¹ Jisas ai disaipilka 12 ra winan, witin mita karnika yan spirit taski nani mapara, karnika yanpirit saura nani ba sakaia, latuan satka ailal nani ba wina sin pri laka yabaia, bara sin sinis ailal ba wina sin rakaia. ² Nanara, disaipilka nina ba lila naku makisa: Pas taura ba naha sa, Saiman (witin nina ba lika maki kan Pita) bara sin witin muihnika Andres, Santiago, Sebedeo Luhpia, bara sin witin muihnika Jan, ³ Felipe bara Bartolomé, Tomas bara Matiu sin, witin ba lika biuti mana brabrira kataba, alfeo luhpia santiagu bara sin Tadeo, ⁴ Zelot uplika Saiman bara sin Judas Iscariote Jisas ra atkan wasata ba. ⁵ Baha nani 12 ra Jisas blikan wan: Bara smalki naku wisata: "Impakisma bara ban gentil nani tasbaia ra ini pas dimi wapara, an samaritan nani tasbaiara sin ini pas dimi wapara. ⁶ Baha witiskara man nani Israel luhpika nani ship tiwan nani baku bara ba, baha nani tilara was. ⁷ Baha ra impaki kama taim, Smalki naku wis: "Heben kinka laka ba pat balansa". ⁸ Siknis nanira raks, pruan nanira buks, lepar siknis bri nanira klin muns, bara sin spirit taski nani sut saks takwabia. Man prisant pali briramsa, baku sa kaka, prisant pali yaram kabia. ⁹ Gul an silba bripara, an lalah auhbaika sin bripara. ¹⁰ Impakisma bara kuala auhbi brih wapara, an tawil kan nani sin, minan manka sin, an mihtam alki wapaika sin, kan warkman nani sutba ai mana brisa. ¹¹ Ansa tawanka apia kaka ansa pliska silpi ra dimi wama taim, pliks upla kum ai watlara maibriaia uplika kum, baha watlara takas, kli impakma bakat. ¹² Bara baha watlara dimi wama taim, bilam saki naku wis, "pri laka naha watlara". ¹³ Baha watla pain mai brinsa kaka, man ra pri laka bara ba witin nani watlara dimi wan kabia; Kuna saura mai brinsa kaka baha prika laka ba man nani wal takaskan kabia. ¹⁴ Baha nani man nani ra mai maibriras, bara sin man nani bilam walras nani ba, watla wina apia kaka pliska wina taki wama taim, minanra taski ka yuya baraba tinhbi saks. ¹⁵ Kan raitpali maiwisni la tara ba daukbia piuwara, witin nani pliskara panis kaba kau tara kabia, Sodoma Gomorra wal ra takata ba wal prakbia kaka. ¹⁶ Kaiks, yan mita mai blikisna yul wail nani mitilkara, baku sa man nani piuta baku isti bas, bara sin tim bas butku nani baku. ¹⁷ ¡Aman damra wal upla nani wal!, kan mai alki layar nani mawanra mai brihwan kabia, bara sin sinakuk nani bilara mai wipan kabia. ¹⁸ Mai brihwan kabia gabament nani ta briba mawanra, an kin nani mawanra, baha sut ba yan dukira kabia, baha sut ba witnis kabia witin nani mawanra an gentil nanira sin. ¹⁹ Barabaha nani mihtara mai mankbia taim, man nani sibrin bripara dia turka aisaiasmaba dukiara, kan dia nani aisaiasmaba sut ba minitkara klir maisakan kabia. ²⁰ Kan, man nani kama apia baha turka aisaiaba, sa kuna Dawan Spiritka kabia man nani bakki baha nanira turi aisi kayaba. ²¹ Muihnika kum mita ai muihnira wala ikan kabia, bara aisika mita ailuhpiara sin. Luhpia nani mita ai aisika nani mapara buan kabia, an ikan kabia. ²² Man nani yan dukira, upla sut ba mita ai waila maisakan kabia. Kuna ansa uplika las ba kat bapi bubia kaka, baha uplika kaba swaki sakan kabia. ²³ Baha Tawankara man nani ninam blikbia taim, plapi walara was; kan raitpali maiwisni, man nani pat plapi tauram kabia Isral tawanka aiskaba kau waitna luhpika waitnaba kau balras bara. ²⁴ Disaipil kumba ai smasmalkrika wina kau tara apia sa, bara sin alba kun ai dawanka wina kau tara apia sa. ²⁵ Disaipil kumba raitpali ai taimka mankaiasa ai smasmalkrika baku takaisa kaka, bara alba kum sin baku kaiasa kaka, baku daukaia sa. ¡Bara utla bila smasmalkrika ra spirit taski winsa kaka, watla bila uplika wala nanira kau saura win kabia! ²⁶ Nana ra maiwisni, baha nani ra man nani sibripara, kan diara kumi sin yukuanra bara ba, ban inni ra takras kira ni takasbia apia. ²⁷ Tihmu tilara yan maiwisnaba, kakna inhni ra bui aisas, bara sin kiama kat suapnikira ni maiwisnaba, man utla banhta nani ra uli aisas. ²⁸ Man nani sibripara baha nani wina ra iki nani ba, kuna rayakara ikaia lika sip apia. baku bamna, man nani sibris baha karnika briba rayakara an wina sin sauhki tikaia ilpautara. ²⁹ ¿Witin nani piawira wal atkan wisa apia lalah ma silpi kum mana wal? baku sin, aisika nu apia kan, kumi sin tasbara kauras. ³⁰ Ba mita maiwisni, man nani tamwa mina alsut ba kulkansa. ³¹ Sibripara, man nani mamna ba, kau tara sa baha piawira nani wal prakan taim. ³² Baku bamna, ansa uplika waitna nani mawanra yan dukira witnis kabia kaka, yan simsat witin dukiara aisiki heben puara bara ba mawanra witnis yamni aisamni; ³³ Kuna ansa uplika yan dukira apla nani mawanra ai swira bribia kaka, yanin sin aisiki heben raba mawanra witinba kaikras wimna. ³⁴ Ban lukpara yan na tasbara balrina pri laka yabaia dukiara. yan pri yabaia balras, ispara blisal yari. ³⁵ Kan, yan mita mankisna waitna nani ba ai aisika mapara kaia, luhpa mairin nani ba ai yaptika mapara kaia, mairin nani ba ai maya waitna yaptika nani mapara kaia. ³⁶ Bara sin waitna waihla nani ba watla bila wina pali kabia. ³⁷ Ansa uplika yan wina ai asika ra kau latuan kaikbia kaka, yan upliki takbia apia. Ansa uplika ai luhpia waitna apia ai luhpia mairin ra yan wina kau latuan kaikbia kaka, yan upliki takbia apia. ³⁸ Ansa uplika ai dusa prihni tuilkras sa kaka, yan upliki takbia apia. ³⁹ Ansa uplika ai rayaka wintakaia luki sa kaka, patkas tiwan kabia; kuna ansa ai rayaka yan dukira tikbia kaka, win takan kabia. ⁴⁰ Ansa uplika man nanira mai brisa kaka, yan ra ai brisa, ansa yan ra ai brisa kaka, yanra ai blikan bara brisa. ⁴¹ Ansa uplika prapit kumra brisa kaka, prapit ba mita, prapit mana brin kabia. Ansa uplika upla saura daukras kumra bribia kaka, waitna saura daukras kum mana brin kabia. ⁴² Ansa uplika mita silpiki kum ra yabia kaka, li kaula glas kum kaka sim, kan disaipilki sa, rait pali maiwisni, natkara kum sin ra mana apu ban tiwbia apia.