¹ Ẽwandamua Josueg magjim: "Oob japhierram; pʉich ithe õor werbʉajem khʉʉn thumwe atha. Haig majim. ooba mua pʉ jua ee chi rey Hai den deegpam chi phobor, maigmua pʉ jẽb. ² Mua haiig ich rey dʉi deeju, Jerikoog chi rey dʉi deetarrjo awia, mamʉ wainaajú neminaam wajapham, maigmua phakja pãar thumaam khʉʉn ithee. phobor durrag thãrap ogkha siubat. ³ Magta Josué phiidʉwia ich õor werbʉajem khʉʉn Haig warrjim. Magwieta Josue ich õor werbʉajem khʉʉn treinta mil jʉrawia, maig daau jʉrkhʉʉi pʉijim. ⁴ Ich deu jaaujim: Oobat, phobor eeugar tãrap ogkha subathʉ. Chi phobor aigmua warp wetmiethu, pari pãar thumwe khĩir khaubat. ⁵ Mʉ, maigmua õor thumwe mʉ aig nʉm khʉʉn, phobor dakha wettarrau. Maach dʉi werbʉag pabaadeewai maach khaphidjuarrau nacha atarrjo awia. ⁶ Am maach ẽ udee khaphidjuarrau, mamʉ amkhayãu maach phobor warp naaju. Maigta maigta magjuarrau: amach maach ugkhau ereujierram bieg ãp wautarrjo awia. magan nacharamjo awia deeu khaphierram. ⁷ Magbaadeewai pãar dʉrnarr khʉʉn oberdʉgkhabat, maig chi phobor phʉʉrthuur aujierram. Maach aai Ẽwandamau mʉg phobor am jua ee deeju. ⁸ Chi phobor pãarau phʉʉr atham bʉrre uur bapʉi. ma pãarau maach aai iek ʉkhaawaita maigmugua irua waubat aawaita wauju. Oobat mua pãarag ya jaaujim. ⁹ Josueu tharãp og sim aar mapiwia ereujierram, magbaarwai thʉrjierram Betel ee maigmua Hai ee, edau duubjem gar Hai aajem gar. Mamʉ Josué mag phobor jã ee khãi ãspajim aajem. ¹⁰ Josué ed pherre phiidʉwia ich diu khĩirjũugwai, mʉ werbʉejem khʉʉn kĩiir khaug nʉm ajim, Josué maigmua chi jooin Israelpien dʉi, amach werbʉajierram Hai phobor dʉi. ¹¹ Thumwe õor werbʉajem khʉʉn Josué dʉi thʉnarr khʉʉn phobor dakha majierram anʉm. Magwia amach phoborog mawia mam amach thʉbajierram anʉm Hai norte bi gar sierr aawai. Magwia phaaurug bigaau thʉbajierram anʉm Hai dʉi. ¹² Ich diu õor sinko, mil jʉrauwia, makhʉʉn õor tharap ee pharpim kĩirjo ausiujim ma edau duugjem bigar phobor Betel Hai dʉi. ¹³ Ich diu ich thʉajem khuʉʉn, khĩir khaugkha siujim, chi wajapha werbʉajem khʉʉn phobor norte bigar ausiujim, maig ãauram khʉʉn i thʉajem khʉʉn phobor edau duubjem bigar thʉbajierram. Mag ed gaai Josué durr khʉtag ee aspajim. ¹⁴ Chi rey Haimua, oonʉʉ awai, ich werbʉajem khʉʉn dʉi edaraawe phiidʉgkhawia ereujierram anʉm Israel dʉi werbʉan, Jordán khĩirphee dosĩn weuthʉnʉm aig. bʉ̃ʉrja Ich diu khauba siejim, tãrap ogwai nʉm, magta phobor eeugarmua werbʉan wetnʉm. ¹⁵ Josué, Israelpienpa am werbʉnʉm aig okhoojierram magwia amach durr weugthʉm aar warag wetjierram. ¹⁶ thumwe õor phoboraig thʉnarr khʉʉn thʉ̃rkha auwia am ẽudee wetaagau ajim , Josue ẽudee ẽkhajiep pari ya mag phobor aigmua warp naajierram anʉm. ¹⁷ emkhooin mag phobor Hai anʉm aig maigmua Betel aig, thumwe Israelpien ẽudee majierram. Amach diu phobor õor chukhu auphʉajierram Israelpien ẽudee mamkhõchkhau. ¹⁸ Ẽwandamau Josueg jaaujim: ¨Ar thudkher pua jua ee wai simua phobor Haig ʉa atha, magta mua phobor Hai athʉ̃r sim pʉ jua ee deeju. Magta Josué ich jua ee thudkher wai sierrau phobor Haiig ʉa wai sisijim. ¹⁹ Chi õor thʉajem khʉʉn phobor eugar dʉrnaar khʉʉn tarãp ogsierr aig´magmamua warag oberjierram amachig ʉawai sim oo athaawai. Amach diu chi phobor aig khaphid beewia, dugwia chi phobor urphʉijierram. ²⁰ Chi wounaan Haipienau ewag phʉʉrdʉ oo nʉʉawai. Am phobor eemuata naar edjã eebe nathõo ober thʉnaajim anʉm mag eem khʉʉn õor ni ãbjã bigaau perdʉbajim aajem. Chi