¹ Bamna Jisas ai disaipilka nani wal Jerusalem lamara kan, bara witin nani ba Betfage Ulibait ilka lamara sairkara dimiwan, Bara Jisas ba aidisaipilka wal ra blikan takiwan. ² Witin mita smalki naku wisata: "Was, wan kainara plis silpi kumi bara sa, baha minitkara kaikma buriku kum wilkan sa, bara sin lamara muyul kum sin barasa. Lanhki yanra bribal. ³ Upla kum kra mamkabi walbia daukismaba dukiara, bara man nani mita wima, "Dawan nitka takisa", bamna, baha uplika mita minitkara maiblikbi." ⁴ Baha sut ba takan, kan Prapit nani aisan ba, aimakia kan. Bara naku wisata: ⁵ "JERUSALEM LUHPIARA WIS: KAIKS, KINKAM MANRA AULA SA, TARA PULAN LAKA KUMI APU, MUYUL, BURUKI KUM LUHPIA PURARA ULI AULASA." ⁶ Bamna Jisas smalkata baku, disaipilka nani ba pitka kat dauki bahwan. ⁷ Witinra bribalan Buriku kataba bara sin mayulka sin, nina palkaika nani maka mankan, baha luanra Jisas uli iwan. ⁸ Upla aihkika kuara tara bara kan nani ba, ai kualka saki yabal bilara palkikan. ⁹ Upla ailal Jisas kainara nani ba, bara sin Jisas ninara auya kan nani ba, ai bila tara saki naku aisikata: "¡DEVID LUHPIA RA MAYUNRA YAS!, ¡YAMNI TARA SA BAHA DAWAN NINARA AULABA, MAYUNRA BA PURARA PALI YABI SA!" ¹⁰ Bara Jisas ba Jerusalem tasbaiara dimi wan yuara, tawan bila aiskaba rahban kum brin, bara naku wisata:"¿Naha na ya saki?" ¹¹ Bara upla ailal ba naku wisata: "Naha sika Prapit Jisas, Nazaret Galili saitka winaba." ¹² Baku bamna Jisas ba tempel bilara dimiwan. Witin mita upla nani manas diara atki nani, bara sin diara wawauhra nani sut tempel bila sakan taki wan. Bara sin lalah wawahbra nani tibilka an butku wawauhra nani sirka nani sut ba tukbi batakan kata. ¹³ Witin mita naku wisata: "Ulbankara naku wisa: "WAITLABA WINSA PURA SUNRA WATLA." KUNA MAN NANI MITA AI IMPLIKRA NANI YUKUAIKA WATLA KUM DAUKRAMSA". ¹⁴ Bamna nakras nani, bara sin mihtas nani witinra balan tempel bilara, sutra Witn mita rakan kata. ¹⁵ Bara Saserduti nani an aiulbra nani ba kaikan Jisas diara prana tara daukataba, baku sin walan baha waitnika nani ai bila tara saki aisikan: "Devid luhpia ba mayunra tara sa", bara witin nani ba saura ai dahra walan. ¹⁶ Witin nani aikuki makabi wali aisikata: "¿Walismaki naha uplika nani aisiba? Jisas mita naku wisata: ¡Aû! ¿Kuna man nani aisi kaiki kaki kaikrasmaki: "SILPI NANI BILA WINA, BARA SIN TUKTAN TIALARA NANI BILA WINA RAIT PALI MAYUNRA YAN KABIA?" ¹⁷ Bamna Jisas ba swisisi taki wan Bertania tawankara, bara wih ristakata. ¹⁸ Titan awarkara, tawan ba wina taki aula kan yuara, plun pin daukan. ¹⁹ Yabal un bara kaikan dus knawa tara kum bara kan; wih kaikan, bara diara kumi kaikras kan, knawa baman kan. Bamna witin mita naku wisata: "Man wina kau ma takbia apia". Baha minitkara dusa kataba lawan. ²⁰ Bara baha sut takan ba disapil nani ba kaikan taim, siran baku iwan, bara naku wisata: "¿Nahki muni baha dusa ba minitkara lawua ki?" ²¹ Jisas mita naku win: Rait pali maiwisni, man sip apia lukras kasak luma kaka, yan naha dusara daukri ba baman daukma apia, sa kuna naha il kara wima, "daiwi bara taki kabu lalmara was", an baku pali takan kabia. ²² Pura sunra bakki, kasak luki dia dukia kra makama kaka, briram kabia". ²³ Jisas ba tempel ra wan yuara, Witin smalki kan minitkara saserduti bara sin plis bila uplika almuka nani balki Jisas ra makabi wal: "¿Dîa karnika wal daukisma naha sut na? ¿Bara sin ya mita maikan baha karnikaba?" ²⁴ Jisas mita tawi naku wisata: "Yan mita sin turi kumi mankabi walamna. Ai wima kaka, yan maiwimna naha sut na dia karnika wal daukisnaba. ²⁵ Jan tahbi daukankaba, ¿Ya wina balan sa, heben wina sa ki, apia kaka waitna wina sa? Witin nani aukiku naku aisikata: "Yawan mita wibia, "Heben wina sa" Bara Witin mita wan wibia: "¿Baku kan man nani dia mata