¹ baku Jisas ai disaipilka 12 ra smalki luan taim, baha pliska wina takiwan lan dauki an smalki wan ai pliska nanira. ² Nanara Jan walan silak watlara Jisas dauki dukia ba, Jan ai bila blikan ai disaipilka nanira. ³ Jisasra makabi walan: "¿Mansa ki balaia kan ba, apia kaka wala bila kaikaia sa ki?" ⁴ Jisas bila win: Man wih maisa paks Janra, dia kaikramba an dia walramba. ⁵ Nakras kamba ai nakra brisa, an wapras kanba sin wapisa, lipar bri nani ba sin rawisa, an kiama apu kan ba sin an kiama bri sa, an pruan wina sin bukisa, nitkira nani ba sin bila yamni ba walisa. ⁶ Yan mini prukanka aikras ba yamni pali kabia. ⁷ Naha waitna nani kau yabalra kan, Jisas pat aisikan upla kuara tara kira Jan dukiara: ¿man nani dia kaikaia waram upla iwras tasbaya ra? ¿yauhrus kum pasa mita wauhi ba kaikaia waram?. ⁸ Apia kaka, ¿man nani dia kaikaia waram? ¿waitna kum kuala pain dimi uplika nani? man nani pain kaikisma kuala pain dimi uplika nani ba lika kin nani watlara iwisa. ⁹ Bamna ¿día kaiaia watma? ¿Prapit kum? au, kasak, kasak pali prapi ba wina witin kau purara sa. ¹⁰ Jan dukiara sika ulbanka ra naku wiba: "YAN NAIPAKAN KAINAMRA BLIKUNA, YABALKAM RIDI DAUKAIA DUKIARA". ¹¹ Yan klir pali maiwisna, yapti wina aisubi takan tuktika nani ba wina kau tara apusa Jan purara. ban sin heben purara kahu diara silpi nani baraba lika kau tarasa Jan tatahbra purkara. ¹² Naha piuha wina Jan tatahbra balan wina naiwa yua kat, kasbrika burara kin aimaki laka ba patwahwisa, bara upla nani mita ai karnika ni pura lui ai mihtara briaia lukisa. ¹³ Prapit nani sut bara, Moses laka sin, kasbrika purara ba king aimaki ba laka dukiara aisin, Jan balan bakat. ¹⁴ Man nani wilin kama ki briaia briaia Ilaisa kli balaya win ba. ¹⁵ Bara ya kiama briba sin walbia, aisiba. ¹⁶ ¿Día kum wal prakamna ki naha kiamka nani na? witin nani ba lika tuktan nani atkaia pliska kumra iwi aikuki pana wini puli baku sa. ¹⁷ An naku aisisa: "Yua nani kumra lawana nani sin kanbri, kuna man nani liliam briras, yan nani kuala siksa dimi kari, kuna man nani lika sari briras karam. ¹⁸ Sakuna Jan ba wain laya diras kan an brit sin piras kan, baha mita wikan, "witin lika spit saura brisa". ¹⁹ Upla luhpika waitna ba balan, plun pisa an disa, kli witin nani mita wisa: ¡Kaiks, Witin lika waitna kum bila maisira sa bla tatakra kumsa, biuti mana brabrira, upla saura nani panika sa! Sakuna daukanka nani bak ki sinska lala sut briba, krir pali sa. ²⁰ Bahamna Jisas maka tâ krikan smalkaia, bara tawan tara nani ra sain ailal marikan, kuna sip ai kupia lakras kan. ²¹ ¡Corazín tawanka, man mampara alai pali kabia! ¡Betsaida tawnka, man mampara sin alai pali kabia! kan man nani tilamra sain aihka daukan baku, Tiru an Sidum uplika nani baku kaka, witin nnani pat ai kupia lakan kaia kan, bara latan marikaia kan, kan sari kualka dimi bara yampus sin aimaki bara. ²² Sa kuna yan bui man nani ra maiwisna, la dauki piuwara, man nani wal praki kaikbia kaka, Tiru bara Sidum wal mapara uba saura kabia apia. ²³ Man Kapernaum tawanka, ¿kasbrika purara kat mai sunan kabia lukismaki? man lika il pauta tihu ka kat mai lulkan kabia, kan man nani tilamra sain aihka nani daukan, baku Sodoma tawanka ra daukan kaka, baha tawanka naiwa kat ban bara kaia kan. ²⁴ Sa kuna maiwisna, la daukaia yuara, Sodoma tawanka wal, man nani kau pat tilara kama. ²⁵ Baha piuwara Jisas naku win; Aisa kasbrika purara ba tasba sut dawanka, yan tinki maiwisni, kan sinskira nani bara sin diara lan tanka bri nani ba wina sin yukukram, sa kuna tuktan nani ra lika latan marikram. ²⁶ Aisiki man baku want kapram. ²⁷ Kan diara sut ba aiki mita bui yanra aikan. Upla kumi luhpia ra kakaira apia, Asika baman, bara sin, upla kumi Aisa ra kakaira apia, luhpia baman, bara ya ya luhpia mita marikaia luki ba, marikisa. ²⁸ Yan ra bal , man nani sut karban kam wihra nani twilki wark taki nani sut, yan mita pri mai kamna. ²⁹ Yan twilkaikiba twilki brih was, an yan wina lan taks, kan yan kupiba, praut apu, an bawi kira sa, man nani pri laka sakma ramyaka ra. ³⁰ Yan twilkaikiba isi pali sa, an karbankiba inni palisa.