¹ Jisas duri kunra aimakan, lakun baila walara luiwan, baku witin Aipliska ra wasata. ² Baha minitkara, waitna dusa lawan kum knikaika kunra kniki bribalan. Bara Jisas baha uplika nani kasakka lukanka kaiki naku win waitna dusa lawan kata bara: "Luhpi, karni kam bris, man saurkam nani sut ba swih tikansa". ³ Baha minitkara, la aiulbra nani bara kan ba ai lukanka ra naku aisikata; "Naha waitnika lika la mapara sa" ⁴ Jisas baha nani lukanka ba kakaira kan, bara Witin mita naku wisata: "¿Man nani dia mata kupiamra saura lukisma? ⁵ ¿Ansa ba kau isi sa wiaia: "Man saurkam sut ba swih tikansa" apaia kaka: minanra bui waps?" ⁶ Kuna nu taks, waitna luhpika ba karnika brisa tasbara upla patka swih tikaia, baku natkara waitna dusa lawan katara Jisas mita naku wisata: "Minanra bus, aitnikaikamba brih wamtlara was". ⁷ Baku natkara baha waitna dusa lawankataba ai minara bui ai watlara wan. ⁸ Upla kuara tara ba baha sut ba kaikan taim, baha minitkara aika taya iwan, bara Dawan ra mayunra yaban, kan witin sika uplara sut ra karnika tara yabiba. ⁹ Jisas ba wina taki wan taim, kaikan waitna kum nina makina Matiu, witin ba lika iwi kan biuti mana wahbaika iwaika kumra; Jisas mita naku win: "Ninibliks". Bara witin ai minara bui nina blikata. ¹⁰ Jisas ai disaipilka aikuki utla kumra dimi wan plun piaia, bara tibil kumra iwan taim, biuti mana brabrira nani bara saura dadaukra nani balan witin wal bara disipilka nani ai kuki plun pi bahwan. ¹¹ Bara farisi nani naha sut na kaikanim, Jisas disaipilka nani ra naku wisata: "¿Dia mata smasmalkrikamba biuti mana brabrira bara sin upla saura dadaukra nani ai kuki plun pisa?" ¹² Jisas baha nani turka walan tain witin mita naku iasan: "Upla wina pain siknis apu nani ba dactar nitka apu, sa kana ansa uplika sikniskira ba dactar kun nitka brisa. ¹³ Naha na dia tanka sapa man nani tanka bris: "Yan wantsna ba lika umpira kaikan laka, ban patkas panis taki ba lika apia." Kan yan balri ba, upla klin taski apu nani aikupia lakbia dukiara bili saki winaia dukiara balras, yan winisnaba lika upla tiwan saura dadaukra nani ra". ¹⁴ Jan disaipilka nani ba Witinra balki naku aisan: "¿Dia mata yannnani bara sin farisi nani ba taim bani plun piraskirana puri suni bauhsna, kuna man disaipilkam nani ba lika baku daukras?" ¹⁵ Jisas mita naku wisata: "¿Sipsa ki marit ra inbit munan nani ba kau marit uplika witin nani tilara bara, witin nani ban sari bri kaia? kuna yua kum balbia, maritka waitna ba dakban kabia, baha piuwara lika sip kabia plun piras kirani aipura suni kaia. ¹⁶ Upla kumsin kuala almuk kunra, plis mankaia dukia kuala raya ni mankras, kan kuala raya ba mita almuk bara aubi kalkisa, bara kalwan kaba kau tara takisa. ¹⁷ Upla kun sin wain laya raya ba sip kalun almuk kumra laiki swiras; kan, wain laya ba mita sipsa kalun almuk bara taia ba kalkaia, baku sipsa wain ka laya ba ban laiwi takwaia, baku kalun kaba sauhki tikan kabia. Kuna wain laya ba kalun raya kumra mankbia kaka sip kabia wal sut taim yari waia. ¹⁸ Baku, Jisas naha turka