kasak lukras ki?" ²⁶ Kuna kli yawan mita wibia: Witin ba lika waitna winasa, upla kuara tara ba wan mapara kabia, kan witin nani kaikisa Jan ba Prapit kumsa." ²⁷ Bara witin nani ba Jisasra naku wisata: "Yan nani nu apiasna". Bara Jisas mita sin naku wisata: "Yan mita sin mai wimna apia dia karnika wal daukisnaba naha sut na. ²⁸ Kuna, ¿Nahki kaikisa? Waitna kum bara kan luhpa waitna wal bri kan. Waitnika ai luhpia kumbara pas wih naku win: "Luhpa, was win wark taks wan tasbaiara". ²⁹ Bara luhpia mita naku wisata: "Yan wamna apia", kuna baha luanra laki kaiki luhpia kata wark takaia wan. ³⁰ Bara waitna kataba, ai luhpia walara wan, bara sim turka win. Bara naha luhpia mita win, "Aû yan wamna" kuna waraskan. ³¹ ¿Ansa luhpia ba ai aisika kupia laka daukan sa? Baha nani mita win: "Pas taura waisataba". "Bara Jisas mita wisata: "Yan rait pali maiwisni, Biuti mana brabrira nani, bara sin mairin ruk kira nani, baha nani ba pas taura Dawan kinka lakara dimi wabia man nani wal kan. ³² Jan ba man nani tilamra balan yabal yamni ba mai madikaia, kuna man nani kasak lukras karam; kuna upla lal mana bri nani ba, bara sin mairin ruk nani ba lika witinra kasak lukan. Man nani naha sutna kaikram taim, baku sin sip kupiam lakras, kasak lukaia dukiara. ³³ Maprika bilara wala mai wiaina, wals: Waitna kum bara kan, tasba tara kum brikan. Bara plun nasla kum brikan, nasla tasbaia aiska kutbi lakan kan, bara nasla bila bara wain laya sakaika kum paskan kan, bara sin main kakaikra watla purara kum sin paskankan, baku sin bara kan warkman nani wain laya sakaya dukiara, ma wahbaika nani. ³⁴ Baku bamna nasla dawankaba tawan walara wan. Insala bila dakaia taimka ba pat lamara kan, bara insla dawanka ba, ai albaia nani blikan baha naslara, ma nani dakan ba plikaia dukiara. ³⁵ Kuna insla bilara warkman nani bara kanba mita, alba nani blikan katara, kumra prukan, walara ikan, bara kli wala nani sin walpa ni pruki ikan. ³⁶ Bara kli nasla dawanka ba mita, alba nani blikan, kuna, pas taura blikan kata wina kau pura luki, kuna insla bila uplika nani mita sin baha nanira pas taura nahki munata baku baha naira sin munan. ³⁷ Baha luanra, Nasla dawankaba, baha nani tilara ai luhpia pali kum brikan, bara naku wisata: "Baha nani luhpira lika kulkanka yabia." ³⁸ Insla daki uplika nani ba luhpiara kaikan taim, witin nani naku wisata: "Naha na kau kainara rich ka briaia uplikasa; Bal, kaisayawan ikaia, bara baku lika sip kabia, yawan rich ka sut na briaia. ³⁹ Baku bamna alki brih wan, insla bila wina saki autra brisi ikan. ⁴⁰ Nanara, tasbaia dawankaba balbia bara, ¿Witin mita dia munbia baha warmanka nani bara?" ⁴¹ Bara upla nani ba naku wisata: Baha waitnika saura nani bara "Witin mita sauhki tikan kabia saura pali natka ra, bara sin naslaba upla wala nani mihtara mankan kabia, waitna nani naslaba daki lubia bara aibapi sip uplika nani mihtara mankan kabia". ⁴² Bah luanra Jisas mita naku win: "Man nani úlbankara aisi ba aisi kaikrasmakî: "BAHA WALPAIA PAPASKRA NANI KNAYARA LAKI SWINBA, NA MINIT BAHA WALPAIA BA RAIT PALI PLAMAIKA TARA AIPASWANSA. NAHA NA DAWAN DUKIARA SA, WAN NAKRARA AIKA YAMNI PALI KAIKISA" ⁴³ Bamna yan maiwisni, Dawan kinka laka ba sakan kabia, bara sin yan kabia tawan wala uplika nanira, warka dauki bara sin ma yamni nani manas sakbia dukiara. ⁴⁴ Ansa uplika kumkra naha walpaia purara kauhbia kaka, piskara tikan kabia. Bara kumkra purara naha walpaia na kauhbia kaka, yuyara baman takan kabia. ⁴⁵ Farisi an Sacerduti nani maprika bila aisiba walan taim, ai dahra walan witin nani dukiara aisikanba. ⁴⁶ Bara witin nani ba taim bani ai Jisas puara ai mihka mankaia want kan, kuna sip apia muni kan, sibrin bri kan, kan upla ailal kuara tara ba kaikan Jisasba Prapit baku kaiki kan.