¹ Nganüy, tiül gajpic caw, aag a caw quiaj asoic Adar, am gajpar nüt, wüx aag a poch leaw lamajiquich Teat natang nenajüt lapmarangüch, wüx aag a nüt quiaj leaw tenguial ajcüyiw majawüw Judios andiümüw ndom majntsopiw wüx nejiw, tangowücheran. Ajcuwa Judios tajnsopiw wüx leaw alndom wüx ajcüwa leaw tenguial ajcüyiw majaw nejiw. ² Ajcüwa Judios canchiütoj tiül mi cambajüw nejiw tiül meáwan cambaj ocüeaj Teat natang nenajiüt Asuero, at quiaj ndom mayacüw owixaw wüx ajcüwa jane leaw tandemüw mandroch ombasüw nejiw. Nejiüngüin ngo ndom macül lembejan mengocheyej maquijpüw, cos aag a mbol lajmiüc wüx meawan cambaj. ³ Meawan monjiür najiüt tiül meawan cambaj, chingüy monajüt tiül meawan cambaj, chingüy monajiüt at ajcüwa monjawüx ocüeaj teat natang nenajiut, tambeolüw ajcüwa Judios cos temboloj mandüyiw Mardoqueo. Cos Mardoqueo nembeat nej niüng acül teat natan nenajiüt, ⁴ at alombaran tüm majüy am tiül meawan cambaj, cos aag a naxey Mardoqueo tenguial adam minajiüt nej. ⁵ Ajcüwa Judios tangochiüw maquiejpüw ajcuwa ajcüy majaw nejiw naag nendojquiay, ambiyaw at androchiwüx at tarangüw leaw andiemüw marangüw wüx leaw ajcüy majaw nejiw. ⁶ Tiül aag a netsüyay nadam iüm Susa, ajcüwa Judios tambiyaw at tandrochiüw ombas acoquiaw acoic miow monxey. ⁷ Nejiw tambiyaw a Parsandata, ⁸ Dalfon, Aspata, Porata, Adalia, Aridata, ⁹ Parsmasta, Arisai, Aridai, Vaizata at ajcüwa gajpowüw micual ¹⁰ Aman micual nej Hamedata, aaga nejcüy majaw Judios. Naleaig nejiw ngoma ¹¹ Aag a nüt tajawüw cas tambiyaw tiül Susa, najneaj cambaj quiaj, tasoic teat natang nenajiüt. ¹² Teat natang nenajiüt tasaj a müm natang nenajiüt Ester: "Ajcüw a judios lamambiyaw acoiquiaw acoic miow monxey tiül cambaj Susa, aquiejpüw tiül aag gajpowüw micual Amán. ¿Cuane lamarangüw nejiw tiül meawan aag a mi cambaj teat natang nenajiüta? Jo ngana, ¿Cuane indiüm mitün? sanüüch ic leaw apmitün. ¿cuane apmitün? sanüüch ic." ¹³ Ester tandeac: "Ndot teat majmiec imal imeaats, iich nejiw judios leaw najlüyiw Susa ndom marangüw oxep leaw aquijmien tiül aag a nawiig quiaj, at ndom ajcüw a micual Amán marrondüchiw wüx nerron oniqueran." ¹⁴ Quiaj teat natang nenajiüt tandeac majlüy atquiaj. Aag nandearac quiaj tajoyie manguiayeran tiül Susa, ndoj tarrondüw oniquiaw gajpowüw micual Amán. ¹⁵ Ajcüw judíos leaw aliw Susa canchiütoj tiül gajpopeic nüt tiül caaw ocueaj Adar, tambiyaw al arej acoic miow monxey tiül Susa, naleaing mbich ngome taxainguiw leaw ajiürüw quiaj. ¹⁶ Nganüy judíos leaw tacüliw tiül nimix nine mi cambaj teat natang nenajiüt canchiütoj mawüneyej wüx, tawüw wüx leaw ajcüy majaw nejiw at tambiyaw er miow gajpowüw acoquiaw mil leaw ajcüy majaw nejiw, naleaing mbich ngome taxainguiw leaw nembeatmbeat ajiürüw aag a mondeow quiaj. ¹⁷ Aag ayaj tajlüy wüx gajpar mi nüt caaw ocueaj Adar. Tiül gajpopeic nüt nejiw tasojtüw ndoj tarangüw noic nüt monet at monpac omeaats. ¹⁸ Naleaing ajcüw judíos monjlüy Susa canchiütoj wüx gajpar at