aisikan taim, suldadu ta brabrira kum witin mawanra bal ailula kriki ailal makupi naku wisata: "Luhpi mairin na minit pruia, kuna bal, mihtam manks witin purara bara baku witin rawan kabia". ¹⁹ Bara Jisas ai minara bui nina blikan; bara disaipilka nani sin nina blikata. ²⁰ Impaki kan piuwara, Jisasra balan, mairin kun taim yari mani 12 panis taki kan, insaitka wina tala taki kan, Jisas nina bakki bal praka mahta ra kanban. ²¹ Kan witin naku aisi kan: "Jisas praka mahta ba pan kanbamka, rait pali yan rawamna". ²² Jisas wilwi tawi kaiki naku wisata: "Luhpi mairin, karnika bris; kasak lukramba mita mai rakansa". Bara mairin ba minitkara siknis ba wina rawan kata. ²³ Bara baku Jisas suldadu ta brabrira watlara dimi wan, kaikan bara upla nani miusik kanki nani an wala nani kauara tara bara kan bin dauki kan. ²⁴ Witin mita naku win: "Na wina man nani taki was, tukta mairin ba pruras, witin ba yapisa". Kuna witin nani ba lawaska kiki bahwi kata, swira daukaia dukiara. ²⁵ Upla kuara tara ba autra sakan mitkara Witin dimi wan, bara tukta mairin mihtara alkan, bara tukta mairin ba aiminra buan. ²⁶ Bara baha takan turka ba plis bila aiskaba nu takata. ²⁷ Baku Jisasba impakin piuwara, waitna wal Witin nina bliki kan. Witin nani ai bila saki kisbi naku aisi kata: "¡Devid lupia, yan nanira umpira wan kaiks!" ²⁸ Bara Jisas utla bilara dimiwan, waitna nakras wal ba Witin ra balan. Bara Jisas mita wisata: "¿Man nani yan naha daukaia ba man nani kasak lukismaki?" Bara witin nani tawi naku wisata: "Au, Dawan." ²⁹ Baku bamna Jisas mita nakra ra kanbi naku wisata: "Sut ba takan kabia nahki pitka kasak lukram bamna". ³⁰ Bara witin nani nakra ba butukban kata. Bara Jisas mita karna pali aisata: "Man nani aman damra wals, upla wala nani nu takbiara". ³¹ Kuna baha waitnika wal kataba, witniska brih plis bila aiskara yan nu takan. ³² Baku waitna wal ba baha pliska wina taki wan minitkara, waitna bilas twsa wilkan kum spirit taski diman kum bribalan Jisas mawanra. ³³ Baku spiritka taskiba Jisas mita sakan takwan minitkara waitna ba ai bila saki turi aisan. Upla kuara tara ba taia iwan kata, bara naku aisi banhwi kata:"¡Naha satka dukia na, taim nani luan wina nawas kat Israel tawanka bilara kaikras!" ³⁴ Kuna Farisi nani ba lika naku aisi kata: "Baha lika spirit saura lalka tara ba mita wala nani sakan takwisa". ³⁵ Jisas ba impaki kan tawan bila aiska bara sin plis bila silpi nani ra sin. Sinakuk bila nani ra smalki kan, Dawan kinka laka bila yamni ba, bara upla nani ailan latuan bri nani ra sin pri yabikan, baku siknis ailal nani ba sin Witin raki kan. ³⁶ Witin ai nakra buki upla ailal kuara tara ba kaikan, bara sut ra umpira kaikan, kan witin nani ba turbanra upla kun maisa nikaia apuba mita. Witin nani lika sin ship nani napakan apu tauki baku sa. ³⁷ Bara Jisas mita aidisaipilka nani ra naku wisata: "Rait pali insla bilaba daka ridi sa, kuna warkman nani ba apu palisa. ³⁸ Bamna maiwisni, puram suns insla Dawankara, bara baku witin blikbia warkman nani insla dakaia".