¹ Ruhuo kä̧mä̧dö̧ hueinö Amasíasmä veinticinconö a̧'ȩ jo̧mȩnä̧ ku̧nä̧ri̧nö̧, ja̧u̧mä̧ veinticinconö a̧'ȩ jo̧mȩnä̧ hue'inö ruhuomä Jerusalénämä. Ja̧u̧ ja̧ju̧mä̧ Joadán pä'ö micuinä̧ju̧ Jerusalén ttö̧ja̧ isaju. ² Ja̧u̧mä̧ TÖ̧Ä̧NÄ̧HUA̧ to̧ä̧ro̧mȩttö̧mä̧ adihuomenä̧tä̧ jȩpi̧nö̧, ja̧'hua̧nö̧ jȩa̧'a̧nä̧ amiso'quinä hueö'anömä̧cö̧. ³ Ji̧nä̧ tö'cöhuäinä ji̧yȩtȩ 'cuäopina'a ruhuo jä̧ji̧ jo̧mȩnö̧ päi'omenä, ja̧u̧mä̧ ttu̧mö̧huäyotö jä'o ru̧hua̧ minärö cuä'ö icuinä̧tö̧rö̧ cuä'ö icuinö. ⁴ Ja̧'hua̧nö̧ cuä'ö icua'anä juätö cuä'ö icuinä̧tö̧ tti̧tti̧mö̧rö̧mä̧ cuä'ö icuocö pinö, ja̧u̧ jȩi̧nö̧mä̧ hueähuä huȩnȩ Moisés i̧huȩyu̧ti̧nä̧'tänä, TÖ̧Ä̧NÄ̧HUA̧ hueäcu i̧huȩyu̧ti̧na̧'a̧ pö̧'a̧nö̧tä̧ jȩpi̧nö̧: "Ttä̧'o̧tö̧mä̧ tti̧tti̧mä̧ jähuänämä to'e'ächocotö ttäcuotö juhua'atäcu tti̧tti̧mö̧'i̧nä̧ ttä̧'o̧tö̧ jähuänämä to'e'ächocotö ttäcuotö. Ja̧'hua̧nö̧ ja̧jueimä yotucu pönä surojö jȩttä̧ji̧nä̧tä̧ totte'ächäcuotö." ⁵ Ja̧'hua̧nö̧ ja̧'a̧nä̧'i̧nä̧, Amasíasmä ji̧nä̧ yo̧mtȩ pä'i'ö u̧cuo̧cui̧nö̧ Judá ahuaruhuä o'cotucu ja̧'hua̧nö̧ ucuocu huȩyu̧tu̧ rötinö tä̧do̧tö̧ mi̧nä̧ttö̧ ji̧nä̧ yotöte huotötttö, ya̧tȩttö̧ mil yabonö jo̧mȩnä̧ tturuhua pi̧'ö̧nä̧ ö̧ja̧ pä'ö ja̧'huata'anö cien yabonö huotöttö ya̧tȩ ttu̧ru̧hua̧ ö̧ja̧ pä'ö, o'catoi'önä Judánä ko̧cuä̧tö̧'i̧nä̧ ja̧'hua̧ta̧'a̧nö̧ Benjamín ahuarihuärö'inä. Ca̧ca̧tö̧ pa̧ja̧tö̧nö̧ topinö 20nö a̧'ȩ ku̧nä̧rä̧tö̧ttö̧ yabocu, po̧cui̧pi̧nä̧ 300,000nö̧ u̧mä̧tö̧rö̧, curära̧'a̧ 'chä̧nö̧ ttörohuäu'anö huotörö, jo̧mȩnö̧ juȩ'ȩpä̧rö̧ huo̧juä̧tö̧rö̧ dacuodä'inä ja̧'hua̧ta̧'a̧nö̧ ttoecuäbi'inä. ⁶ Ja̧'hua̧ta̧'a̧nö̧ cienö pärätä o̧bi̧ jo̧mȩnä̧ mitö po̧cui̧pi̧nö̧ 100,000nö̧ huotörö Israelttö curä rohuäu jo̧mȩnä̧ juruhuätörö. ⁷ Ja̧'hua̧nö̧ ya̧tȩ Dios huȩ'ä̧hua̧ ja̧u̧ru̧ ichi'ö pä'inö: "Ru̧hua̧, ja̧'a̧tä̧mä̧ tocu'ä Israél