¹ Quiaj Eliasib, natang miteats, tambüw aqüieb mamb alacas miteats nejiw tarangüw mbeay nden ocüeaj sap. Nejiw tayacüw wüex nangaj at tayacüw mbeay nden nieng netam macül. Nejiw tayacüw nangaj notsen tiüt imien nieng ajlüy najal oleaj iüm coic miow andüy niüng aljlüy najal oleaj iüm Hananeel. ² Aliüwan quiaj monxey monaw Jericó tarangüw najiüt at quiajan nejiw tenguial arangüw najiüt Zacur,micual nej Imri. ³ Mi cual Senaa tarangüw ombeay nden ocüeaj cüt.Nejiw tayacüw nieng acül tsapaj xiül at tandondochiw mayacüw meawan mbeay nden at apal nej at nerrants rrants apal nej. ⁴ Meremot tatagmajneaj amalinoic amb. Micual nej Urias mi cual mi cual Cos. At andüban nejiw Mesulam tengüial matagmajneaj. Micual nej Berequias mi cual mi cual Mesezabeel. Andüüban nejiw tengüial matag majneaj Sadoc. ⁵ Micual nej Baana. at andüüban nejiw tengüial matajcüw majneaj a Tecoítas, nganüy leaw natangüw tiül ngome tandiümüw marangüw najiüt leaw tasaj nejiw monlüy wüex. ⁶ Joiada mi cual Paseah at Mesulam mi cual Besodías tatajcüw majneaj ngarrats ombeay nden. Nejiw tayacüw tsapaj xiül at ombeay nden at apal nej at nerrants rrants manchiüc. ⁷ Andübban nejiw Melatías nasoic Gabaonita at Jadón nasoic Meronotita, nejiw aga monxey quiaj monaw Gabaón aton Mizpa, tarangüw matajcüw majneaj leaw nieng acül nenajiüt am necam yow. ⁸ Andüban tatag majneaj a Uzie, micual nej Harhía, nop tiül nerang nandüiürüg, at lamaqüib nej Hananías,nop nej nerang najmboc almis yow. Nejiw tawüitichauw tiüt Jerusalén nots iünd tiüt andüy nieng ajlüy nadam neyey tiüt. ⁹ Andüban nejiw a Refarías, micual nej Hur, tengüial matag majneaj. Nej nop nenajiüt tiül nipilan Jerusalén. ¹⁰ Andüban nejiw, Jedaías, micual Hurumaf, tengüial majagmajneaj am necam aniüng nej. Andüban nej Hatús micual Hasabnías aton tengüial matagmajneaj. ¹¹ Malquias micual Harim at Hasub micual nej Pahat Moab tatajcüw majneaj amb alinoic am conag a najal oleaj iüm niüg ajalüch biüm. ¹² Andübam nejiw Salum, micüal Halohes, aga nenajiüt tiül noic nine pinawan cambaj ocüeaj Jerusalén, noicquian tatajcüw majneaj aqüieb micual nej monüx. ¹³ Hanún at meawan nipilan Zanoa tatajcüw majneaj ag mbeay nden am andüy tiül pajchiün. Nejiw tawüitichaw tiüt at tayacüw nepalüy, mbeay nden at najaljal tsapaj manchiüc. Nejiw tatajcüw majneaj gajpowüw acoic miow napeaxich nag mingüexeran matüch nieng ajlüy mbeay nden nieng aw meawan ngomajneaj. ¹⁴ Malquías micual Recab,natang nejaw wüx cambaj Bet Haquerem, tatajcüw majneaj mbeay nden nieng aw meawan ngomajneaj. Nej tawüitich at tayac ombeay nden, nepalüy nej at najal jal tsapaj manchiec. ¹⁵ Salum micual Col Hoze, nenajiüt tiül cambaj Mizpa, tawüitich ombeay nden nieng awüneran yow. condom nej tawüitich at tayac noic am nepor wüex ombas at tayac ombeay nden kiaj, at meawan nepalüy nej, at meawan nerrantsrrants manchiüc. Aton nej tawüitich aga neyey tiüt aga niüng palaw yow nasoic Siloé andüban aga noic