¹ Aag a nüt quiaj teat natang nenajiüt Asuero tüüch müm natang nenajiüt Ester niüng acül Amán, aag xeyay ajcüy majaw judíos. Mardoqueo tamelich marang najiüt niüng ajlüy natang nenajiüt, cos Ester lamasaj teat natang nenajiüt nguineay nej ajlüyenaag a Mardoqueo. ² Aag a natang nenajiüt tayar iquial owix nej nembüneay, aag tawün naw wüx owix Amán, ndoj tüüch Mardoqueo. Ester tayac Mardoqueo majlüy wüx meawan leaw ajiür Amán. ³ Quiaj Ester tandilil mandeacaweag teat natang nenajiüt. Nej nomban mejquej tiüt at tajiünts wüx tengüial masaj malomboch meawan leaw landoj lamawünwün marang ngo majneaj aag Amán Agagueo, leaw apiüng apmarang wüx ombasüw ajcüw judíos. ⁴ Quiaj a teat natang nenajiüt tandic nangoraad müüch Ester, nej witiüt lembem niüng ajlüy teat natang nenajiüt. ⁵ Nej tandeac: "Ndot najneaj majaw teat natang nenajiüt, sitiül lanaxom monajneaj wüx imbas, ndot agüy najneaj mijaw, at ndot apac imeats mejaw xic, ich marangüüch noic nawiig atquiaj ndajrriüm leaw tarang Amán, micual nej Hamedata aag Agagueo, ajcüw nawiig leaw nej tarang mandrooch ombas meawan Judíos naqüliw tiül nimix nine cambaj ocueaj teat natang nenajiüt. ⁶ Cos, ¿nguineay aldom naiüc wüx at majaw ajmiec a nael wüx xicambaj a? ¿Nguineay aldom naiüc wüx majaw ndajrriejow sacualats a?" ⁷ Teat natang nenajiüt tandeac masaj a müm natang nenajiüt Ester maquiiüb Mardoqueo, aag a Judío: "Unas, lanüüch Ester aniüng Amán, at nejiw lamarrondüw wüx nerrondüy oniqueran, cos nej apmambiy ajcüw judíos. ⁸ Irang alinoic nawiig meaachiw judíos wüx minüt teat natang nenajiüt at imbün naag iquial owixeran ambüneay teat natang nenajiüt. Cos aag a nawiig leaw larangüch wüx minüt teat natang nenajiüt at ambüneay naag iquial owix teat natang nenajiüt ngo ndom mbiejlamb." ⁹ Ndoj aag a nüt quiaj tajpajüw ajcüw monrang nawiig ocueaj teat natang nenajiüt, amb arej caaw, aag ayaj caaw ocueaj Siván, tiül caaw nimiow arej nüt. Tarangüüch noic nawiig aquijmien tiül meawan leaw tengüial mandeac a Mardoqueo wüx ombasüw nipilan judíos. Lamarangüüch müjdiw monjiür najiüt tiül nimix nine cambaj, monjiür najiüt at montang monrang najiüt monjlüy tiül nimix nine cambaj naw tiül India andüy Etiopía, coic miow nimiow ayaíw cambaj, tarangüüch aag a nawiig quiaj wüx ombeayiw nejiw müjdiw noic noic cambaj, atmiün ajcüw Judíos tüjdiw wüx ombeayiw nejiw. ¹⁰ Mardoqueo tarang wüx minüt teat natang nenajiüt Asuero at tambün naag iquial owix teat natang nenajiüt aag xowüy ambüneay. Nej tüüch mam aag a nawiig majoyiw mam monjoy poch ambüw wüx necüircuir cawüy nayarich marang minajiüt teat natang nenajiüt, micual aag najneaj tiül mi cawüy teat natang nenajiüt. ¹¹ Teat natang nenajiüt tüüch meawan nipilan judíos leawa aliw tiül aag a cambaj quiaj, ndom canchiümoj at ndom matsojow maquiejpüw Jane andiüm mambiy nejiw: atquiaj ndom mandrojchiw ombas jantasmenej cambaj leawa andiüm mambiy nejiw, aquijmiün tiül nimix nine at montaj, tingüa ngüey maxaingich meawan leaw ajiürüw. ¹² Atquiaj apmajlüy tiül meawan mi cambaj teat natang nenajiüt Asuero, am gajpar nüt tiül gajpic caaw, aag ayaj caaw ocueaj Adar. ¹³ Noic tiül aag a nawiig netam majiquicheran nembeat poch nej at netam majiquichay miün niüng axom majaw meawan nipilan. Aag a nüt quiaj netam. Aag a nüt quiaj judíos netam menguialeateayej mapalüchiw ombas leawa tarangüchiw wüx. ¹⁴ Quiaj ajcüw a monjoy poch najenjen miün tajchiquiaw wüx mi cawüy teat natang leawa ayar marang mi najiüt nej. Ngo mequiyaw tambüw najenjen miün. Atmiün aag a mi nawiig teat natang nenajiüt tajiquich imiün tiül aag a netsüyay ombas mi iüm Susa. ¹⁵ Quiaj a Mardoqueo tasoig tiül teat natang nenajiüt mbasacaats at raan netsüyay ombas napixeran, at noic nadam nexeic tiül omal narangüch naag oro at noic nelitlit napixeran. Ndoj aag a cambaj Susa tapac omeatsüw nejiw apajüw wüx. ¹⁶ Raan tiül nejiwe judíos at apac omeatsüw, xeyay apac omeatsüw at tayajcüw xeyay ambeatiw. ¹⁷ Tiül meawan cambaj, nguiantasmenej tatüch mi nawiig teat natang nenajiüt, ajlüy monpac omeats at tiül nejiw judios xeyay apac omeatsüw, nadam monet at noic nüt nangosnüt. Xeyay naw tiül aag a nipilan tiül aag aiüt quiaj tarangüw judíos, cos aag a mbol leaw ajiürüw a judíos tajmiec wüx ombasüw nejiw