¹ Tiül aga caw Nisán, tiül aga nimiow neat aga teat natang nenajiüt Artajerjes tarriüd aga napatsüch miyow uvas quiaj tambas nayar aga napatsüch miyow uvas nüch teat natang nenajiüt. Nganüy, xique ngomeag amix xemeats niüng ajlüy nej. ² Quiaj teat natang nenajiüt tasaj xic: "¿neol atquiaj tembas atnej xeyay amix imeats? Ique ngomajüc atnej niend indeow. aga ayaj aldom narang xeyay amix imeats." Quiaj xeyay tembolas. ³ Xique tasajas teat natang nenajiüt: ¡najal mi nüt teat natang nenajiüt!¿cos sajiür amb wüex xemeats aga tat quiaj te xembas? xi cambaj, nieng tamierad xe xeech, lajcüiat laim jarriüem at laim mandab ombeay nden ambel nej biüm." ⁴ Quiaj teat natang nenajüt tasaj xic: "¿cuane idiem narang?" Quiaj tendeacas nasaj teat Dios najlüey cawüex. ⁵ Xique tasajas a teat natang nenajüt: "Jondot najneaj majaw teat natang nenajiüt at jondot najneaj arang nerang najiüt niüng ijlüynej, aldom meach xic namb andüy Judá, tiül mi cambaj xe xech, atquiaj ndom natag majneaj. ⁶ " Tendeac teat natang(alanquiaj chetem müm natang nenajüit):"¿nguitow nüt apmecül quiaj at ngow apmendilil?" tapac omeats xiyay aga teat natang nenajiüt tüch xic nam wüx tasajas ngow sanandilil. ⁷ Xique tasajas teat natang:"Jondot namdiem teat natang nenajiüt müch xic tegüey narangüch nawüiig najoy mamb nüch meawan natang tang monajiüt leaw aliw necam yow atquiaj nejiw mandiemüw majchiw xic namong tiül mi tiüjtüw nejiw andüy Judá. ⁸ Mendiem aton marangüch alinoic nawüiig müend Asaf, aga nejiür tiül xiül ocüeaj natang nenajiüt, atquiaj aldom müch xic xiül ndom najep marang oleaj nesapüy mbeay nangaj iüm, atmien neyey tiüt mbeay cambaj, aton aldom narang samieng nieg ndom nacül tiül". Cos mimonajneaj teat Dios almaquieb xic, teat natang nenajiüt tüch xic leaw tenguial natün. ⁹ Tambas najawüw natang tang monajiüt necam yow atquiaj najchiw meawan narangüch nawiiüg ocüeaj teat natang nenajiüt. Nganüy teat natang nenajiüt tüch mamb ajcuwa natang tiül montsoj atmien montep cawüy maqüiejpüw xic. ¹⁰ Wüx Sanbalat nasoic Horonita atmien Tobias mos Amonita tangüiayiw ayaj quiaj xiyay ngome taj neaj mayajcüw cos lapiay nop leaw tengüial mayam ngüineay ndom mambeolaranüw cambaj Israel. ¹¹ Atquiaj tambas andüy cambaj Jerusalén tacüliüs quiaj arej nüt. ¹² Aga ongüiets quiaj wüitietos naquiej püw alacas teat monxey. Ngonasaj nejinguin leaw Teat Dios lamayac tiül xemeats nguineay ndom nambeol Jerusalén. Ngo majlüy nimal naquiüb mamb, amien leaw salnaj tep wüx. ¹³ Tawas aga ongüits quiaj am tiül ombeay nden nasoic Valle, andüy nieng aw yow nasoic Chacal at andüy mbeay nden nasoic Estiercol tambas najaw aga neyey tiüt tüeng cambaj, laim lejquiam lajmbaj at laim mandab ajcüw xiül nesap mbeay mbeay ambel nej biümb. ¹⁴ Condom tambas andüy mbeay nieng aw yow at nieng canchiüw mi yow natang nenajüt. Aga nieng sanamong kia morrots tiüt ngondom mamong a nimal leaw salnajtep wüx. ¹⁵ Atquiaj xique tambas andüy tiül pajchiün tapots najaw jaw tüeng neyey tiüt cambaj, tandilileas tajmeliüs am tiül ombeay pajchiün atquiaj tandilileas. ¹⁶ nijinguin ngomajaw nguiane xiün at cuanarang nganaw nsajüw ajcüw a judios, at miteats, at monguich monajüit, at natang monajüit, at ajcüw a leaw apmarangüw a najiüt ¹⁷ Xique tasajasüw:"icona ijawan aga nael quiaj ngüineay tengüial mamongochiüts, ngüineay Jerusalén laim jarriem at laim mambel nej biümb aga onmeay nden. Macaron, camawüitichats tiüt aga neyey nej tiüt a Jerusalén, atquiaj ngomamongochiüts monxing." ¹⁸ Xique tasajasüw ngüineay mimonajneaj Teat Dios tambeol xic at aga poch leaw tasaj xic teat natang nenajiüt. Nejiw tapiengüw: "Marangats at mawüitichats tiüt." Atquiaj nejiw techyeyej apacüw andiemüw marangüw aga najiüt quiaj. ¹⁹ wüex Sanbalat nasoic Horonita at Tobias mos Amonita at Gesem nasoic Árabe tangüiayiw aga ayaj quiaj taxendiw at tatsojow xicon tapiüngüw: "¿cuane tengüial merangan quiaj?¿icona ngo miyariün andeac natang nenajiüt tengüial irangan erndaman?" ²⁰ Quiaj tasajasüw:"Teat Dios najlüy cawüx apmambeol xicon. Xicona nerangasan minajiüt nej apmaxaing xicon tiüt nawüitichan narangan. Nganüy icona ngomijeran nicuajin wüex at aton mixangüien poch wüex ngüineay apmajüy Jerusalén."