̧a̧ reyes cu̧yä̧ru̧tä̧nä, ja̧'hua̧ta̧'a̧nä̧ Judá cuyärutänä'inä. ⁸ Ja̧u̧ ruhuo kä̧mä̧dö̧ hueinömä veinticinco a̧'ȩ jo̧mȩnä̧ ku̧nä̧ri̧nö̧ uhuäpächinomettö̧mä̧; Jerusalén ötahuiyänämä dieciseis a̧'ȩ jo̧mȩtä̧ hue'inö ruhuomä. ⁹ Jotamä ö̧tä̧mö̧ mi̧nä̧ ji̧nö̧ta̧'a̧nö̧ 'corujuo'ächinö, ja̧'hua̧nö̧ corujuo'ächaja'amä David idepiyunä 'turu tticuinä̧cu̧. Ja̧u̧ ruhuo hueä'ijö o'comemä i̧tti̧ Acaz hue'inö.