1 Bara bana nanit Jisas aisi luanra, Galili wina taki wan, bara witin Yudia yabalka dimiwaika ba kat wasata, Jordan awala kau kaina saitkara. 2 Upla kuara tara ba nina bliki kata, baku witin upla manisra raki kata. 3 Farisi nani ba Witinra balan traika kaiakaia dukiara, bara naku wisata: "¿Sip sa ki waitna kum aimaritka wina ban diara kumi dukiara lahwi takaia? Bara Jisas mita naku wisata: 4 ¿Man nani aisi kaikras ki, pas taura DAWAN WAITNA AN MAIRIN PASKAN? 5 ¿Bara dia kli Witin wisata: "BAHA MITA WAITNA BA SWIN KABIA AI AISKA BARA SIN AIYAPTIKA, BAKU LIKA AI MARITKA WAL ASLA TAKAN KABIA, BAKU WITIN NANI BA WINA KUMI TAKAN KABIA"? 6 Baku sa kaka wal apia sa, sa kuna wina kumi palisa. bara kli maiwisni, Dawan mita asla munanba swirka upla kumi mita yarka takbi sakbiara". 7 Witin nani mita naku wisata: "Kan, ¿dia mata Moses SMALKANKARA WISA, SIPSA DIBUS WAUHKA TAYA KUM YABI BARA SIN SWIAIA? 8 "Witin mita kli naku wisata: "Man nani uba kupiam karnaba mita, Moses mita dibus wauhtaia yama maiwin mayanra, kuna pas taura lika baku apia kan. 9 Yan mita lika maiwisni, ya uplika ai maritkara dibus wauhka taya yabuia, waitna wala wal saurka daukan wisi sin. kuna mairin wala wal marit laka wabia sin, Dawan mita saura kulkansa, bara kli waitnikaba mairin wala kum marit kan, waitnika mita dibus laka ra swin kan wal brisuya kaka, Dawan mita sauka kulkansa. 10 Bara disaipil nani ba Jisasra naku wisata: "waitna kum bara sin mairin kumba baku sa kaka, kau painsa marit lakara waia apia". 11 Kuna Jisas mita naku wisata: Upla sut naha smalkankana bribia apia, sa kuna ansa uplika briaia luki baman". 12 Kan witna manis bara sa yapti biara wina aisubi takan wina mairin kakaira apia, an baku sa. Wala nani bara sa, upla mita baku daukan, marin briaia apia. Bara sin wala nani bara sa, witin silp Dawan kinka laka ba dukiara mairin briras takan. Ansa uplika naha smalkankana briaia wantsa kaka, alki bribia. 13 Bamna, tuktan nani manis Witinra bribalan aimihta manki pura sunbia dukiara; Kuna disaipilka nani ba mapara buikata. 14 Kuna Jisas mita naku wisata: "Swis tuntan naniba yanra balbia, alki takaspara, kan heben kinka laka ba witin nani dukia sa. 15 Bara witin baha nanira ai mihta mankan, baha luanra Witin ba wina takiwan. 16 Bamna, Waitna kumi Jisasra balki naku wisata: "Smasmalkra, ¿dia dukia pain yan duakaiasna ki suaki sakan laka ban kaiara bara ba briaiaska kaka?" 17 Jisas mita naku wisata: "¿diara pain nani ba dukiara dia mata aimaki walisma? kan painba lika kumi baman sa, kuna man raya kaia laka ra dimi waia wantsma kaka, la nani 10 (mata wal sip) ba alki brih dukram kaiasa. 18 Bara waitna ba mita Jisara naku wisata: "UPLIKAMRA IKPARA; MARITKAM BRISI MAIRIN WALA WAL SAURKA DAUKPARA; UPLIKAN DUKIA IMPLIKPARA; UPLIKAM WALA DUKIARA WITNIS KUNIN AISAPARA; 19 AISAMRA BARA SIN MAMIKAMRA KULKANKA YAS, BARA SIN MUIHKAMRA LATUAN KAIKS MAN WINAMRA BAKU". 20 Bara wahmika tawi Jisasra naku wisata: "Baha laka nani sut ba yan alki daukisna; ¿dîa kum kau yan daukaiasna kî?" 21 Bara Jisas bila naku win: "Man rait pali wapni kaia wantsma kaka, was, diara nani brisma ba ats wabia, bamna upla umpira nit bri nani bara yas, baku heben purara rits brikama. Baha lubia bara bal, ninibliks." 22 Kuna wahma Jisas aisan turka sut ba walan taim, sari pali impakata, kan witin ba diara lalah mana dukia nani manis bri kata. 23 Jisas mita aidisaipilka nani ra naku wisata: "Rait pali yan maiwisni, karna pali kabia upla yuikira kum heben kinka lakara dimiwaia. 24 Kli mai wisni, kau isi pali kabia kamiyu kum silak untka bak dimiwaia, lalalkira kun heben kinka lakara waiaba wal kan. 25 Bara disaipil nani naha turka walan taim, taian baku iwi naku aisata: "¿ya kabia ki suaki sakan laka briaiaba? 26 Jisas witinn nanira kaiki naku wisata: "Naha sut na waitna nani mapara karna palisa, kuna Dawan mapara sut ba sipsa. " 27 Baku bamna, Pita mita naku wisata: Kaiks, yan nani ninam blikaia dukiara diara sutba swibauhrisa; bara, ¿yan nani ba dia bribauhri kabia sa?. 28 Jisas naku aisata: "Rait pali maiwisni, man nani yan nini bliki bauhramba, diara raya dauki nani piuwara, Luhpika Witna heben kinka laka prana sirkara iwbia taim, man nani sin iwaika 12 prana tara bara iwram kabia, Israel tawanka 12 tribus laka ba dauki kaia. 29 Baha nani, aiwatla, aimuhni waitna, ai lakrika mairin nani, ai aisa bara sin ai yaptika, baku sin ailuhpia an aitasbaia aiska swin ba, Yan Nini dukiara, witin nani ba brin kabia 100 (andat) pitka, bara sin ban raya kaia laka ba sin kabia. 30 Kuna manis taura ba, ninara tawan kabia, kli wala nani ninara ba sin taura aimakan kabia.