nine pachiün ocüeaj teat natang nenajiüt, nots iüen tiüt matüch niüng awaran tiüt andüy tiül cambaj ocüeaj David. ¹⁶ Nehemias micual Azbuc, nenajiüt tiül pinawan cambaj Bet Sur, tatag majneaj andüy nieng ajlüy oxiüt ocüeaj David, andüy nieng ajlüy palaw yow arang nipilan at andüy aniüng acüliüw montsoj. ¹⁷ Ndojmiün nej, nerang minajiüt miteats tatajcüw majneaj, aqüiüb tiül Rehum micual Bani at andüban nej, Hasabías nenajiüt tiül pinawan cambaj ocüeaj Keila, amongoch minüt mi cambaj nej ¹⁸ Andüban nej, aqüijpüw nej tatacüw majneaj, conag Bavai micual Henadad, nenajiüt tiül pinawan cambaj Keila. ¹⁹ Andüban nej tengüial matagmajneaj Ezer micual Jesúa, nenajiüt ocüeaj Mizpa, nieng tatagmaj majneaj am wüx opech niüng angochay am andüy nieng ayacüch manchiüc, xing otüeng neyey tiüt cambaj. ²⁰ Ndoj miün nej ,Baruc micual Zabai tapac omeats matagmajneaj am alinoic am, imien wüx oxing otüeng neyey tiüt cambaj matüch tembeay nden aniüng natang miteats Eliasib. ²¹ Ndoj mien nej, Meremot micual Urias micual Cos, tatag majneaj am alinoic am, imien nieng ajlüy mbeay nden anieng Eliasib matuch niüng umb anieng Eliasib. ²² andüban nej ajcuwa miteats, ajcuwa monxey tatajcüw majneaj am tüeng tüeng Jerusalén. ²³ Ndoj mien nejiw Benjamín aquieb Hasub tatajcüw majneaj alereng aniegüw nejiw. condom nejiw Azarías micual Maasías micual Ananías, tatagmajneaj alereng anieng nej. ²⁴ Ndoj mien nej aga Bunúi micual Henedad tatagmajneaj am alinoic am, imien nieng ajlüy anieng Azarias ndoj matuch xing neyey tiüt cambaj. ²⁵ Palal micual Uzai tatagmajneaj am tüng angoch oxing nejey tiüt cambaj at aton najal oleaj iüm nots miün tiüt am matüch niüng aniüng teat natang nenajiüt tiül malquiab niüng acüliw monjiür. Ndoj miün nej tatagmajneaj aga Pedaías micüal Faros. ²⁶ Nganüy ajcüw mos leaw acüliw Ofel tiül nangaj iüm tatajcüw majneaj am wüx ombas mbeay nden ocüeaj yow am nonüt niüng ajntsoop najal oleaj iüm. ²⁷ Ndoj miün nej ajcüwa Tecoítas tatajcüw majneaj alinoic am, angochaweag xeech najal oleaj iüm, nots miün tiüt matüch aga neyey tiüt Ofel. ²⁸ Acüwa miteats tatajcüw majneaj am cawüx ocüeaj mbeay minden cawüy, meawam nop nop alereng aniüng nej tarang. ²⁹ Andüüban nejiw Sadoc micual Imer tatagmajneaj quiriw niüng angoch alereng aniüng nej. Atan andüünban nej, Semaias micual Secanías, nejiür ombeay nden am nonüt, tatagmajneaj. ³⁰ Atan andüban nej Hananías micual Selemías, atmiün Hanún am anaiw micual Salaf, tatag majneaj alinoic am. Andüüban nejiw Mesulam micual Berequías tatag majneaj am andüüban alereng aniüngüw nejiw. ³¹ Ndoj mien nej, Malquías, nop tiül nerang meawan naponcheran plata, tatag majneaj matuch niengüw morang najiüt ocüeaj nangaj iüm at monajpeay alereng mbeay nden niüng andacüwaran at am tiül oxing cawüx niüng acüleran. ³² Ajcüwa monrang maponcheran plata at monajpeay tatajcüw majneaj am nieng ajlüy tiül oxing cawüx niüng acüleran at mbeay nden niüng among sap.