su̧ro̧do̧u̧ huecuä ucutucu tti̧'cha̧'a̧nä̧mä̧, TÖ̧Ä̧NÄ̧HUA̧MÄ̧ Israél ttö̧ja̧cu̧mö̧ ko̧cö̧, ja̧'hua̧nö̧ ja̧'a̧ttö̧ Efraín ahuaruhuättö ya̧tȩ'i̧nä̧ toa'a. ⁸ Ja̧'hua̧nö̧ ja̧'a̧nä̧ ucu cui̧'chö̧ttö̧mä̧ cua̧mi̧'qui'achi'ö cujuruhuajá ttörohuähuomenämä, Diosmä kä'ö i̧cuä̧cua̧jä̧ cuabo'iyotö ttä'ca jo̧mȩttö̧, jua'amä Dios ujuruhua'attö ppädapä'ö'ionä ja̧'hua̧ta̧'a̧nö̧ kä'ö icua pä'ö'inä ujuruhua'attö." ⁹ Amasías jäepinö DIOSTÖ kä'copäteö adicuä ttö̧ja̧rö̧: ¿Tta̧'a̧nö̧ jȩta̧'a̧nö̧ jä̧ttö̧ Israel su̧ro̧da̧u̧rö̧ rö̧ȩnä̧ pärätä chiyäjimä? DIOSTTÖ kä'copäteö adicuä i̧sa̧ adätinäcu̧: TÖ̧Ä̧NÄHUA̧MÄ̧ iya pe'ötä hua̧ juo̧u̧ttö̧'i̧nä̧ abonänö̧. ¹⁰ Ja̧'hua̧nö̧ ja̧'a̧ttö̧, Amasías u̧mu̧huäyotö su̧ro̧da̧u̧rö̧ 'quȩ'ȩpicuinö chutäcu chä̧jä̧tö̧rö̧ Efraín ö̧jo̧mȩcö̧; ja̧'hua̧nö̧ ja̧'a̧ttö̧ hue'icuinö päita'anö isodera̧'a̧tä̧. Ja̧'hua̧nö̧ ja̧'a̧, jahuätö rö̧ȩnä̧ ra̧huä̧ri̧nä̧tö̧ Judarö, ja̧'hua̧nö̧ ja̧'a̧ttö̧ jahuätö ppa̧ä̧chi̧nä̧tö̧ ttöjö'quiyönä ja̧'a̧nä̧. ¹¹ Amasías ja̧'a̧ta̧ra̧a̧ päi'ocö pinö ja̧'hua̧nö̧ ja̧'a̧ttö̧ umuhuäyotörö hueinö aje sa̧doto tö'cönänö pämäroppätö; juorö juo̧u̧mä̧ cuä'icuinö Seir i̧tti̧mu̧rö̧ diez milnö huotörö. ¹² Judá su̧ro̧da̧'u̧ ȩmi̧pi̧nä̧tö̧ korotörö diez milnö jo̧mȩnä̧. Jahuätörömä ȩmi̧pi̧nä̧tö̧ idose jo̧mȩcu̧ ja̧'hua̧nö̧ ja̧'a̧ juorö käö tti̧cui̧nä̧u̧ o'cato'onärö te'chächö totte'önä. ¹³ Ja̧'hua̧nö̧ ja̧'a̧nä̧ Amasías umöhuäyotö su̧ro̧da̧u̧ ppa̧ttä̧cha̧ pä'ötä, chutäcu curä rohuäu tti̧'chu̧ juiyönä hue'ö i̧cuä̧jä̧u̧, Judá ttö̧ja̧ ttidepiyu Samariattö kä̧mä̧dö̧ Bet horón jubö cä'ädö rohuähuinä̧tö̧. Jahuätömä tres milnö jo̧mȩnö̧ huotörö cuä'ö icumä ttöäre'i̧nä̧ rö̧ä̧nä̧ ttȩmi̧pi̧yi̧nä̧u̧. ¹⁴ Ja̧'hua̧nö̧ ja̧'a̧, 'cuäopina'a, Amasías Edom ttö̧ja̧cu̧ rohuäu i̧huä̧ji̧'ca̧ ppa̧'a̧chö̧mä̧, Seir ttö̧ja̧ ttö̧ä̧nä̧huä̧'ca