¹ Naw, thʉmwe tapkha thʉnaajim Jerikoog dugjem khʉʉn chi õor thʉajem khʉʉn Israelitas pien gayamua. Ni abamjã obeerba ni abamjã dʉgba naajim. ² Ẽwandamau Josueg jaau jim: "Pua khãphusi, murua pʉrig Jeriko pʉ juaee deetar, chi Rey magnaawia chi oon thʉajem khʉʉn. ³ Pãar maagau phobor igaau, thʉnwe õor thʉajem khʉʉn maagau phobor igaau khãai pier. Mag wawaagau khãai ãb awia nʉmi. ⁴ Jua ãb awia numi saserdotenaanau jĩir araa gau churo karnero kach dem jua ãb awia nʉmi baaudi phĩr khĩirphee. Khãai jua ãb awia nʉmim, chi siirpʉiyaagau chi churo ⁵ Chi sasertotenaanau jãphu dʉraa siirpʉiyaagau carnero kachau, mag ʉrbaraau thʉmaan khʉʉn õor tag theeg sereeu aagau, mai chi phobor thʉ̃r sim buraagau. Mai Israel chaain naʉ ʉgkhaba audugkhaagaarau, amach ãhãbdʉ am khĩirphee dʉdʉrag maagau". ⁶ Magba naawei Nun iewa Josueeu, saserdotenaan thʉ̃rjim mai jaaujim: " jĩir aupidʉg chi baadi phĩr, saserdutenaan jua ãb awia nʉmiim khʉʉnag jĩir araagau jua ãb awia nʉmi churo karnero khach den Ẽwandam baaudi phĩr khĩinphee". ⁷ Jaau jim phoborag: "ereu phubaad phobor igaau, mau mua chi õor thʉajem khʉʉn maagau Ẽwandam baaudi phĩr khĩirphee. ⁸ Chi Josueeu phoborag jaautarjo awia, mai chi saserdotenaan jua ãb awia nʉmiim khʉʉnau jĩir aar jim jua ãb awia nʉmi churo karnero kach den Ẽwandam khĩirphee. Dʉdʉragmam dʉi churo sisirag maajieram. Chi Ẽwandam baaudi phĩr maajim aan eugaar. ⁹ Õor thʉajem khʉʉn saserdotenaan nagar wetmaajieram, mag amachdʉi churo sisirag maajieram, agjo baaudi phĩr eugar saserdotenaan wetmaajieram ich mag. ¹⁰ Mamʉ Joseeu phobor rag jaau jim anʉm iekha jim: ''khiʉʉ ereeu phubaad, murua pãrag khãai ãb jaaubam aarta. Maita paan theeg sereeu aagau''. ¹¹ Magta khãai ãb ee Josueeu waujim Ẽwandam baaudi phĩr phobor igaau waisiaagathee. Maimua dʉg jierram di eu sim ee magai kheu jierram. ¹² Chi saserdotenaan jua ãb awia nʉmi churo jua ãb awia nʉmi carnero kach den jiir aartaar khʉʉn nau Ẽwandam baaudi phir khĩin phee, wajãpha nʉʉraatar khʉʉn, wed maa jiieram amach churo sisirag. ¹³ Am na chi õon thʉajem khʉʉn wed maajieram, Atagam khʉʉn wed maajieeram Ẽwandam baaudi phĩr eugaar, chi churos naan sisirag wed maajieram ich mag. ¹⁴ Khãai nʉmiin gaai phobor igaau majieera biag ãb pei mai mua deeu bee jieeram chi di eu sim ar. Amach map wai jieeram khãar jua ãb awia ãb. ¹⁵ Magta khãai jua ãb awia nʉmiim gaai edau obeer wei phiidʉ jierram, wed jierram phobor igaau amach dʉi nacha wautarrjo awia, mamʉ is waau wei jua ãb awia nʉmi wau jierram. Mag mʉg khãai gaaita wed jierram phobor igaau jua ãb awia nʉmi. ¹⁶ khãai jua ãb awia nʉmiim gaaita, maag wei saserdotenaanau amach churo siirpʉi jierram, Josueeu phobor rag jaai jim iekha jim: ''¡Oo abad!, Ẽwamdamau paan nig phobor deetarr aai''. ¹⁷ Ẽwandamau jaaujim, chi phobor magnaawia ag gaai jooba nʉm khʉʉn trhʉnwe, opʉyaag gau maag wei. Ich Rahab chi dʉrr mia peita nʉrraagau--ich magnaa wia i dʉi deg nʉn khʉʉn peita nʉrragau--mamʉ maan nau enkhõon deepuitarr khʉʉn ich dʉi ich deg meen autarr aai. ¹⁸ Mamʉ paan nau, nem inag khĩeed thʉnʉm khʉʉn daujo naagau, chi opʉiyaag athee, oo purau mieethʉ nem inag. Paan nau mag waumʉn, akhanagamta aubeegau Israel campamento aar mag sim aawei thʉnwe nem inag opʉyaagau. ¹⁹ Thʉnwe phagkhon, phĩr jom nem inag bronse den i jieerden Ẽwandam athee khĩad araagau. mʉkhʉʉn araagau Ẽwandam nem inag ʉʉrkha jem aar''. ²⁰ Mag chi phobor rau churo iek ʉʉn wei, theen aba oo ajierram mai chi thuursim bʉrjim mag amach dug jierram chi phobor ee, amach ã ãbdʉ aba dʉdʉrag khiin phee maajierram. Mai amach chi pap naan khajierram chi phobor den. ²¹ Thʉnwe phobor ee jooba naar khʉʉn thookha puijierram thuthuiyau--enkhooi maimua uui, ewan joon, bueyes, ovejas maigmua burros naan. ²² Mag taar gʉrr Josueeu jaau jim enkhõon jẽp oonaar khʉʉn nʉmiim khʉʉn nag: ''Ereeu phubaad khʉja thĩeermia sim di aar. Oberr athat chi uui maimua idʉi thʉnwe nʉm khʉʉn, nem inag paach diu jaau tarrjo awia''. ²³ Mai chi ewan naan jẽp oonaar khʉʉn dug jierram i Rahab obeer puijierram. Ma khʉʉn nau obeer pʉijierram chi aai, ãd, chi ondeemnaan maimua thʉnwe idʉi naar khʉʉn. Arjierram Israel di wau siar di ai mua wab. ²⁴ Chi phobor thʉnwe phaa pʉi jierram mag naa wia ag gaai nem inag thʉnaar khʉʉn. Chi phatkhon, chi phĩr magnaa nem inag bronse den i jieerden khʉʉ peita ũurkha aukhe jieeram Ẽwandam phag khon ʉrkhaajem aar. ²⁵ I Josueeu Rahab khʉja thĩeer miag jaau jim, chi aai di mag naa wia thʉnwe idʉi naar khʉʉn, ich aar beepi khiin. Ewagam khʉʉn chaain mug khãai ee peita jooba naagau Israel, ich dʉi enkhõon meenkha autarr raai Josueeu oomkhiin puitaar khʉʉn Jericoog. ²⁶ Maimua Josueeu jaau jim mug khãai ee iek chagcharam iekha jim: ''deeu chi woun nau chi phobor Jericó wauban khaiba aagau. Chi chaai chi naam thʉrrsim ee mua jʉrr pui yaag gau chi chaai chi endeem meegau obeer jem ai''. ²⁷ Mai chi Ẽwandam Josué dʉi sieejim mai ithʉn jẽb gaai khau jierram.