¹ Josafatmä 'corupä'i'inä jä̧do̧tö̧mi̧nä̧cu̧ ja̧'hua̧nö̧ ja̧'a̧ttö̧ jahuätö ttö̧'ö̧jo̧mȩtä̧ rȩa̧dö̧ tticuinäcu̧ David idepiyunä; Ja̧'hua̧nö̧ ja̧'a̧ttö̧ i̧tti̧ Joramtä̧ ruhuo hueä'ijäme pä̧mä̧di̧nö̧. ² Joram i̧jä̧hua̧tö̧rö̧ ku̧nä̧ri̧nö̧, Josafat i̧tti̧mö̧: Azarías'ina, Jehiel'inä, Zacarias'inä, Azaryahu'inä, Micxael'inä ja̧'hua̧ta̧'a̧nö̧ Sefatías'inä. Pitö o'catoi'önä Josafat i̧tti̧mu̧tä̧ i̧ji̧na̧'a̧ ruhuo hue'ö Israelnä. ³ Tta'omä rö̧ä̧nä̧ micuäu juäi mippo'önä iyinäu̧ ji̧na̧'a̧ pärätä'inä, oro'inä ja̧'hua̧ta̧'a̧nö̧ koro micuäu juäi'inä, ja̧'hua̧ta̧'a̧nö̧ Judá rȩjȩnä̧ ko̧cu̧ ötahuiyän'inä ruhuotörö ku̧nä̧'chi̧nö̧, ja̧'hua̧nö̧ ja̧'a̧nä̧ ruhuo huä'ijömä iyinö̧ Joramrö̧, ja̧u̧ ja̧'a̧ttö̧ ä̧cuo̧mȩnä̧ i̧tti̧mä̧. ⁴ ja̧'hua̧nö̧ ja̧'a̧ Joram jä'o minä hueinöta'anä jo̧mȩnö̧ päi'omenä ja̧'hua̧ta̧'a̧nö̧ ruhuo hue'ö ö̧jä̧mä̧do̧mȩttö̧, cuä'äu icuinä curä'chunä o'catoi'önä i̧jä̧hua̧tö̧rö̧ ja̧'hua̧ta̧'a̧nö̧ korotö ucuo jö̧nä̧ ko̧cuä̧tö̧rö̧ Israélnä. ⁵ Joram ku̧nä̧ri̧nö̧ 32nö a̧'ȩ jo̧mȩnä̧ ruhuo kö̧mä̧dö̧ hueinömä ja̧'hua̧ta̧'a̧nö̧ Jerusalennä ruhuo hue'inö 8nö a̧'ȩ jo̧mȩ. ⁶ Ja̧u̧mä̧ Israel ttö̧ja̧ tturuhuotö jȩtti̧nö̧'a̧cuä̧tä̧ jȩpi̧nö̧, Acab ahuaruhuä jȩtti̧nö̧ta'anötä, juhua'amä Acab ittijuru irecua päi'önä ö̧ja̧'a̧ttö̧, ja̧u̧mä̧ TÖ̧Ä̧NÄ̧HUA̧ to̧ä̧ro̧mȩttö̧mä̧ surojötä jȩpi̧nö̧. ⁷ Ja̧'hua̧nö̧ ja̧'a̧nä̧, TÖ̧Ä̧NÄ̧HUA̧MÄ̧ David ahuaruhuärö si'epömä icua pä'ocö pinö, juhua'amä Davidcu esecu ötodecuinomettö̧; Ja̧u̧mä̧ päina'a jina'a 'cuäopönä̧tä̧ churutä'i̧nä̧ i̧tti̧mö̧rö̧'i̧nä̧ ruhuomä huecuäcuotöjä päina'attö̧. ⁸ Joram ö̧ji̧nä̧ pä̧nä̧, Edomä̧ Judá ttu̧ru̧hua̧cu̧ rohuähuinö, ja̧'hua̧nö̧ tta̧mö̧nä̧tä̧ ttu̧ru̧hua̧rö̧ rutinä̧tö̧. ⁹ Ja̧'hua̧nö̧ ja̧'a̧ Joramä umöhuäya su̧ro̧da̧u̧ ttu̧ru̧hua̧cu̧ kähuinö ja̧'hua̧ta̧nö̧ caruquiyänä'i̧nä̧ o'catoi'önä̧tä̧. Ja̧u̧nu̧mä̧ yodoji̧na̧'a̧ ä̧rä̧mi̧'ö̧ Edom ttö̧ja̧ ttippeyänä sobucuächönä kä̧tö̧ su̧ro̧da̧u̧ tturuhuotucu tturohuähuinö̧mä̧. ¹⁰ Ja̧'hua̧nö̧ ji̧na̧'a̧ttö̧ Edom ttö̧ja̧mä̧ jitä mo̧ro̧ jubö päi'önä rohuäutä ka̧cuä̧tö̧ judá ttö̧ja̧cu̧mä̧. Ja̧'hua̧ta̧nö̧ ja̧u̧tä̧ pä̧nä̧mä̧ Libna ttö̧ja̧'i̧nä̧ ruhuo hue'ätucu rohuähuinä̧tö̧, juhua'amä Joram TÖ̧Ä̧NÄ̧HUA̧ ttö̧tä̧mö̧ mi̧nä̧ ttu̧ru̧hua̧ Diosttö 'cä̧i̧pä̧chi̧no̧mȩnä̧. ¹¹ Ja̧'hua̧nö̧ ja̧'a̧nä̧'i̧nä̧, Joram'inä aditinö yapare ö̧ä̧nä̧huä̧'ca̧ Judá möä'ca ju'tä ja̧'hua̧nö̧ jȩpö̧ Jerusalén ttö̧ja̧ ka̧ra̧ ka̧ra̧nö̧tä̧ jȩpä̧'chö̧ ko̧cuä̧tö̧, Judä'inä jäyä amucuädö oipönätä̧ jȩä̧pi̧nö̧. ¹² Profeta Elías huȩnȩ isojä hue'inö Joram'rö̧. Juojänä pa̧'a̧nö̧ huȩyu̧cui̧na̧'a̧: "Pa̧'a̧nö̧ pä'ö TÖ̧Ä̧NÄ̧HUA̧, David'inä Ö̧Ä̧NÄ̧HUA̧MÄ̧, ucutä cuä̧do̧tö̧ minä, pä'ö: Jua'amä ucu jȩcu̧'o̧ca̧'a̧ jö̧ ta'anö cuä'ominä Josafat jȩi̧nö̧'a̧nö̧, ja̧'hua̧ta̧'a̧nö̧ judá ru̧hua̧ Asa jȩi̧nö̧'a̧nö̧'i̧nä̧, ¹³ ja̧'hua̧nö̧ ja̧'a̧nä̧ ucumä Israél ruhuotä tti̧'chä̧'i̧jö̧ta'anötä̧ 'chö̧jä̧, ja̧'hua̧nö̧tä̧ jȩpö̧jä̧ Judárö'inä ja̧'hua̧ta̧'a̧nö̧ Jerusalén-nä ko̧cuä̧tö̧'i̧nä̧ ka̧ra̧ ka̧ra̧nö̧tä̧ jȩpä̧'chö̧ ttö̧jö̧nä̧, Acab ahuaruhuä jȩpö̧ ttö̧ji̧nö̧ta'anötä̧-- ja̧'hua̧nö̧ ja̧'a̧nä̧'nä̧ cuä'ö icuäjijä cui̧jä̧hua̧tä̧tö̧rö̧ cuä'o ahuaruhuärö'inä curä'chunä, jähuätömä ucuttu'inä abonänä huo̧juȩcu̧nä̧ hui̧nä̧tö̧-- ¹⁴ Topi, TÖ̧Ä̧NÄ̧HUA̧MÄ ro̧ȩpä̧cua̧ recuätö isotönä cutahuiyänä, cui̧tti̧mä̧rä̧'i̧nä̧, cui̧rȩcua̧mö̧rö̧'u̧nä̧ ja̧'hua̧ta̧'a̧nö̧ cuiäre ru̧hua̧ jö̧nä̧ cu̧ju̧'i̧nä̧. ¹⁵ Ucutä'inä rö̧ä̧nä̧ baraunä märichei rä̧bȩhuä̧cua̧jä̧ cu̧cuä̧ba̧nä̧, cu̧huä̧sa̧'i̧nä̧ rä̧o̧pä̧chä̧cua̧jä̧ cumäricheittö, mo̧ro̧ji̧nö̧ a̧'u̧cuä̧." ¹⁶ TÖ̧Ä̧NÄ̧HUA̧MÄ̧ Joramrö̧ Filisteos'i̧nä̧ ja̧'hua̧'a̧nö̧ árabes'inä̧ tta̧'cua̧ru̧hua̧nä̧ Etiopes tö'cönänö̧ ka̧cuä̧tö̧mä̧ ttö̧ra̧huä̧ri̧'ö̧nä̧ jȩpi̧nö̧. ¹⁷ Juätömä̧ Judá ttö̧ja̧rö̧ rohuäu kä'u icuinätö̧, ja̧'hua̧nö̧ jȩpö̧ o'cajuiyönä rö̧ä̧nä̧ micuäu ru̧hua̧ ojusodenä ka̧cu̧mä̧ o'cajuiyönä̧tä̧ ȩpi̧nä̧tö̧. Ja̧'hua̧ta̧nö̧ i̧tti̧mö̧rö̧'i̧nä̧ irecuamö̧rö̧'inä̧ ttȩmi̧pi̧ni̧yä̧cu̧. Ya̧tȩrö̧'i̧nä̧ i̧tti̧mö̧ttö̧mä̧ tö̧ju̧ni̧'i̧yö̧co̧cu̧ pinö̧, ja̧'hua̧nö̧ ja̧'a̧nä̧ Joacazrötä itti̧ röji ru̧hua̧rö̧tä̧ ttu̧ju̧ni̧'i̧ni̧yä̧cu̧. ¹⁸ Pi̧yȩ o'cajuiyönä̧ cuäopäji o'ca'a, TÖ̧Ä̧NÄ̧HUA̧MÄ̧ jȩpi̧nö̧ u̧huä̧sa̧nä̧ u̧mä̧ri̧chei räopönä jahuopu'inä̧ juiyu. ¹⁹ Ja̧u̧nu̧ pä̧nä̧ jä̧cuȩ rȩbȩhuo̧mȩnä̧, todäre a̧'ȩ beipächa'acu, u̧huä̧sa̧mä̧ mä̧richeittö 'quȩrä̧chi̧'i̧nä̧cu̧, Ja'hua̧nö̧ ja̧'a̧ rö̧ä̧nä̧ barahuäcu usurähui'ö 'corujuo'ächinö̧. Ö̧tä̧mö̧mi̧nä̧rö̧ ocuränä̧ ku icu jȩti̧nö̧'a̧nö̧mä̧ jȩtto̧co̧cu̧ pi̧nö̧. ²⁰ Ja̧u̧mä̧ trenta dos a̧'ȩ jo̧mȩnä̧ u̧ju̧nä̧ra̧'a̧ ruhuomä̧ kä̧mä̧dö̧ hue'inö̧; Jerusalénä̧mä̧ ochonö̧ a̧'ȩ jo̧mȩtä̧ hue'inö̧ ru̧huo̧mä̧, Ja'hua̧nö̧ ja̧'a̧ ya̧tȩ'i̧nä̧ a̧'cua̧ tta̧'ȩcuo̧cö̧ pinö̧ ja̧u̧ 'corujuoächaja'amä̧. Juätömä̧ David idepiyunä 'turu tticuinä̧cu̧, ja̧'hua̧nö̧ ja̧'a̧nä̧ ruhuotö huattomemäcö̧.