¹ Ag a ongüiets quiaj ngo majneaj mameay teat natang nenajiüt quiaj tasaj monrang mi najiüt nej macajmiünüw miün meawan nawiig leaw larangüüch tiül cuane tajlüy tiül mi cambaj nej ninguien nüt, ndoj tengüial mateowüw napacpac mangüiay teat natang nenajiüt. ² Taxom tiül wüx Mardoqueo tandeac wüx Bigtán aqüieb Teres, ijpüw monrang mi najiüt teat natang nenajiüt majiürüw nieng ajmeleran, leaw tandiümüw mambiyaw teat natang nenajiüt. ³ Teat natang nenajiüt tatün mangüiay: "¿ ?" Quiaj tapiengüw nimix quich monench ocueaj nej, monrang mi najiüt nej, tasajüw nej: "Nicüajin ngome tarangaats wüx nej." ⁴ Ag natang nenajiüt tapieng: "Jane alninguiaj tiül pajchien a? Ag a hores quiaj Amán najmel tiül ag a pajchien ocueaj anieng teat natang nenajiüt amb masaj wüx majüic aldom marrondüüch onic Mardoqueo tiül ag a nerron oniqueran leaw lamarang. ⁵ Ajcüw a mimonrang najiüt teat natang nenajiüt tasajüw nej: "Amán alembem tiül pajchiün." Teat natang nenajiüt tapiüng: "Ijchiün najmel." ⁶ Wüx Amán tajmel, teat natang nenajiüt tasaj nej: "¿Cuane apmarangüch wüx aga naxey leaw natang nenajiüt andiüm müüch majstop?" Amán tandeac tiül omeaats nej: "¿Jane andiüm müüch majstop wüx xique teat natang nenajiüt a?" ⁷ Amán tasaj teat natang nenajiüt: " Ag a naxey leaw teat natang nenajiüt andiüm müüch majstop, ⁸ müünd najneaj neaj napixeran, napixeran leaw teat natang nenajiüt landoj nawiig, at nop cawüy leaw landoj ajtep wüx teat natang nenajiüt at mamb mimbaj omal nej. ⁹ Quiaj ndoj ag a napixeran quiaj maqüieb a cawüy müünd ag a xeyay nembeat tiül mi nerang najiüt teat. Iich nej nawiig tiül ag a naxey leaw ique indiüm meaach majstop at majayichaw nej tiül tiüüd mandüüb nej montep cawüy. Mandeacüw niüng ajlüy nej: '¡Atcüy apmarangüüch wüx leaw teat natang nenajiüt andiüm müüch majstop!'" ¹⁰ Quiaj teat natang nenajiüt tasaj Amán: "Najen nej mien, ixsain ajcüw napixeran maqüieb cawüy, atnej ique lamendeac, irang wüxe yaj a Mardoqueo, ag judío najlüy tembeay iüm. Ngo ndom miwün wüx nicüajin meawan leaw lamendeac." ¹¹ Quiaj Amán tasaingue napixeran maqüieb cawüy. Tasoig tiül a Mardoqueo ndoj taquiüb mamb majaich tiül tiüüd andüüb nej montep cawüy. At tendeac niüng ajlüy nej: "¡Atcüy apmarangüüch wüx leaw teat natang nenajiüt andiüm müüch majstop!" ¹² Mardoqueo tandilil andüy tembeay mi iüm teat natang nenajiüt. Nganüy Amán acuir cuit mien tam andüy aniüng nej, anengojneaj mayaag, apeech omal cos xeyay axing. ¹³ Amán tasaj a Zeres, mintaj nej, at meawan ajcüw xeyay ajneaj andeacanaag cuane landoj ajlüy. Quiaj ajcüw monxey xeyay axomüw omeatsüw nejiw, at mintaj nej Zeres, tasajüw nej: "Ndot Mardoqueo, nieng lamamelich mijmiec tembas nej, ag ayaj Judío, ngome apdom imbas aweag, naleaing apmijmiec tembas nej." ¹⁴ Wüx mien tengueleam mien mandeacüw maquiejpüw nej, tapeayiw ajcüw monrang mi najiüt teat natang, quiaj najen jen mien taquiejpüw namb Amán tiül ag a nadam monet leaw lamarang Ester.