¹ 'Cuäopina'a, Roboam ruhuo pä̧i̧cu̧nä̧ kä̧mä̧dö̧ hueinö pä̧nä̧, ja̧'hua̧nö̧ jȩpö̧ TÖ̧Ä̧NÄ̧HUA̧ hueinö ji̧nö̧'i̧nä̧ jaropi'inö-- ja̧'hua̧nö̧ ja̧'a̧ttö̧ o'catoi'önä Israél ttö̧ja̧mä̧ ja̧u̧cu̧tä̧ 'chi̧nä̧tö̧. ² Ja̧'hua̧nö̧ 'cuäopina'a Roboam ji̧mu̧tȩ a̧'ȩnö̧ hueomenä, Egipto ru̧hua̧ Sisac, ichinä Jerusalén ttö̧ja̧cu̧ rohuäu, ötahuiyä ttö̧ja̧ TÖ̧Ä̧NÄ̧HUA̧RÖ̧ ttöaroda'attö. ³ Ja̧u̧mä̧ ichinö 1200nö ca̧hua̧yu̧tu̧ dottö'ocä ja̧'hua̧ta̧'a̧nö̧ 60,000nö̧ ca̧hua̧yu̧tu̧nä̧ huȩjä̧tö̧. Su̧ro̧do̧u̧mä̧ pa̧ja̧cuo̧mȩ'i̧nä̧ juiyönä ichinätö̧ Egiptottö kä̧mä̧dö̧: Libiottö'inä, suquieno'inä ja̧'hi̧u̧a̧ta̧'a̧nö̧ etiopettö'inä. ⁴ Ja̧u̧mä̧ rohuäu 'cho'ipinö ötahuiyä röänä tto̧ttȩpä̧rö̧'i̧nä̧ Judá rȩjȩnä̧ ko̧cu̧ ja̧'hua̧nö̧ jȩpi̧'i̧pö̧ ichinä Jerusalenra̧'a̧cu̧. ⁵ Jitämä, profeta Semíasmä ichinö Roboam u̧jo̧mȩcu̧ ja̧'hua̧ta̧nö̧ judáttö ucuo ruhuotö ji̧nä̧ yo̧mȩtȩ pättiome Jerusalén'nä Sisac ötö'cö ttucuocua pä'ö. Semaías jahuätörö päinö: TÖ̧Ä̧NÄ̧HUA̧ pi̧yȩ pä'ö: 'Ucutumä TTÖRÖ jaropi'inä̧tö̧jä̧, ja̧'hua̧nö̧ ja̧'a̧ttö̧ TTÖ'INÄ Sisac u̧mu̧nä̧tä̧ iyäjisä.'' ⁶ Ja̧u̧nu̧ o'ca'a Israelttö ru̧hua̧'ja'huatanö i̧tti̧mu̧'inämä ucuotö ja̧rȩyu̧nu̧ päi'ö päinä̧tö̧: TÖ̧Ä̧NÄ̧HUA̧MÄ̧ jueötä hua̧.'' ⁷ TÖ̧Ä̧NÄ̧HUA̧ jahuätö ja̧rȩyu̧ päi'inö jȩtta̧'a̧ to'omenä TÖ̧Ä̧NÄ̧HUA̧ Semaíasnä kä̧nö̧ ucuocu päinö: ''Jahuätömä ucuotö ja̧rȩyu̧ päi'inä̧tö̧. ja̧'hua̧nö̧ ja̧'a̧ttö̧ TTÖMÄ jahuätörömä siepömä icuocösä; TTÖMÄ retopö ppädäcuotö totteö juiyönä, ja̧'hua̧ta̧nö̧ TTÖ chamisurumä Jerusalénämä 'cuä'opiyäcua'a Sisac u̧mu̧nä̧mä̧. ⁸ Ja̧'hua̧nö̧ ja̧nä̧'i̧nä̧, jahuätömä ucu cumuhuäyotö ttäcuotö, ttu̧huo̧juä̧chi̧a̧'pä'ö TTÖRÖ ucuotö jȩä̧cuä̧'inä ja̧'hua̧ta̧nö̧ kara'a rȩjȩ ruhuotö ttiäre adicuä'inä. ⁹ Ja̧'hua̧nö̧ ja̧'a̧ttö̧ Egipto ru̧hua̧ Sisacmä, Jerusalén ttö̧ja̧cu̧ rohuäu ichinö ja̧'hua̧nö̧ rohuäumä rö̧ä̧nä̧ micuä