¹ Jaig mua thumwe chi reynaan amorreon aigim khʉʉn majierram doochaar, Jordanag maig mʉa chi reynaan kananeo pieen joobaanar ai phuas mediterraneog, amau ũrjierram Ẽwandamau jʉʉphuithar Jordan eem do, magta Israel pien thumwe dichjierram ag khirphe. Am thãr japhierthʉnajierram maimugua khʉkhamapha najierram phobor Israel preen gaai mua. ² Magwai Ẽwandamau jaujim Josueg: Wau athaajim thuthui mokden, magua sirkunsidan khĩĩr (me eu phʉrbichag) ẽnkhor thumwe. ³ Magta Josueg thuthi mokden waujim, maata ẽnkhor thumwe Israel pien, me eu phʉrbichim dursi Aralot ai. ⁴ Magta Josue me eu thʉʉjim: thum chi ẽnkhon Egipto mua obertharkhʉʉnta, desierto ar meekhajierram, obertharkhʉʉr Egipto mua. ⁵ Ẽnkhon obertharkhʉʉr Egipto mua, makhʉʉnaan me eu phʉrbiich sii deejim, mamʉ mʉ khʉʉn chaan thabʉʉthar khʉʉn desierto ar, me eu thʉʉbasiideejim. ⁶ Magta chi phobor Israel pien wenʉrrajierram desierto ee kuarentena ayos, magta thumwe chi khukhajem khʉʉn meekhajierram maach Ẽwandam iek ʉrhabathargaimua. Magta maach Ẽwandamua jaujim irua bʉrja chi jeb oopibam ajim anʉm, jooinag jeb deeju athar, mag jeb gai thʉnʉm leche miel, nempom khĩrphierragam deesim. ⁷ Makhʉʉn meethar khʉʉn chaanta, ma Aayau ich jeb deeju atharr ar, magartha ausujim, mʉkhʉʉnta Josue me eu phʉrbichthar khʉʉnau, makhʉʉntha khʉd ee wetbamua me eu pod thʉbaatharkhʉʉn ajim. ⁸ Mag thumwe ẽnkhoon me eu thʉʉbaphʉ eewai mag ai pai naajim aajem amach monau numich. ⁹ Ẽwandamau Josue jaujim: "Mʉg ed paar gai ãkharag waidurar murua khecheuphʉijim, Egipto mua waidurar", magtha magai thʉ̃rjim Gilgal, ich mag thʉ̃rsiajem. ¹⁰ Magta chi phobor Israel thʉbaajim Gilgal. Mag egta chi paskua ed oneg waujierram mag egta katorce kheurat ajim ajem, mag nʉmichta mag khʉthagee Jeriko naajim ajem. ¹¹ Mag Paskua dichthaarkhurr, mag ed paita mag jeb gaita obersim khojierram, pan lebadur chukhu, mai sereal phusir sim. ¹² Mag ed obaadeejim chi mana mʉg jebgai obersimta khophu baadeejierram aajem, magta deebaadeejim "mana" Israel pien athe, mag ayo khojierram kanaan jeb ee obersim. ¹³ Mag Josue Jeriko dakha baarcheewai ʉgthaag onʉʉ awai woun i khĩrphe thuthui dui odʉnaajim. Josueu agar mawia jeu i maajim: "¿Pʉ maan dʉithasi, oo pʉ dewankhʉʉn dena?" ¹⁴ Chi Wounaau juajim anʉm: “Mʉ abam khʉʉndenja khabam ajim“ mʉta chi poorau ma Aayau deephʉithaarrau, magta mʉ beechirum. Magta Josueg ed daagau ʉthʉsisijim mag jaujim: "¿Pua mʉrig jawag iek waichirum ajem?", mʉʉn par choogau ¹⁵ Chi por ma Aayau jaujim Josueg "Ẽenapui puch bʉjae, ar pʉ dʉnʉmʉm jaan wajapham aigim." Mag Joseu ukhaajim.