i'chächinö, ja̧'hua̧nö̧ i'cächäji'ca̧mä̧ chutä a̧mö̧nä̧ pa̧ja̧tö̧ ö̧ä̧nä̧huä̧'ca jö̧nä̧ ku̧ni̧nö̧. Ja̧u̧mä̧ ja̧u̧ o'ca ä'ca jo̧mȩ ihue'quiyönä kä̧mä̧dä̧'chu̧ a̧mȩu̧nä̧ 'chopö kuhuä'chinö. ¹⁵ Ja̧'hua̧nö̧ jo̧mȩnä̧, TÖ̧Ä̧NÄ̧HUA̧ rö̧ä̧nä̧ ra̧huä̧ri̧pi̧nö̧ Amasíasrömä. Ja̧u̧mä̧ ya̧tȩ Chutä ucuocu huȩnȩ ji'äurö hueäjäcumä̧ pä'inö: "¿Tta̧'a̧nö̧ pä'ö ttö̧ja̧ ttö̧ä̧nä̧huo̧tö̧ ucu cu̧mö̧ttö̧ rä'epö icu ppä'ädocotö pinä̧tö̧rö̧mä̧ cusa'attö? ¹⁶ Ji̧yȩtȩ 'cuäopina̧'a̧ profeta ja̧u̧cu̧ ucuocuomenä, ru̧hua̧ pä'inö: '' ¿Ru̧hua̧rö̧ huȩnȩ tä̧bo̧tä̧rö̧ jicuähuä pä'ö huetinä̧cu̧jä̧? ¡'coruchi'í! ¿Cuäö ticuäcu hueda päötä cua̧jä̧?''. Ja̧u̧nu̧ o'ca'a profeta koruchiäji̧'ca̧ päinö: ''Tömä huo̧jua̧sä̧ Dios ucuru siepö icuäcuä'a pä'ömä ttö jidäu 'inä cuä̧ju̧cuo̧ca̧'a̧ ja̧ttö̧ öjö'cocö juä̧i̧tö̧ je'cua'attö. ¹⁷ Ja̧'hua̧nö̧ ja̧'a̧, Judá ru̧hua̧ Amasías huȩnȩ täbotäcuähuä ttö̧ja̧rö̧ jäepäji̧'ca̧ hueö icuinö huȩnȩ jittäcuäja pä'ö Joasrö Joacaz i̧tti̧rö̧ Jehú i̧tti̧, Israel ru̧hua̧ päinö: ''Ichí, rohuäu totäcuähuä.'' ¹⁸ Ja̧hua̧nö̧ ja̧'a̧ Joás Israel ttö̧ja̧ ttu̧ru̧hua̧mä̧ hue'inö huȩnȩ́ ȩ́pu̧ i̧'cha̧ pe'ö Amasíasrö Judá rȩjȩ́ ru̧hua̧rö̧, hueinäcu̧: "Líbano rȩjȩttö̧ cardo daú hueinö huȩnȩ́ cedro daurö: "Iyí ucu cuittijuru ttö chi̧tti̧rö̧ irecua päi'önä," ja̧'hua̧nö̧ ja̧'a̧nä̧ ya̧tȩ dea i̧sa̧ 'cuä'oinö Libano rȩjȩnä̧ suro joepunö cardo daú. ¹⁹ Ucu päöjä: ä̧ju̧cuä̧tu̧cui̧, ttötä cuä'ö icuinömä Edom ttö̧ja̧rö̧. Ja̧'hua̧nö̧ ja̧'a̧ttö̧ rö̧ȩnä̧ eseujä cuamiso'quittö. Juruhuinösä̧ pä'ö esehuöjä, ja̧'hua̧nö̧ ja̧'a̧ttö̧ cujusodenätä̧ kä̧hui̧, huȩnȩ jö̧nä̧mä̧ jȩcuä̧'chä̧. ¿Dä̧ pe'ö cusa'attö̧ huȩnȩ ju̧nä̧mä̧ juo̧u̧mä̧ ucurutämä mao̧ca̧a̧ Judárö'inä ma'a̧a̧? ²⁰ Ja̧'hua̧nö̧ ja̧'a̧ Amasíasmä ä̧ju̧cuo̧cö̧ pinö, DIOSMÄ ja̧'hua̧nö̧ jȩi̧nä̧cu̧, juo̧u̧ iyö icuapeö Judá ttö̧ja̧rö̧ ttabuoyotö ttu̧mu̧nä̧, jitötä surojö ttusa'attö Edom yapare tti̧ä̧nä̧huo̧tö̧rö̧ tteseta ja̧'a̧ttö̧. ²¹ Ja̧'hua̧nö̧ ja̧'a̧ttö̧, Joás Israel ttu̧ru̧hua̧mä̧, rohuähuö 'chinö, Amasíascu, Judá rȩjȩ ru̧hua̧cu̧, ji̧nä̧ yo̧mȩtȩ pä'iö Bet Semesttö̧, Judá hueomȩttö̧. ²² Judá juiyupinö Israel su̧ro̧da̧u̧ ttä'cajo̧mȩttö̧, ja̧'hua̧nö̧ ja̧'a̧ttö̧ Judá ttö̧ja̧mä̧ räopächinättö̧ tti̧rȩjä̧ra̧a̧cu̧. ²³ Israel ttö̧ja̧ ttu̧ru̧hua̧ Joásmä, Joás i̧tti̧ Amaías, Joacaztä ö̧do̧rö̧ 'chu'ädö rutinö Bet semesnä. Ja̧u̧mä̧ Jerusalénra̧'a̧cu̧ i'cächäji'ca̧mä̧ Jerusalén jäyänä ttoecuäbä'i̧nä̧ kä'ö icuinö, Efraín äpatettö kä̧mä̧dö̧mä̧ Ángulo äpate jubö cä'ädö, öotomä cuatrocientonö ttu̧yu̧'ca̧ri̧ jo̧mȩnä̧. ²⁴ Ja̧u̧mä̧ o'cajuiyötä oro'i̧nä̧, plata'i̧nä̧, Dios ojusodenä̧ ka̧cu̧ Obed Edom tta̧huä̧rä̧ji̧mä̧ o'cajuiyötä ȩmi̧pi̧nö̧ ja̧'hua̧ta̧nö̧ ru̧hua̧ ojusode ka̧cu̧ rö̧ä̧nä̧ micuäu jähuä'i̧nä̧ ja̧'hua̧ta̧nö̧ 'chu̧huä̧dä̧u̧cu̧ ppa̧'ä̧chi̧nö̧ Samariara̧'a̧cu̧mä̧. ²⁵ Amasías i̧tti̧ Judás ttö̧ja̧ ttu̧ru̧hua̧ Joásmä, Joacaz i̧tti̧ Israel ttö̧ja̧ ttu̧ru̧hua̧ Joás 'corujuoächinö o'ca'amä quincenö a̧'ȩ jo̧mȩtä̧ ki̧nö̧. ²⁶ Amasías pa̧ja̧cuä̧nö̧ jähuä, ä̧cuo̧mȩnä̧ttö̧ kä̧mä̧dö̧ röji jubö jȩi̧nö̧ jä̧ji̧mä̧, topi, ¿Judá ttö̧ja̧'i̧nä̧, Israel ttö̧ja̧'i̧nä̧ tturuhuotö jȩtti̧nö̧ hȩyu̧cuä̧'tänä huȩyu̧cua̧'a̧mä̧ po̧ca̧'a̧? ²⁷ Jitämä, Amasías TÖ̧Ä̧NÄ̧HUA̧TTÖ̧ kä̧i̧pä̧chi̧nö̧tä̧ päi'önä, ja'huätömä cuä'ö tticua pä'ötä usätö ja̧u̧ru̧mä̧ Jerusalénttömä. Ja'huanö jä̧cu̧ tö'ipächinö Laquiscu, ja̧'hua̧nö̧ ja̧'a̧nä̧ u̧mä̧tö̧rö̧ hue'ö icuäjätö ja̧u̧ o̧'ca̧'a̧nä̧ Laquis jubu ja̧'hua̧nö̧ ja̧'a̧ttö̧ juorötä cuä'ö tticuäjäcu. ²⁸ Pä'äjita'anämö tti'chächäjäcu cahuayunätä̧ ja̧'jua̧nö̧ i'chächö jä̧do̧tö̧mi̧nä̧cu̧ rȩä̧dö̧ tticuinäcu̧ Judá ötahuiyänä.