¹ Mag Israel phieen woujierram waumapha ajieeram, chi khan neminag gai phʉrbam ajim mag oophʉyaag, maimua Akan, Carmi iewua ajim, Akan Zabdi iewa ajim, Akan Zera iewa ajim, mʉkhʉʉn judapieen ajim ajem, maimua akharag phʉrphibathar phʉrjim igãau mag waumajierram magtha maach Ēwandam meukhãjim, Israel phobor piendui. ² Josuee ẽnkõor phʉijim Jerikob mua, phobor thʉr siejim Hai mag phobor dakha siejim chi Bet Aven, maimua dokier dakhata siejim Betel, maimua Josueg jaaijim; ereeuphubadethʉ maimua oobathu chi jẽb magai chi enkhõon pẽthajierram, oojierram phobor Hai. ³ Mag bẽewai deeu Josuee sim aig Jauchejierran; oodeephʉyan õor khaphaam phobor Hai ar, magbanʉ aawai õr deeba pʉi dos mil enkõor, tres mil enkhõor paita khʉkaan weetaag, phobor Hai oo thumwe khukhaphin, amaich khaphan khabanʉm. ⁴ Magau mag chi õor tres mil emkhon wetjierram khʉkhajierram khʉʉn, makhʉʉn Haigim. Khʉʉn ereuphubadeejim chi Israelita pien okhoojim, Hai pienau. ⁵ Khechpʉijierram treinta y seis mil emkhoon khukhawia anun endee wetjierran phobor dakha oberjemai anun siejim mag warphagta thʉmwe thʉnaajierram jerag beethar khʉʉn thmwe mag chi phãborag, maimua chi phobor thumwe japhiernaajim aan juapha chukhu thʉbajim khathʉʉ thʉbaajierram ajeem ajim. ⁶ Magthakhʉr Josuee ich khajua, jeephʉijim Israel pieen joinaan amach poor um meger nathõo wephʉjierraam Ēwandam bauldi phinden, khĩrphee daagau ʉthʉgkha jierram, mag ichmagta kheuragtha naagau. ⁷ Magtharkhʉr Josuee jaujim; ¡mag Ēwandam, Ēwandam! ¿khanawiatha pʉa maarig jaujim dichbaathʉm aajim Jordan garmua? ¿Khanaathe maan deepuujim Amorreo pien jua ee deejʉ anʉm maan ophʉyaankhīr? ¡maan thʉbatharr akhin, mag mʉg khaba naa khaajim! ⁸ ¿Jagatha mua wawagaga Ēwandam, maan Israel pien okhojierram, maimua dʉrjierran iekhor wainarrawai? ⁹ Nau Kananeo pienau thumankhʉnau ũrjaurrau mʉ jẽb gai, jakhʉn nau maar phʉrdʉ aujierram, maar jẽb gayin khʉʉn khir okhopʉijim maach thʉ̃r magwia ¿Pʉ khan wawagaga õoraag khaphu amkhīr, pʉ thʉ̃r pomaam chau? ¹⁰ Ẽwandamua Josueg jaujim: ¡phidʉbag! ¿Khanawiata pʉ khʉt dagau ʉthʉsim ajim? ¹¹ Israel pieen akharag woujieram, amach dʉʉ waubajierram chi iek, ich dʉʉ jautar thumwe. Jiigkhajierran neminag igau thunaar, amach deu jigkhapʉijierram maimua agjo chi akhãrag meerjierram, mai mach dʉu jigkhatar aba aukherjierram. ¹² Mag wai amaich Israel pieen õor khaibagan khʉʉn pod khinthʉ aubaajierram, aan aimua ereuphʉbadeejim amach pai okhojierram khukhanarre. Maimua mu pãar dui chiragau, ich maach oo numich chi neminaag phʉrautar meen au naajim ophʉyag ajim aajem. ¹³ Phiidugkhabag phobor waubathʉu mʉ athee maiwai jaubathʉ: "khĩrkhapʉ abathʉ, mai pach dʉʉ pai chugpa apʉithʉ naam num athe. Mag Ẽwandamua, ich Ẽwandamua Israel pieen den mag jausim: "Mag naminaag thʉnʉm igau aukherag magwia chagtha paar ee thʉnʉm, Israel pienau podbanʉn khukhagathe chi papuyaagau chi neminaag akhãrag aunum". ¹⁴ Edaupherre pach khognaam thumwue ophieegau. Mag Ẽwandamua jurautham kodnaan eem enkhõon thumwe, ahab du aberagau Ẽwandam naa, ¹⁵ maig Ẽwandam chi khodnaan em jurathamtha maguatha jigkha aujim, mata Ẽwandam naa siegau, maigmua chi juraauthar phoiagau, chi khodnaan. thumwe, maiwia chi di agjo phaagau. Mag Ẽwandamua mauphibatharretha waujim, mag gaimʉatha, Israel akhãragee burjim. ¹⁶ Magau mag Josuee phidʉjim edpherre mag aubeejim Israelpieen dakha, ahab du amach khodnaan aubeejim maimua Judapieen jʉrtheerjim. ¹⁷ Josuee dakha aubeejim chi khoodnaam Judapien mai chi khoodnaam Sera denta jurajim. Mag ahabdi, ahabduta aubemaajierram mai sabdita juraujim. ¹⁸ Aubeejim sabdi khodnaan ahaabdu, mag Akan iewa, kaimi chi sabdi eiwa, Sera iewa makhʉʉn Juda pienau Jʉrdeethaar, ¹⁹ Maimua Jusueeg, Akan Jaaujim: "Ẽwandam daakhir chachamta jauba, chachamta jauba Ẽwandam khimphe. Jauba mʉrig ¿khantha pʉ waujim? oo seukham thumwue murigtha jaawagau, ²⁰ ʉkhajim Akanau: "Mʉ chadcha akhãrag waujim Ẽwandam dau naa, Ẽwandam Israel pien den. ²¹ Mʉgtha mua waujim: mʉtha mua neminaag wajapham oojim, chi put juajem oimʉgsim Babilonia pienden ajim ajem phatkhon dau doscientos oojim, maimua chi phĩn dʉʉcha oojim ma Libabsim, mua oowai wajapha khithaa waitha mua aujim. Mai auwia, warbia meger ee jadacha beg siujim thumwe chi phatkhon dauja agjo. ²² Josueu phuijim ich choog naan deepʉ Akan diar oon mam khĩr, mag oomaawai chadcha chi phatkhon dau meger ee betsim oojim. ²³ Amach deu phurua aujierram chi neminaag megeree jadacha beg siujim, mag aubejierram Josueg sim ai mai Israel pren chi phobor thumwe aubejierram, amach dʉʉ ausijierram Ẽwandam khirphee. ²⁴ Maimua Josuee mai chi phobor Israel thumwe majierram, puraujierram Akanau Sera iewa, mai chi phatkhon, chi put oimʉn chi phĩn dʉʉcha, maimua chi iewan, chi kharan naan bueyes, mai mulas, mai obejas, chi di, mai mua thumwe wainaar mag thunwe athadeejierram jẽb khʉthag Akor. ²⁵ Magtha Josueg jaujim: "¿khanaawia mach akharãrag wauthar aubeejierram? Ẽwandamua pʉ ithee akhãrag aubeeju". Magwia Israel pienau mokdau barjierram magtha phaaphujierram. ²⁶ Phaatha ʉntha mokdau den dursi waupujierram, agatha ichmag sierram. Maimua magtha Ẽwandam meunkhabasim, magta amach naajem aai Akor khʉthaag.