Aroom nembaag
1
Teat Dios tasaj xic: "Carriür alinomb, indiüm nop najtaj, leaw andiüm nej minoj nej, nganüy nej nop najüyjüy najtaj. Indiüm atnej Xic sandiüm, Nej Teat Dios, tandiüm minipilan Israel, masey mambüw majawüw alinop narangüch dioses at müjchiw nangan peats nejiür nangan aong xiül."
2
Atquiaj tanangal Naneay tanangüy gajpocoic tomiün plata, ijquiaw nadam nepeaxeay aquiiüb pinowan cebada.
3
Xique nej tanasaj: "Ique apmecül mequiiiüb xic xeyay nüt. Ique landoj langome apmerjüyjüy at miün lango apmejlüyenaag alinop naxey. Atan miün quiaj, Xique sanajlüy naquiiüb ic."
4
Cos apmacüliw xeyay nüt minipilan Israel ngome apmajiürüw natangüy nenajiüt, micualüw natangüy nenajiüt, ayacüw nichech, najal cang oleaj iüm, nelitlit apix miteaats tengwüy narangüch dios aniüngüw nejiw.
5
Ndoj miün, minipilan Israel apmandilileaw at apmayambüw Teat Dios MiDiosüw nejiw at natangüy nenajiüt David, at wüx laliüc mümb a nüt, nejiw teambipipeay oleajiw aliücüw teombás Teat Dios mayambüw mimonajneaj nej.