¹ Farisi an Sadusi nani ba Jisasra balan, baku natkara sain kum makabikan heben purara traika kaikaia dukiara. ² Kuna Witin mita naku wisata: "Tutni taimba, man naku aisisma; "Taim pain kabia kan kasbrika kaba pauni kaikisa". ³ Bara titan piuwara man nani naku aisisma: "Taim saura kabia, kan kasbrika ba pauni kaikisa an pat bara sa". Man nani nusma nahki kasbriba purara sain nani bara ba laki kaikaia, kuna sip laki kaikras taim aimanki bara pat baraba. ⁴ Kiamka saura an la krakrika nani ba sain pliki banhwisma, kuna sain kumi sin yaras kabia, Jona sainka baman". Baku Jisas baha nanira swi sisi taki wata. ⁵ Baku disaipil nani ba baila walara dimi wata, kuna brit brih waia kataba, auia tiwi bahnwan. ⁶ Jisas mita naku wisata: Pain aiwals an aman damra wals Farisian an Sadusi libadurka nani ba wal." ⁷ Bara disaipilka nani naku asi banhwi kata: "Kan yawan sika brit bribalras. ⁸ Jisas naha sut taki na laki kaiki kan, ba mita naku wisata: "Man nani kasak ka mayara nani, ¿dia mata man nani aisisma baha sut ba yawan brit brih balras ba mita? ⁹ ¿Man nani kau tanka briras an pat amya tiwan saki brit 5 wina upla 5000 dukiara sakataba, baha luanra man nani brit man laba an saki bauhram kata? ¹⁰ ¿Bara sin brit 7 wal upla 4000 daka kataba, an laba an wahbi banhwatma? ¹¹ ¿Nahki kan man nani tanka briras yan libadura dukiara aisaras na ba? Ban sa kuna, man nani main kan kaikma Farisi an Sadusi libadurka wina. ¹² Bara baku witin nani aidahra walan Jisas brit libadurka wina ai mainka kaikbia dukiara aisaras kata, sa kuna, aimainka kaikbia wi kan Farisi an Sadusi nani smalkanka nani sut ba wina. ¹³ Nanara Jisas Sasaria an Filipai saitkara impakata, bara naku makabi walata ai disaipilka nani ra: "Upla nani ba dia wisa wainta luhpika waitnaba dukiara?" Witin nani mita wisata: ¹⁴ "Manis mita lika wîsa, Jan tatahbra; wala nani aisisa; Ilaisa; wala nani wisa; Jerimaia, apia kaka prapit nani kaumsa." Bara Jisas mita tawi naku makabi wata: ¹⁵ "Kuna, ¿Yan na yasna man nani tilamra?" ¹⁶ Bara Saiman Pita mita, naku wisata: "Man sika Jisas Krais, Gad Rayakira luhpia" ¹⁷ Jisas mita tawi naku wisata: "Yamni maikul kansa, Saiman Jona luhpia, kan naha sut na wina mita manra klir mai munras, sa kuna yan Aisiki hebenra bara ba mita. ¹⁸ Bara yan mita maiwisni, man lika Pita, Yan naha wapaia purara Shats kiba bapri kabia; il pauta dur kaba witin nani mapara bubia apia. ¹⁹ Yan mita heben kinka nani kika mihta ba maikri kabia. Día dukia kum tasbara wilkram bara sa kaka, heben ra sin wilkan kabia, bara sin dia dukia tasba ra lankram kaka, heben ra sin lankan kabia. ²⁰ Bara Baku Jisas mita naku maisa pakata, upla wala nanira aisabiara witin ba Jisasba. ²¹ Baha piua wina Jisas ai disaipilka nanira ta krikankara maisa paki kan, witin ba Jerusalem ra waiasa sa, kan witin ba tempel ta bri nani an la aiulbra nani mihtara pat dimaia ba, ikbia, bara sin buan kabia yua yumpa aimakbia bara. ²² Bara Pita mita knaiara laki maisa paki naku wisata: "Naha sut na man wina laiuhra kabia, Dawan; bara sin ban kiarara mai takbiara." ²³ Bara Jisas ba tawi naku wisata Pita ra: "¡Sitan yan wina takiwas! Yan maipara man ba mina prukra kumsma, kan man lika Dawan warka nani ba dukiara apias sma, kan man lika waitna brinka nani dukiara baman sma. ²⁴ Baku bamna Jisas ai disaipilka nanira naku aisi kata: "Ansa uplika yan nini blikaia want sa kaka, ai winara taiban kaiasa, dusam prihni ba twilki, nini bliks. ²⁵ Kan, ansa uplika ai rayaka swuaki sakaia pliki ba, tiwan kabia, bara sin ansa uplika yan dukira ai rayaka tikbia kaka, sakan kabia. ²⁶ Bansa kuna, ¿Dia win takan kabia upla kum tasba aiska ba bribia sin, kuna ai rayaka tikuiaba? ¿Dîa kum yabaia sipsa ki, upla kum ai rayaka swuaki sakaia dukiara? ²⁷ Bansa kuna, Waitna Luhpika Waitnaba lika balbia ai Aisika mayunra tara ba wal, an ai insalka nani aikuki. BAKU BAMNA WITIN MITA UPLA SUTRA WARKA TAKANKA PITKA BAKAT. ²⁸ Rait pali maiwisni, man nani rasmaba wina, prura kaikras kama, Waitna Luhpika Waitna ai kikna lakara balbia kat.