werbʉejem khʉʉn Israelitapien khʉtag ee wettarr khʉʉn beewia amdʉi werbʉajierram. ²¹ Josueu Israelpien dʉimua oonʉʉ aawai chi phobor eeugar tarãp ee dʉrnarr khʉʉnau ʉgthaag chi naar nathoo thʉnʉn oobarwa, amach ewag beewia Haipien õor thumaa thõokha pʉijierram. ²² Ãuram khʉʉn õor thʉajem khʉʉn Israelpieen den, makhʉʉnta mag phobor ee bardʉgkhatarr khʉʉn, werbʉan oberjierram. Magbarwai, chi ẽmkhooin Haiim khʉʉn pʉrkha auwia Israelpien õor thʉajem khʉʉn dʉi, ãur khʉʉn othoom bigar majierram maigmua dewam khʉʉn agju othoom gar. Israelpienau Haipieen dʉi werbʉajierram; ni ãbja ĩiubajim ni peerdʉbajierram anʉm. ²³ Mamʉ amach rein monakha wainaajierram aajem amach diu pʉrwainarr aawai mamʉ Josué khĩir phee aubeejierram. ²⁴ Magtarr khur Israelpienau phobor Hai anʉm aig thʉnarr khʉʉn õor khĩrap opʉiwia, jẽb neminaam chukhum dakha am ẽudee jʉr warrtarr aar, magwia thũnwe mag eem woun ẽudeecha thuthuiu thõopʉijim, magwia Israelpien thũmwe phobor Hai anʉm aig barchejierram. Amach diu werbʉawai thũthũiu paita werbʉajierram. ²⁵ mag ed gaai mʉkhʉʉnta burrjierram, emkhooin ʉʉin dʉi, makhʉʉn 12 milta khechjierram aajem , thũmwe chi phoborpien Hai aigʉm khʉʉn. ²⁶ Josuéu ich jua eeg aubajim , ichmag thudkher ʉawai sisierr aigmua , magta phobor Hai anʉm opʉijierram aajem. ²⁷ Israelpienau aujierram anʉm nemchaain juau bãautarr khʉʉn maigmugua neminaam wajapham phĩrjom mag phobor aig thʉnarr khʉʉn, magta Ẽwandamau Josué jaauwaisierr aawai. ²⁸ Josuéu Hai phobor urphʉijim anʉm magta mag phobor neminaam bʉ̃ʉrja chukhu sisijim anʉm. amach diu mag phobor ãrpʉiwia ich mag mʉʉg waipaja iseg wainʉmjo õor chukhu siejem anʉm. ²⁹ Chi rey Haiim pabʉ gaai jiirjop siuwia ich maig kheumaajim anʉm. Maigmua edau dupmaawai , Josuéu jaaujim rey mor pabʉ gaai siirjop sim eeg ẽreu athat ajim magwia barapʉimit ajim puerti dapagkham khĩirphee mag barpʉijierram aajem. Maig i ʉ̃r mok dauden durr si waupʉijierram . Chagtha mag durr sĩ mokdau den chagtha siejem anʉm. ³⁰ Magbaarwai Josuéu abamʉg mok paa siiawia ʉgthaagaa wau kherjim anʉm Ẽwandam ithee, chi Ẽwandam Israelpien den, Ebal durr, ³¹ Magbarwai Moiseegta ich chog atharr aawai chi phobor Israel anʉm jaau pʉajim, magta Moiseeu esãp phãsierr gaai chi ley phãsiejim : ¨ dau ãb altar thũnwe mokdauden ajim, makhʉʉn mok ni ãbam khʉʉnauja waau meraa naajim.¨ Ẽwandamag phaanaawia deejim anʉ chibdam maig iekhõrjã chugkhu khõinaa naag ithee ³² maigmua , phobor Isrelpien dauna, Ẽwandamua mok gaai phãkhajim anʉm, Moiseu esãp gaai phã pʉatarr ag gayam. ³³ Israelpien thumwe, jooin khĩirjũg khaphʉm khʉʉn,õor thʉajem khʉʉn, maigmua iekhõr phaaijem khʉʉn ma khʉʉn wounaan dichwia baaudi bi gaau dʉnʉukhakkha jierram phadnaan thʉnʉm khĩirphee maigmua levitapienauta chi baaudi Ẽwandam den ãkhaajeejim, õor aigim khaban khʉʉn maigmua wounaan aigim khʉʉn, magʉʉn wounaan jãdach bʉjãau dʉnʉʉujierram durr sĩ Gerizim anʉm khĩirphee maigmua agjo jãdach bʉjãau dʉnʉʉujierram durr sĩ Ebal anʉn khĩirphee. Amach diu bendesiijierram Israel phobor ,Ẽwandamau Moiség ich chog atharrawa irigta nacha jaauwai sierr awai. ³⁴ Magtarr khuur thumwe, Josuéu chi ley gaai phãthʉnarr khʉʉn thumwe lee pʉiwia, chi iek wajapham khʉʉn maigmua iek ãkhãram khʉʉn, mag libro ley den gaai phã simjota jaaujim anʉm. ³⁵ Moiséu iek jaautarr oobajim, Josueu Israel õor khapan thʉnʉm khĩir phee chi esãp leebajim, ageenaajim ʉʉin, chaain maigmua igawam khʉʉn õor aig joobaba nʉm khʉʉn.