TÖ̧Ä̧NÄ̧HUA̧ ojusodenä̧ ka̧cu̧ ȩmi̧nö̧ ja̧'hua̧ta̧nö̧ ru̧hua̧ ojusode ka̧cu̧ rö̧ä̧nä̧ micuäu'i̧nä̧. Ja̧u̧mä̧ o'cajuiyötä emipinö; ja̧'hua̧ta̧nö̧ ttoecuäcuähuä obi Salonón orottö aditinö obi'i̧nä̧ ȩmi̧pi̧nö̧. ¹⁰ Ttȩmi̧pä̧ji̧ o'ca'a Roboamä ttoecuäcuähuä obimä broncettötä aditinö, aditö cä'ädömä su̧ro̧da̧u̧ ttu̧ru̧hua̧ u̧mö̧nä̧ iyinö, juätötä ji̧na̧'a̧ ru̧hua̧ ojusode ä'ca kä̧nö̧ tta̧'ä̧ri̧nä̧tö̧mä̧. ¹¹ Ja̧'hua̧nö̧ ja̧'a̧ ru̧hua̧ TÖ̧Ä̧NÄ̧HUA̧ ojusodenä doächöta'anö, tta̧'ä̧rä̧tö̧mä̧ ja̧u̧ cue'ädinä̧tö̧; ja̧u̧nu̧ o'ca'a ppa̧ttä̧cho̧mȩnä̧mä̧ pä'äjita'anö isode ja̧u̧ ko̧decutä i'cächinätö. ¹² Roboam a̧mö̧nä̧ pa̧ja̧tö̧ ucuo teähuäji cädi'omenä, TÖ̧Ä̧NÄ̧HUA̧ ö̧'ä̧i̧mä̧ ja̧u̧ttö̧mä̧ töäpächina'a o'cajuiyönä si'epö icu jui'ömä; koro, ji̧nä̧ adiu juäi'i̧nä̧ ka̧cui̧pi̧na̧'a̧ Judá ötahuiyänämä. ¹³ Ja̧'hua̧nö̧ ja̧'a̧ttö̧ ru̧hua̧ Roboam-mä Jerusalen-nä ruhuo pä̧i̧cu̧nä̧ hue'inö, ja̧'hua̧nö̧tä̧ ruhuomä hue'inö. Ruhuo kä̧mä̧dö̧ hueinömä Roboam ku̧nä̧ri̧nö̧ 41 a'e jo̧mȩnä̧, ja̧'hua̧nö̧ ja̧'a̧ttö̧ Jerusalén ötahuiyänä ruhuo hue'inö 17 a̧'ȩ jo̧mȩ, Ja̧u̧ ötahuiyämä TÖ̧Ä̧NÄ̧HUA̧TÄ̧ pojopö ȩmi̧nö̧ ji̧na̧'a̧ Israél ttö̧ja̧rö̧ iya pä'ö chutä i̧mi̧ ötiyarö pä'ö. Ja̧ju̧mä amón ttöjasaju ji̧na̧'a̧ ki̧mi̧mä̧ micuinäju̧ Naama. ¹⁴ Ja̧u̧mä̧ suronä jȩpi̧nö̧, amiso'qui jacuättö Ö̧Ä̧NÄ̧HUA̧RÖ̧ adiunä usoca'attö. ¹⁵ Ja̧'hua̧nö̧ ja̧'a̧nä̧ koro Roboam ötö'cä, ä̧cuo̧mȩnä̧ttö̧ kä̧mä̧dö̧ röjibö jȩi̧nö̧mä̧, ¿Huȩyu̧cua̧'a̧ po̧ca̧'a̧ tä̧ji̧ Semaias profetahua̧ ja̧'hua̧ta̧'a̧nö̧ Iddo 'cuäopö pähuä i̧sa̧ iäre cuyäruttänä, ja̧u̧'i̧nä̧ huȩyu̧cua̧'a̧ ku̧nä̧rö̧ ttö̧tä̧mu̧mi̧nä̧ ttö̧ji̧nä̧ ja̧'hua̧ta̧'a̧nö̧ Roboam-cu Jeroboam-cu 'cuaopänä rohuäu ttö̧ji̧nö̧'i̧nä̧.? ¹⁶ Roboam 'corupä'i'inä jä̧do̧tö̧ mi̧nä̧cu̧ ja̧'hua̧nö̧ ja̧'a̧ttö̧ rȩä̧dö̧ tticuinäcu̧ David ötähuiyänä; I̧tti̧ Abíastä hueä/ijome ruhuo hue'inö.