gajpopeic nüt. Tiül gajpocoic nüt nejiw tasojtüw ndoj tarangüw noic nüt monet at monpac omeaats. ¹⁹ Aag ayaj alwüx ajcüw judíos monaw miün quiaj, ajcüw tarangüw aniüngüw tiül rünch cambaj, ajawüw aag a gajpopeic mi nüt caaw ocueaj Adar atnej noic nüt monpac omeaatsaran at ajlüy nadam monet, at atnej noic nüt niüng üücheyej nüteran nop at alinop. ²⁰ Mardoqueo ajüiquich aag ayaj at üüch mamb narangüch nawiig meawan Judios leaw aliw tiül meawan cambaj ocüeaj teat natang nenajiüt Asuero, leaw aliwan quiaj at leaw aliw min quiaj, ²¹ tasajüw wüx marangüw nangos nüt cajpopeic at gajpocoic Adar meawan neat. ²² Aag a yaj nüt quiaj wüx Judios tawüwüx leaw ajcüy majaw nejiw at wüx aag a caw wüx tamong amix omeajtsüw tüüch mapac omeajtsüw at nadamüy amix omeatsaran noic nüt apac omeatsaran. Netam marangüw aag a nüt quiaj nadam monet at mapac omeajtsüw at müjchiüw nüteran nop alinop at mujchiüw leaw netiün andüy. ²³ At quiaj a Judios apechiüw omal nangos nüt leaw lamamelichaw, marangüw leaw Mardoqueo lamarang müüch nejiw. ²⁴ Aaga nüt quiaj, Aman micual Hamedata, nejcüy majaw meawan Judios, tandiem mayac tiül nael Judios ndom mandroch ombasüw, nej tayac Pur (aag a yaj tayac masüt), ndom majarrich at mandroch ombasüw. ²⁵ Wüx aag a nael quiaj tatüch nieng ajlüy teat natang nenajiüt, nej tüüch mam nawiig cos aag a leaw lamapieng apmarang ngomajneaj Aman wüx ombasüw Judios netam majmiüc wüx omal nej, at micual nej netam marrondaranüw wüx nerrondüy oniqueran ²⁶ Tiül mien aag a nüt tapajüw Purim, asajüw minüt nej Pur. meawan leawa landoj narangüch tiül nawiüg at leawa meawan landoj majawüw aton leaw landoj nejiw amongoj tiül, ²⁷ Aag a Judios tayariw noic jayats ajlüyay arangüch atan najiüt. Aag ajlüyay arangüch cam andüyan tiül nejiw, at micualüw nejiw, aton meawan leaw apmajlüyiw tiül. Ganüy nejiw netam marangüw ijmbüw nüt nangox nüt wüx patüch neat. apmarangüw at nej asoicquiw aton noic miün apmarangüw wüx patüch neat. Aag a nüt cam netam marangüch nangox nüt aton netam majaw meawan nacualaran, meawan nden, meawan namix cambaj, atan nandam cambaj. ²⁸ Ajcüwa Judios cüy maqüeb micualüw nejjiw gomdom macüatiw noic miün omal omeaatsüw majawüw aag a nüt Purim, nieng atqueaj gondom drom wüx omeajtsüw. ²⁹ Aaga müm Ester minatang nenajiüt, micual Abihail aqiüb Mardoqueo aaga Judio tarangüw najneaj nenajüt aton tajüquichaw amb ijmbüw nawüig andüy wüx Purim. ³⁰ Tamb nawiig müjdiw meawan nipilan judíos ajcüw 127 nimix nine mi cambaj Asuero, andiüm müüch aag a judíos majlüyiw najneaj at majlüy naleaing tiül meawan nipilan. ³¹ Aag a narangüch nawiig andeac naleaing wüx aag a nüt Purim leaw lamayacüw, cos Mardoqueo aag Judío at müm natang nenajiüt Ester tayacüw wüx ajcüw judíos. Ajcüw a judíos tayariw leaw layacaranüw wüx müjdiw nejiw at leaw aliec mien, atnej aton tayariw aag a nüt taiündaran at monmix omeaatsaran. ³² Leaw lamapiüng Ester tajiquich leaw netam marangüch mangoch Purim, at tarangüuch tiül nawiig.