Gajpow anomb nembaag
1
Wüx Israel aliün marang nop nine, Xique tanandiüm xeyay, at Xique tanapaj Xecual maw Egipto.
2
Wüx xeyay sandiüm teanapajüw, nejiw arangüw wüx omeajtsüw teajüyiw macueatiw Xic. Nejiw ayacüw nichech teombas baales at ambeliw pom teombas narangüch midiosüw nejiw.
3
Wüx aag ayaj, Xique jane tanaquiaach a Efraín ndom ombas majüy. Xique jane taxainguiüs napeic tiüt, nganüy nejiw ngo najawüw Xique xeyay tanajwüw nejiw.
4
Xique tanatiib a tiiüd naag nots las alwüx xeyay mimonajneaj nipilan, alwüx xeyay monajneaj. Xique wüx nejiw tanarang atnej aljane leaw üüch tejyem neoel omalüw nejiw nemüünch teombeayiw, at Xique mojcotos nambeolüw nejiw at tanayamb cuane apmüetiw.
5
¿Ngome apmandilileaw nejiw andüyiw miíüt Egipto? ¿Ngome apmarang natang Asiria wüx ombasüw nejiw, neol nejiw ngo mandiümüw mandilileaw majawüw Xic?
6
Nendojquiay apmajmiüc wüx micambajüw nejiw at apmandrooch ombas opal mindeniw nejiw; apmandrooch ombasüw leaw nejiw andiümüw marangüw.
7
Xenipilan lamapiüng apmacueat Xic. Masey nejiw apajüw minüt Natangüy Teat Dios, nejinguind ngome apmambeol nejiw.
8
¿Nguineay alndom nacueat ic, Efraín? ¿Xique nguineay alndom nayac ic tiül nael, Israel? ¿Xique nguineay alndom narang icon mejlüyiün atnej Adma? ¿Xique nguineay alndom narang icon mejlüyiün atnej Zeboim? Xemeaats lamangowüüch tiül Xic; meawan najneaj xeyay sandiüm ic lamangowüüch.
9
Xique ngome sanarang nayac xeyay sajcüy; Xique ngome sanandrooch ombas alinomb Efraín. Cos Xique Dios at ngome nipilan; Xique nangaj sajlüy tiül icona, at Xique ngome saliüc wüx xeyay sajcüy.
10
Nejiw apmandüjpiw TEAT DIOS; at Nej apmapaj atnej nop xeech liong. Wüx Nej apmepaj, micual nej teambipipeay oleajiw nejiw aliücüw imiünüw nonüt.
11
Nejiw aliücüw teamambeapmbeap nejiw atnej noic quiec naw Egipto, atnej noic palom naw tiül miíüt Asiria. Xique sanüüch macüliw aniüngüw nejiw--aag ayaj landoj lamandeac TEAT DIOS.
12
Efraín wüx xeyay atsoj miün lamayey xic tiüt, at aniüng Israel wüx xeyay awiích. Nganüy Judá aliün majlüy minquiaj ngo matüch Teat Dios, aliün najlüy, majcüy majaw Nangaj Teat Dios.