¹ Israel atnej nateaic cambeac leaw ayac xeyay aong nej. Wüx teamayac wüx xeyay aong nej ajiür, at miün teamarang xeyay artül. Wüx miíüt nej xeyay napiürüch awün, nej tataag majneaj oleaj miíüm nej. ² Xeowüy angowüüch omeaats nej; nganüy nejiw netam maiícüw wüx asoetiw nejiw. Nejay Teat Dios apmalox tiüt miartül nejiw; nejiw apmaloxiw tiüt oleaj miíümüw nejiw. ³ Nganüy nejiw apmapiüngüw: "Ngo najiüran nijinguind natangüy nenajiüt---¿cuane alndom marang nej wüx xicona?" ⁴ Nejiw andeacüw ngo membeat poch at ayacüw mipochiw nejiw ngome naleaing andeacüw. Atquiaj chüc, meáwan leaw andeac andiüm marang ngome apmarang atnej netam, apmangowüüch, apmayac xeyay naél. ⁵ Nipilan moncül Samaria apmajiürüw xeyay mbol wüx aag a nine wacüx ocueaj Bet Avén. Minipilan nejiw ajiüntsüw wüx ombasüw nejiw, atquiaj atnej ajcüwa miteaats nendüjpiw narangüch dios leaw tapac omeajtsüw wüx nejiw at wüx tajiürüw xeyay nganüy landroj lango majlüy quiaj. ⁶ Nejiw apmaquiürajpüw mamb andüy Asiria atnej noic üünderan miün majneaj omeaats natangüy nenajiüt. Efraín apmamongoch xeyay ngo majneaj, at a Israel apmamongoch monxing wüx midiosüw nejiw. ⁷ Natangüy nenajiüt ocueaj Samaria apndrom ombás, atnej noic quiriw xiül wüx teamajowjow nej omal yow. ⁸ Ajcüwa tiüc nguiane arangüw ngo majneaj apndrom ombasüw. ¡Aag ayaj minesoet Israel! Sats lop ndoc maquiiüb patiür apmatang wüx miartül nejiw. Ajcüwa nipilan apmasajüw a tiüc: "¡imiüt xicon!" at ajcüwa nine tiüc: "¡ijmiücan wüx ximbasan!" ⁹ "Israel, lamerang nesoet imiün wüx minüt Guibeá; icül miün ngo meriow tiül. ¿Neol jo micual monrang ngo majneaj quiaj ngome apmatüch nejiw montsoj tiül Guibeá? ¹⁰ Wüx Xique sanandiüm, Xique sanapaj ocueajiw. Ajcüwa nadam cambaj apcanchiümoj mapalüw teombasüw at apmatsajcüw cos ijmbüw amb ngo majneaj arangüw. ¹¹ Efraín nop nüx wacüx nej lasap ombas wüx andiüm majüyjüy, atquiaj chüc, Xique sanaoel omalüw sanatsaag wüx natsüjyay onic nej. Xique sanayac sanaoel omal Efraín; Judá apmachiüt a iüt; nejay a Jacob apmamüünch nembaag iüt. ¹² Ipiür xeyay monajneaj nejiw miün quiaj, at ixaing omeaats nembeat anderac leaw ayac wüx omeaats. Ichiütan miíütan leaw ngo meaag achiütaran, nganüy lamatüch a nüt meyamban TEAT DIOS, apmecüliün wüx Nej aliüc linomb at wüx apmajoet monajneaj wüx imbasan. ¹³ Icona lamepiüran xeyay ngo majneaj, at apmexainguiün leaw ngo majneaj arangüch. Icona landoj meatiün aong awicheran cos teyacan imeajtsan leaw icona indiüman at wüx xeyay nipilan leaw ijiüran tiül montsoj. ¹⁴ Wüx aag ayaj apwitiüm ngomaxeoram omeaatsaran imiün tiül minipilan nej, at meáwan micambajüw nejiw apndrom ombasüw. Apmarang atnej Salmán tandrooch ombás Bet Arbel wüx noic miün nüt montsoj, nguiane müm montaj namümaran maquiüjpüw micualüw nejiw tambiyeran taqueletaranüw. ¹⁵ Icona atquiaj apmajlüy wüx imbasan, Betel, cos wüx aag xeyay ngo majneaj ijlüyiün tiül. Wüx ümb miün arraw natangüy nenajiüt ocueaj Israel apndrom ombás nomiün.