¹ Jerusalén ttö̧ja̧mä̧ jȩpi̧nä̧ttö̧ ttu̧ru̧hua̧ ru̧hua̧ päi'önä Ocozíarö (Joacaz|, Joram i̧tti̧ juiyo mu̧ä̧ya̧rö̧, jä'o ruhuo hueäijome, jahuä'amä jȩpi̧nä̧tö̧ árabecu ichäjätö ja̧u̧ i̧tti̧mu̧rö̧ ä̧cuo̧mȩnä̧ isotörömä cuäö icuinä̧tö̧ tta'acuäränä ttö̧jo̧mȩtö̧. Ja̧'hua̧nö̧ ja̧'a̧ttö̧ Ocozíamä (Joacaz|Joram iitti pi̧nö̧ Judá ru̧hua̧, ja̧u̧mä̧ päi'inö ru̧hua̧. ² Ocazíamä (Joacaz|veintedos a̧'ȩtä̧ ku̧nä̧ri̧nö̧ ruhuo hueö ö̧jä̧bä̧di̧nö̧mä̧; ja̧u̧ hueinö Jeruselén'nämä yaute a̧'ȩtä̧. Ja̧ju̧ ki̧mi̧mä̧ micuinä̧ju̧ Atalía pä'ö; jahuäjumä Omri ittiju pinä̧ju̧. ³ Ja̧u̧mä̧ Acab ahuäruhuä jȩttö̧ a̧'u̧cuä̧ jȩpö̧ ki̧nö̧ chutä ja̧ju̧ suronä jȩ'a̧ pä'ötä huȩnȩ jijähua'attö. ⁴ Ocozíamä (Joacaz| TTÖ̧Ä̧NÄ̧HUA̧ ä'ca jo̧mȩttö̧ suronä̧tä̧ jȩpi̧nö̧, Acab ahuäruhuäcu jȩi̧nö̧ta'anö, jahuätömä jä'o 'corupäi'inö'ca'a huȩnȩ suronä̧tä̧ täbotö jittähuinä̧cu̧, suro juoächomejobu ⁵ cä'ädö. Ja̧u̧mä̧ jahuätö jittäu ä̧ju̧jui̧nö̧; ja̧u̧ chinö Joram ö̧jo̧mȩcu̧ Acab i̧tti̧, Israel ru̧hua̧, örohuahua pä'ö Hazael'cu Aram ru̧hua̧cu̧, Ramot Galaadttö. Arameos ttö̧ja̧mä̧ taö'inä̧ttö̧ Joram'rö̧. ⁶ Joram ppa̧'a̧chi̧nö̧ Jezreelra̧'a̧cu̧ öttä ttaditarö pä'ö Ramottö toe'inome, Hazaelcu Arannä ruhuo hue'öcu örohuähuomenä. Ja̧'hua̧nö̧ jo̧mȩnä̧ Joram i̧tti̧ Ocozias (Joacaz), ruhuo hue'ö Judánä meyȩhui̧nö̧ Jezreelra̧'a̧cu̧ Acab i̧tti̧ Joramrö̧ toa pä'ö, Joram örohuähuomenä toe'ina'attö̧. ⁷ Ja̧'hua̧nö̧ ja̧'a̧ttö̧ Ocozias(Joacaz) ä̧tȩcuä̧mä̧ Diosttötä ichina'a̧ Joramrö̧ topö i̧'chä̧ji̧ta̧'a̧nö̧. Ja̧u̧ ichi'ota'anö Joramcu̧ 'chi̧nö̧ Nimsi itti Jehúru rohuäu, TÖ̧Ä̧NÄ̧HUA̧ pojopö ȩmi̧nä̧cu̧ru̧ Acab ahuaruhuä o'catoi'önärö̧ cu'äu icua pä'ö. ⁸ 'Cuäopina'a, Jahú TÖ̧Ä̧NÄ̧HUA̧ päjita'anö Acab ahuaruhuärö cuä'äu icua pä'ö i̧'cho̧mȩnä̧, po̧cui̧pi̧nö̧ Judattö ucuo jö̧nä̧ ko̧cuä̧tö̧rö̧ ja̧'hua̧ta̧'a̧nö̧ Ocozías(Joacaz) i̧jä̧hua̧tö̧rö̧'i̧nä̧, Ocozías(Joacaz) hueötä jȩpä̧tö̧rö̧; ja̧'hua̧nö̧ ja̧'a̧ttö̧, Jehútä cuä'äu i̧cui̧nä̧u̧. ⁹ Jehúmä, Ocozíasrö usinö (Joacaz pä'ö'i̧nä̧ mi̧cua̧rö̧) ja̧u̧rö̧mä̧ samarianä dajahuächäji'ca̧ o̧ja̧'a̧ po̧cui̧pä̧jä̧'cotö Jehú ö̧ja̧'a̧cu̧ i'cächä'cotö cuä'ö tticuinä̧cu̧. Ja̧'huanö̧ ja̧'a̧ jahuätömä 'turu tticuinä̧cu̧, juhua'amä chutä päina̧'a̧ttö̧: "Ja̧u̧mä̧ TÖ̧Ä̧NÄ̧HUA̧RÖ̧ amiso'qui o'cajuiyönä usinö Josafat i̧tti̧ ja̧'a̧. "Ja̧'hua̧nö̧ ja̧'a̧ttö̧ Ocoz'ias (Joacaz pä'ö'i̧nä̧ mi̧cui̧nö̧) ittimömä yabonö ruhuonä huetta pä'ömä jui'inätö̧. ¹⁰ Ja̧'hua̧nö̧ ja̧'a̧ Atalía, Ocozías (Joacaz pä'ö'i̧nä̧ micuinö) ja̧ju̧mä̧ ki̧tti̧ 'corujuoächaja'a topömä, ä̧rä̧mi̧'ö̧ Judá ahuaruhuä tti̧tti̧mö̧ ppo̧'ä̧tö̧rö̧mä̧ o'catoi'önärö̧ cuä'ö icuinä̧ju̧. ¹¹ Ja̧'hua̧nö̧ jȩji̧yä̧cua̧ Josabet, ru̧hua̧ ittijumä, Ocozás (Joacaz pä'ö'i̧nä̧ ottinä̧cu̧) i̧tti̧ Joásrömä̧ ȩmo̧po̧'i̧nä̧ju̧ ja̧'hua̧nö̧ ȩmo̧po̧'ö̧ ru̧hua̧ i̧tti̧mö̧ cuä'äö tti̧cuä̧jä̧u̧ ttö̧'cä̧tȩttö̧ ȩmo̧po̧'ö̧ dajö icuinä̧ju̧. Juajumä ja̧u̧rö̧mä̧ ku̧ni̧nä̧ju̧ yo̧ca̧tȩnä̧ ppo̧'ä̧tö̧rö̧ tta̧huä̧rä̧cuä̧huä̧ isaju tta̧ja̧ri̧ya̧ju̧ pä'ö. Ja̧'hua̧nö̧tä̧ Josabet ru̧hua̧ Joram ittiju sacerdote irecuamä, (Ocozías uböa ja̧'a̧ttö̧mä̧ dajö icuinä̧ju̧ Atalía cuä'ö kicu juiyiyaju pä'ömä. ¹² Ja̧u̧mä̧ Dios ojudenä daju tticuinä̧cu̧mä̧ seisnö̧ a̧'ȩ jo̧mȩnä̧ ki̧nö̧, ji̧nä̧ Atalía ruhuonä̧ ja̧huä̧jä̧nä̧ hueju pä̧nä̧mä̧.