¹ 36nö̧ a̧'ȩ päi'ome Asa'inä, Baasa'inä Israélnä ruhuo huettomenä, rö̧ä̧nä̧ suronä jȩpi̧nö̧ Judárö ja̧'hua̧nö̧ jȩpö̧ aditinä Ramá otähuiyä, ya̧tȩ'i̧nä̧ räopö juiyönä jȩa̧ pä̧'ö̧ ko̧ro̧nö̧mä̧ Judá ru̧hua̧ Asa doächö juiyäcua'anö pä'ö. ² Ja̧'hua̧nö̧ jo̧mȩnä̧ Asa rä'epö icuinö pärätä'inä oro'inä TÖ̧Ä̧NÄ̧HUA̧ ojusedetömä ja̧'hua̧ta̧'a̧ ru̧hua̧ ojusodettö'inä, ja̧'hua̧nö̧ jö̧mä̧ hue'inö Ben Adad, ru̧hua̧ Aram ö̧ja̧'a̧cu̧, ja̧u̧mä̧ ki̧nö̧ Damasconä. Pa'inö: ³ "Ucu ttucu tesecuätucua, ttö chä'ocu ucu cuä'ocu ttesecuyinö'anö. Topi, ttömä huädä'ijäcujä pärätä'inä ja̧hua̧ta̧'a̧nö̧ oro'inä. Cuesecuinöttömä kä̧'ȩcuä̧chi̧ Baasattö, Israél ru̧huä̧ttö̧mä̧, ttörö meo̧pä̧rö̧ juiyäcua'anö." ⁴ Ben Adadmä̧ ru̧hua̧ Asarö ä̧ju̧cui̧nö̧ ja̧'hua̧nö̧ ä̧ju̧cu̧ Su̧ro̧da̧u̧ tturuhuotörö Israel ttö̧ja̧cu̧ tturohuähua pä'ö hue'inö. Jahuätömä̧ röhuäcuinä̧tö̧ Ijón ötahuiyä ttö̧cu̧'i̧nä̧ Bel ötahuiyä ttö̧ja̧cu̧'i̧nä̧ Main ötahuiyä ttö̧ja̧cu̧'i̧nä̧ ja̧'hua̧ta̧nö̧ ja̧u̧ o̧dö̧pu̧nä̧mä̧ o'cajuiyötä Neftali idepiyu cuähuä ca̧ca̧tö̧ rutähuome'i̧nä̧. ⁵ Pi̧yȩ 'cuäopäji huȩnȩ ä̧ju̧cuä̧ji̧'ca̧ Basamä̧, ja̧u̧mä̧ Ramá ötahuiyättö aditäjimä̧ cä'ädö ku̧ni̧nö̧, aditäjimä juhua'a yabo 'chu̧juiyönä jȩpö̧ ku̧ni̧nö̧. ⁶ Ja̧'hua̧nö̧ ja̧'a̧ Ru̧hua̧ Asamä̧ Judá ttö̧ja̧ O'catoi'önärö̧ chutäcu tti̧'chö̧nä̧ o'ipinö. Koro juätömä̧ inähuiyä ȩpö̧ kä̧nö̧'i̧nä̧ ramá dau'ca'inä̧ ȩpi̧nä̧tö̧ ja̧u̧ttö̧tä̧ Baasamä̧ ötahuiya aditinö. Ja̧'hua̧nö̧ ja̧'a̧ ru̧hua̧ Asamä ja̧u̧nä̧tä̧ Geba ötahuiyä'inä Mizpa ötahuiyä'inä̧ äräbe'ö aditinö. ⁷ Ja̧u̧nö̧ pä̧nä̧ Hanani Dios ucuocu jiäcuähuä ttö̧ja̧sa̧mä̧ Judá ttö̧ja̧ ttu̧ru̧hua̧ Asa ö̧ja̧'a̧cu̧ 'chi̧nö̧, ja̧'hua̧nö̧ ja̧'a̧ pä'inö̧: ''Tta̧'a̧nö̧ pä'ö rö̧ȩnä̧ cua̧'cua̧ cu̧huȩnä̧rä̧ttö̧ ru̧hua̧ Arammä̧, CU̧Ä̧NÄ̧HUA̧ Diosrötä cua̧'cua̧ cu̧huȩnä̧ro̧ca̧'a̧, ru̧hua̧ Aram u̧mö̧huäyotö su̧ro̧da̧u̧mä̧ tö'ipächäjätö ucu cu̧mö̧ttö̧mä̧. ⁸ ¿Etiopes ttö̧ja̧ jo̧ca̧'a̧ ji̧na̧'a̧ ja̧'hua̧ta̧nö̧ libios ttö̧ja̧ jo̧ca̧'a̧ ji̧na̧'a̧ su̧ro̧do̧u̧ recuinätömä, recuätö caruquiyänä'inä̧ ja̧'hua̧ta̧nö̧ cabayu̧tö̧nä̧'i̧nä̧ huȩji̧nä̧tö̧mä̧? Ja̧hua̧nö̧ ja̧'a̧nä̧'i̧nä̧ TÖ̧Ä̧NÄ̧HUA̧RÖ̧ cua̧'cua̧ cu̧huȩnä̧ro̧mȩttö̧ Ja̧u̧mä̧ iso juocuepönp ppädäcujä. ⁹ Isopäi'önä TÖ̧Ä̧NÄ̧HUA̧MÄ̧ ja̧huä̧jä̧ rȩjȩnä̧ o'cajuiyötä 'cuäopömä topö, chutä a̧mö̧nä̧ pa̧ja̧pö̧ ujuru jitö o'catoi'önärö ttujuru i̧jȩcu̧mä̧ ttamiso'qui jue'önä huotörö ucu cuä'ca jo̧mȩttö̧. Ja̧'hua̧nö̧ ja̧'a̧nä̧ pi̧yȩ tö'cömä jerupätö jȩttä̧'i̧ja̧'a̧nö̧ jȩpä̧ji̧jä̧. Jitä porö yabocumä curä rohuähuäcuähuätä kä̧cua̧jä̧." ¹⁰ Ja̧'hua̧nö̧ ja̧'a̧ Asamä Dios päö jiäcuähuä ttö̧ja̧sa̧rö̧ ra̧huä̧ri̧pö̧mä̧, cärenä rötinö̧, juhua'amä chutäcu'i̧nä̧ ja̧u̧ 'cuäopö jähuänä'i̧nä̧ u̧ra̧huä̧ri̧yä̧cu̧. Ja̧u̧nu̧tä̧ pä̧nä̧, Asamä ötahuiyä ttö̧ja̧ttö̧ yotucunä̧rö̧mä̧ suronä̧ huehuepinö̧. ¹¹ Pi̧yȩ ji̧na̧'a̧ Asa jȩi̧nö̧mä̧ ä̧cuo̧mȩnä̧ kä̧mä̧dö̧ röji jubö, Judá ttö̧ja̧'i̧nä̧ Israel ttö̧ja̧'i̧nä̧ ttöäre cuyäru'tänä huȩyu̧cua̧'a̧ pä̧'a̧. ¹² Treinta nuevenö a̧'ȩ jo̧mȩnä̧ ruhuo hueomenä, Asamä tti̧jȩta̧ mä̧richei uhuähuächinä̧cu̧, ja̧u̧ märicheimä rö̧ä̧nä̧ surojä märichei ji̧na̧'a̧. Ja̧'hua̧nö̧ ja̧'a̧nä̧, Ja̧u̧mä̧ Dios ppädarö pä'ö jäepajueimä, ttu̧mä̧richei adicuä ttö̧rö̧tä̧ jä'epinö. ¹³ Asamä a'inö jä̧do̧tö̧ mi̧nä̧cu̧tä̧; 'corupä'i'inö 41nö a̧'ȩ jo̧mȩ ruhuo hueina'a̧ttö̧mä̧. ¹⁴ Chutä a̧mo̧nä̧ uhuäpärebänätä rrȩä̧dö̧ tticuinäcu̧, chutä sahuinometä̧ David ötahuiyänä. Uhuapäreba huä̧mȩmä̧ rotinätö a̧mȩu̧ adiunä 'chopönä ja̧'hua̧ta̧'a̧nö̧ a̧mȩu̧ adicuä huo̧juä̧tö̧ taditähuä korottö korottö'inä a̧mȩu̧nä̧ ku̧ni̧nä̧ttö̧, Ja̧'hua̧nö̧ ja̧'a̧ttö̧ ja̧u̧ru̧ amucuädö ocurä röärä 'cuinätö̧.