¹ Wüx tamon arej nüt, Ester tasoig najneaj apix nej ndoj tajmel lembem pinawan netsayay ombas pajchien ocueaj mi nadam iüm teat natang nenajiüt, teombas anieng teat natang. Ag a teat natang nenajiüt alchetem wüx netsayay ombas mi bàng nej, tiül ag a najneajay mi iüm nej, ambas teombeay iüm. ² Wüx ag a natang nenajiüt ganas a müm natang nenajiüt Ester alembem pinawan, tajneaj omeats majaw. Tandic mi nangoraad nej müüch nej. Ester tatüüch quiaj ndoj tarreeg omal a nangoraad. ³ Quiaj ndoj teat natang nenajiüt tasaj nej:"¿Cuane indiüm, müm Ester? ¿cuane apmitün? leaw apmitün xique sanüüch ic." ⁴ Ester tapieng: "Ndot teat majmiec imal imeats, Ndot nganüy merwiün iquieb Amán tiül noic nadam monet leaw lanarang icueaj ique." ⁵ Quiaj ndoj teat natang nenajiüt tapieng, "Icajmienan najen mien Amán, atquiaj narang leaw lamapiüng Ester." Atquiaj tambüw tiül ag a nadam monet teat natang nenajiüt aquieb Amán leaw landoj lamarang Ester. ⁶ Wüx mien tengüial atembich che vin tiül ag a monet quiaj, teat natang nenajiüt tasaj Ester: "¿Cuane indiüm mitün? Sanüüch ic. ¿Cuane apmitün? Aldom nüüch ic pinawan meawan leaw sajiür." ⁷ Ester tasaj nej: "ag a agüy leaw sandiüm natün at sanatün: ⁸ sitiül lanaxom monajneaj wüx imbas teat at ndot teat majmiüc imal imeats meaach xic leaw sandiüm natün at majüc apmeaach xic leaw sanatün, ndot teat merwiün quien Amán tiül ag a monet leaw sanarang oxep nüüch icon, quiaj sanasaj ic leaw timitün mingüiay xic teat. ⁹ Ag a nüt quiaj Amán taw quiaj xeyay apac omeaats. Naleaing Amán wüx taw tajaw a Mardoqueo alchetem tembeay nadam iüm ocueaj teat natang nenajiüt, at tajaw ngo membol majaw nej mapiüng witiüm, Amán xeyay tajcüy majaw a Mardoqueo. ¹⁰ Naleaing, Amán ndot ombas masapanaag ajcüy ndoj taamb andüy aniüng nej. Tüüch namb majpajüw ajcüw xeyay ajneaj andeacanaag ndoj tacanchich nejiw nieng ajlüy mintaj nej, Zeres. ¹¹ Amán tandeac masaj nejiw nguitow axeyay leaw ajiür, cas micual nej aton, meawan mimonajneaj teat natang nenajiüt leaw lamüüch nej nembeat mi najiüt nej; at ngüitow alcawüx lamamongoch meawan mi monrang najiüt teat natang nenajiüt. ¹² Amán tapiüng: "A müm natang nenajiüt Ester ngo mapaj xeyey nipilan, ag mien xique, atquiaj namb maqüieb namb teat natang nenajiüt tiül ag a monet leaw nej lamarang. Atmien oxep, tasaj xic nandüy quiaj maqüieb teat natang nenajiüt. ¹³ Ag ayaj ngo müüch mapac ximeaats cos saxom najaw a Mardoqueo ag judío alchetem tembeay nadam iüm ocueaj teat natang nenajiüt." ¹⁴ Quiaj tasajüw nej Zeres ag mintaj nej at ajcüw xeyay ajneaj andeacanaag: "Marangüw noic nerrondüy oniqueran apmajal oleaj icmiow gajpawüw mingüexeran. Oxep indeacanaag teat natang nenajiüt marron wüx e Mardoqueo. Iich mapac imeaats ndoj cas tiriemb tiül ag a monet quiaj." Amán tajaw najneaj ajüc ag a asoic quiaj ndoj tarang ag a nerrondüy oniqueran.