¹ Yua 6 luanra, Jisas mita brih wan Pita ra, bara sin Jacobo (santiago), an muhnika Jan ra sin, bara witin aikuki il pura kumra uliwan. ² Baku Witin ai wina kalatka aiska ba sat wala takan kata, witin nani mawanra. Jisas mawanba inni pali takan kata sin lapta baku, bara sin kualka aiska ba pura luan pali inni takan kata. ³ Baku bamna, Musis an Ilaisa wal param taki Jisas wal aisi kata. ⁴ Pita mita naku Jisasra wisata: "Dawan, yamni sa yawan nara kabia kaka. Brinkan sa kaka, yapaika watla 3 paskamni, Man dukiam kum, Musis dukia kum an Ilaisa dukia sin kum". ⁵ Baku bamna Witin kau aisi kan minitkara, klauts inni kum witin nani aiska ra kutbi lakata, baku klauts tila ba wina bila baikra kum aisi naku wisata: ⁶ "Witin ba sika Yan laituankira, witinra ba yan kupi lakasa, Man nani Witin ra Wals". Bara disaipil nani baha sut walan taim, tasba kat kahuan kata, bara sin sibrin tara bri kata. ⁷ Bara Jisas witin nani bal kanbi naku wisata: "Man nani minamra bus an sibrin bripara". ⁸ Bara witin nani ai purara kaikan bara diara kumi kaikras kata, Dawan Jisas Baman kata. ⁹ Baku witin nani il pura wina mayara auya kan, Jisas mita naku smalkata: "Upla kumira sin turi kumi wi para naha param sakanka turkana, waitna luhpika ba upla pruan nani tila wina bubia ba kat". ¹⁰ Bara disaipilka nani ba witinra naku makabi wali kata; "¿Día mata baku kan La ai ulbra nani ba aisisa, Ilaisa bapas taura balan kaia sa?" ¹¹ Jisas mita naku wisata: "Ilaisa sa ba rait pali balbia an diara nani kriwi tiwan nani ba sin kli paskan kabia. ¹² Kuna yan mita lika maiwisni; "Ilsaia ba pat balan sa, kuna mani rait kaba yaras, buku bamna, Waitna Luhpika Waitnaba sin man nani mihtamra panis takan kabia." ¹³ Bara baku disaipil nani ba tanka brisata, Jisas ba Jan tatahbra dukiara aisi kata ba. ¹⁴ Baku Witin upla kuara tilara wan taim, waitna kum witin mawan ra balki, ai lula kriki naku aisi kata: ¹⁵ Dawan yan luhpi ra umpira kaiks, kan witin sika bla alki uplika kumsa, an uba taim panis takisa. Witinba saim taim pauta purara kahwi sa an li ra sin dimisa. ¹⁶ Yan mita disaipil kan nani ra blikri, kuna witin nani ba sip sakras kata. ¹⁷ Jisas mita tawi naku wisata: "Kupia karna an saura dadukra nani kiaimka, ¿Yuan an pali Yan man nani tilara kamna? ¿Nahki pitka man nani daukisma ba Yan aiki takaski bri kamna? Nara Brih bal. ¹⁸ "Jisas mita spirit ka saura bara lawi daukan bara waitnika wina taki wata. Wahma kata baha minit kara rawanta ba. ¹⁹ Bamna disaipil nani ba sapnira Jisasra bal nak asikata: "¿Día mata yan nani sip saki bauhras kari pirit ka saura ba? ²⁰ Jisas mita naku wisata: Man nani kasak kamba uba mayara. Ba mita Yan kli maiwisni, kasak kan ba sim mustas ma silpi baku kaka sin, man nani sipsma naha il kara wiaia: "Na wina bui was baha ra", an taki wan kabia. Diara kum man nani mampara sip apia daukaia kumi sin apu kabia. ²¹ Naha satka piritka saurana na ban taki waras, ban sa kuna, plun piras kira ni aipura suni baman. ²² Witin nani kau Galili saitkara kan piuwara, Jisas mita naku wisata ai disaipilka nanira: "Waitna Luhpika waitna ba, waitna nani mihtara mankan kabia, ²³ bara witin nani mita ikan kabia, baku sin yua 3 alkia ra witin pruan ba wina buan kabia". Bara witin disaipilka nani ba uba pali sari takan kata. ²⁴ Witin nani Kapernaum tasbaiara wan taim, wait nani tempel watlara biuti mana wahbi nani kata, Pita ra balki naku wisata: "¿Man nani sasmalkrikamba tempel ra lal mana aibapi sa ki?" ²⁵ Witin mita win, Au". Kun pita ba utla bilara dimi wan taim, Jisas witin wal pas aisi, naku wisata: ¿Saiman man naha na nak lukisma? Tasba kinka nani ba, ¿ya wina witin nani ba biuti mana brisaki? ¿ai watla bila wina apia kaka trinsar nani wina? ²⁶ Pita mi win: "Upla trinsar nani ba wina", Jisas mita naku wisata: "Baku sa kaka utla bila uplika ba, prisa baha ba wina. ²⁷ Kuna biuti mana bri nani ba turban bribiara dukiara, naku wisa ta, kabu unra was, bara inska miskaika kum lulks, bara pas taura inska taki aula ba. Bila ba kuakma bara, lalah ma kum sakma. Brih ai baps, Yan dukira bara sin man dukiamra biuti mana bra brira nani ra.