¹ "Wüx Efraín tendeac, tajlang noic ateam. Nejay tayaag teyacüy xeyay nembeat tiül Israel, naleaing nej tandüy wüx ombás nej minesoet nej wüx atamüüch minüt Baal at nej tandeow. ² Nganüy, nejiw ndeam teamayacüw wüx minesoetiw nejiw. Nejiw arangüw nine manchiüc naag miplata nejiw, narangüch dios xeowüy lajneaj arangüch, atnej ngomeaag ajlüy, meáwan ayaj minajiüt nerang a najiüt quiaj. Ajcüwa nipilan quiaj nejiw apingüw: "Ajcüwa monxey cam jane ayacüw nichech achejchiw nine wacüx quiaj." ³ Atquiaj nejiw apmajlüyiw atnej ajcüwa oic ümb miün arraw, atnej ümb miün arraw najmiüc naquind landroj, atnej nawaag soex lamajüyich matech nej iünd macueatanaag a iüt niüng tearrantsüch, at atnej niüng aw a nasop. ⁴ Nganüy Xique xiquiay TEAT DIOS miDiosüw nejiw leaw apmaquiiüb nejiw imiün Egipto. Icona ngo metam mejawan nejinguind alinop dios aag miün Xique; icona netam meyariün ngo majlüy ninguiünd ngome Xique, ngo majlüy alinop newün icon wüx. ⁵ Xique tanayaag imbasan tiül nawaag iüt, tiül iüt nguiane ngo majlüy yow. ⁶ Wüx icona tejiüran soex, quiaj icona chipiüt itünguiün; at wüx icona chipiüt itünguiün, xeyay tadam imeajtsan. Wüx aag ayaj icona tewniün imeajtsan wüx Xic. ⁷ Xique sanewüneay narang nop liong majawüw xic nejiw; atnej nop rach lüw, Xique sanametiw tiül tiiüd. ⁸ Xique sanatsambüw atnej arang nop mbaleoy leaw laneederan minaliw nej. Xique sanachiüt mal mipechiw nejiw at quiaj miün Xique sanatsambüw atnej nop liong, atnej nop nimal nacül tiül peat sanajmbaj nequirquiriw. ⁹ Xique sanandrooch ombasüw nejiw, Israel; ¿jane apndom mawün icon wüx? ¹⁰ ¿Jo nganüy nguiane almajlüy minatangüy nenajiüta, alndom nejay mawün icon wüx mbich meawan cambaja? ¿Nguiane almajlüyiw mimonajiüt nejaw icona, wüx icona tepiüngana mesajan Xic: 'Iich xicona nop natangüy nenajiüt tengwüy nop micual nej nenajiüt? ¹¹ Xique tanüüch icon nop natangüy nenajiüt wüx tanajcüy at tanawün tiül minajiüt nej cos tajcüyiüs. ¹² Lacanchiow aag a xeyay ngo majneaj teomeaats Efraín; mineseot nej laxiyay canchiow. ¹³ Xeyay necoy apmatüch nej atnej minecoy nejiür nine, nganüy nej nop nemeech nacualaran ngo manguiay leaw asoic, cos wüx apmatüch a nüt wijquiam, nej ngome apmandiüm maw teomeaats mimüm nej. ¹⁴ ¿Xique sanawüniw nejiw teowixaw miíüt mondeow? ¿Xique sanawüniw nejiw tiül mondeow? ¿Nguiane, andeow, almajlüye micabcüy? ¿Nguiane, miíüt mondeow, almajlüye nindrojchaye ombas? Aag a xeyay ajneaj imeaats almexeotüy ngo naxeom najaw. ¹⁵ Masey Efraín najneaj amb nejiür tiül michiig micoj nej, noic iünd naw nonüt aliüc; aag a iünd ocueaj TEAT DIOS apmapep napac tiül nawaag wajchiüc. Minapacüy ocueaj Efraín apmamong at milol nej lango apmajiür yow. Najcüy majawüw nej apmajmeliw manejtiw nguiane almayac leaw nembeatiw leaw almajiür. ¹⁶ Samaria apmajiür asoet nej, cos nej lajcüy majaw miDios nej. Nejiw apmajmiücüw apmambiyeranüw naag nendojquiay; namix nine micualüw nejiw apmaqueletiw nequirquiriw at müm montaj nejiürüw micualüw nejiw apmachiütaran omeajstüw nejiw.