¹ Macaron, andilileaats majawaats Teat Dios. Cos Nej lamaquelet icoots, nganüy Nejay apmataag majneaj icoots; Nejay ayac necoy, at miün Nej apmawinch a necoy quiaj. ² Among miün ijquiaw nüt Nej apmapacüüch icoots alinomb; Nej apmawitich icoots amb er nüt at icootsa apmambaats macüliiüts teombás Teat Dios. ³ Iich xicon najawan, Teat; iich xicon nayajcan ombas Teat Dios. Nej aliüc alinomb majaw xicon atnej ijchiür, atnej ajcüwa ijchiür acachiich teomal iüt tiül amelich lamban. ⁴ ¿Cuane sanarang wüx imbasa Efraín? ¿Cuane sanarang wüx imbasa Judá? Atnej oic ajaraw ümb miün arraw atquiaj noic miün imeaats, atnej pojniün ümb miün arraw landroj. ⁵ Atquiaj miün, Xique landoj lanaquelet niquiriw ajcüwa mondeac andeac Teat Dios, Xique landoj lanambiyaw naag xepoch naw Tiximbeay. Minembeat poch atnej ran nelitlit. ⁶ Nganüy Xique sandiüm meaach nomiün imeaats at ngo nandiüm nichech at merndüy wüx mimonajneaj Teat Dios aag ayaj alwüx ombeat ngome atnej mambeleran nichech. ⁷ Atnej Adán, nejiw tatsojow nembeat xepoch; nejiw tacueatiw Xic. ⁸ Galaad noic cambaj niüng acüliw monrang ngo majneaj alquiaj tiüt quiej. ⁹ Atnej noic ajlüy moneed teamacüliw aljane, atquiaj ajlüyiw noic ajlüy miteaats leaw lasojnongayej ndom mambiyaw titiiüd andüy Siquem; nejiw lamarangüw noic xeyay ngo majneaj monxing miün. ¹⁰ Xique lanajaw xeyay among wüx ngo majneaj tiül aniüng Israel; Aag atsojayej ombasüw nejiw Efraín alquiaj nganüy Israel xeyay nisoet alwüx nej. ¹¹ Atnej icona, Judá, napiürüch apmarriüjtüch, wüx Xique sanandilil majiür Mitomiün xecambaj.