¹ Nganüy wüx Sambalat tangüiay cos tengüial nawüitichan tiüt aag a otüeng neyey tiüt cambaj, tajngot atepichay tiül nej at ajcüy xeyay at tapots maxend matsoj ajcüwa Judíos. ² Niüng ajlüyiw acualats nej at ajcüwa montsoj monaw Samaria, nej tapiüng: ¿cuan tengüial marangüw ajcüwa pots Judíos quiaj?¿ Aldom nejiw matajcüw majneaj aga cambaj?¿Aldom mayacüw ichechiw?¿ Aldom mambichaw marangüw najiüt noic mien nüt?¿Aldom majchiw mapac ajcuwa ponong piedra leawa laim mequeach queach wüx tengüial andajpüwa? ³ Tobias nasoic amonita almaquieb nej quiaj tasaj nej:" jondod majtep wüx nop wiül niüng nejiw tengüial marangüw, apmandarriich tiüt aga piedra neyey tiüt cambaj". ⁴ Teat Dios, ingüeay sandeacan, cos tengüial mayacüw xicon tiüt. Indilil andüy wüx nejiw meawan leaw atsojow xicon at iich manedaranüw tiül miütüw nejiw niüng ajlaiw pres. ⁵ Nde mexot leaw ngomajneaj at nde mendarriich asoetiw nejiw niüng ijlüy, cos nejiw lamajchiw majcüyiw monrang najiüt. ⁶ Atquiaj tarangasan aag a neyey tiüt cambaj cos meawan larangüüch aleam pinawan oleaj, cos aag a nipilan minüt ind arangüw najiüt. ⁷ Wüx Sambalat,Tobias, ajcüw Árabes, ajcüw Amonitas at ajcüw Adodeos tangüiayiw aag a najiüt lawüitiüw tiüt aag a neyey tiüt cambaj Jerusalén lajüy necam aton meawan leaw lajmbaj laim palam, tiül nejiw xeyay tajcüyiw. ⁸ Meawan canchiütoj mayanbüw omeaajtsüw ndoj miünüw matsojow maquiiüjpüw Jerusalen atquiaj ndom matsojow omalüw. ⁹ Nganüy xicona tandeacasan nasajan Teat Dios condom tayacasan monjiür atquiaj nejüireyon nüt at ongwiiüts cos tenguial ayamyambüw. ¹⁰ Condom nipilan monaw Judá tapiüngüw:" laüm apacüw meawan leawa tenguial amalüw tiüt. Ajlüy xeyay nequeach queach ngome apdom ximbasan nawitichan tiüt aag a neyey tiüt cambaj." ¹¹ Nganüy leaw ajcüyiw majawüw xicon tapiüngüw:" Nejiw ngome apmangüiayiw at ngome apmajawüw wüx apmambaats mambiyaats at malombochiüts aag a najiüt ¹² Tiül aag a nüt quiaj ajcüw Judios leaw acüliw quiajan niüng ajlüyiw nejiw tiünüw imiün palpalwüx at tendeacüw maquiejpüw xicon xeyay, tasajüw xicon ngüineay ajlüy tenguial mayamyambüw xembasan. ¹³ Quiaj xique tayacas nipilan niüng ajlüy neyey tiüt cambaj niüng alndom majawaranüw. Tayacas nop natang tiül nden majoyiw nendojquiay, nitil at nejeng. ¹⁴ Ndoj xique tajawas, wüitietos at tasajasüw ajcüwa nembeat ajlüy nipilan, ajcüwa monsaj wüx at mewan cambaj: " nde mermbolan mendüyiüen". Ich leaam imeaajtsan Teat Dios, ngüineay xowüy nadam nej. Irangan impena wüx mintajan, mi cualan at iniüngan. ¹⁵ Tajlüy wüx ajcüwa najcüymajaw xicon tangüiayiw leawa nejiw tengüial mandiümüw marangüw lajequicheran naguiayiün cos Teat Dios tajarriich leawa tenguial mandiümüw marangüw, meawason tandüyesan narangan leawa atüüch marang aag a otüeng neyey tiüt cambaj. ¹⁶ Atquiaj tiül aag a nüt quiaj pinawan tiül xe mos tarangüw najiüt amiün malombochiüw otüeng neyey tiüt cambaj, al pinawan ambeolüw naag netil, neliig,nejeng at asojqüiw camix manchiec, wüxan ajcüwa monjlüy wüx tengüial mambeolüw necam wanopech meawan cambaj Juda. ¹⁷ Quiaj ajcüwa monrang najiüt leawa tengüial mawüitichaw aag a otüeng neyey tiüt cambaj at monjoy amalüw tiüt atmiün tenguial ajiürüw. Meawan nots owixaw arangayej najiüt alanots alteowixaw manchiüc. ¹⁸ Meawan monlomboch almayac niüng ajlüy nej nendojquiay atquiaj arangüw najiüt. Aag a netet trompet acül niüng salnajlüy. ¹⁹ Xique tasajasüw ajcüwa nembeat ajlüy nipilan, at monjiür najiüt at meawan cambaj: " nadam aga najiüt quiaj at najal tiüt at minquiaj ajlüy nop nop otüeng neyey tiüt cambaj. ²⁰ Netam mergüeleteyon najen andüy niüng apmingüiayiün ajiünts trompet canchiümeron quiaj. Teat Dios apmatsoj ingow atsojoots. ²¹ At quiaj xicona tenguial narangan aag a najiüt quiaj. Pinawan tiül xicona sandeajndiün tiüt nendojquiay ümban chajmbaw arraw laam ayaj wüx lajnsop ocas. ²² Aton tasajasüw cambaj:" Ijchan meawan monxey at mi mos nej mamongochiw ongwiiüts tiül Jerusalen, atquiaj aldom mambeolüw icoots majiürüw ²³ ongwiiüts at manrangüw najiüt nüt. Atquiaj xique, at xecojow, at xemos, at monxey monjiür leaw andüjpiw xic, nejinguin tiül xicona tangowüüch apix nej, meawan nop nop tiül xicona andean tiüt manchiüc, masey lasamban nayamban yow.