¹ Wüx tangüiay nganüy Mardoqueo cuane aliüc mien apmajlüy, tasoig noic najpos apix nej ndoj tayac wüx ombas nej ngüeat. Taw imien tiül cambaj niüng acül ndoj tachiet onic apaj. ² Aleaing mien teombeay iüm ocueaj teat natang nenajiüt, cos ngo münd majmel nop ndot asoig najpos apix nej. ³ Tiül meawan cambaj niüng tayacüch quiaj ag a nawig arang teat natang nenajiüt, nadam nael tengüial mamongochiw nipilan judíos, aiündüw ngo metiw, xeyay amix omeaatsüw. Xeyay lapiejow mien asojquiw najpos napixeran at axejpiw ngüeat. ⁴ Wüx ajcüw a monguich monüx at monrang mi najiüt Ester tatüchiw nieng ajlüy nej masajüw nej, xeyay tamix omeaats müm natang nenajiüt. Tüüch mamb jayats apix Mardoqueo (atquiaj mawün ag a ngo najneaj apix nej), nej ngome tandiüm. ⁵ Quiaj, Ester tapaj Hatac, nop tiül mi monrang najiüt teat natang nenajiüt at ayaj larriedaran mambeol Ester. Nej tüüch mamb majaw cuane nerang nej Mardoqueo at cuane wüx tesojquiay atquiaj. ⁶ Quiaj Hatac tamb majaw Mardoqueo teombeay iüm ocueaj teat natang nenajiüt. ⁷ Mardoqueo tasaj nej cuane najlüy, at ngüitow tomien plata apmacanchich Amán at apmayac tiül iquial mi tomien natang nenajiüt ndoj atquiaj alndom mambiy nipilan judíos. ⁸ Aton tüüch nej noic nawiig leaw tüün tiül cambaj Susa andeac wüx mambiyeran judíos. Tüüch Hatac atquiaj majoy müüch majaw Ester, ndoj atquiaj majaw nguineay alndom mandeac aweaag teat natang nenajiüt majier nej lasta at majier lasta mi cambaj nej. ⁹ Quiaj Hatac tamb masaj Ester leaw lamasaj nej Mardoqueo. ¹⁰ Ester tandeac aweaag Hatac tasaj mandilil mamb majaw Mardoqueo. ¹¹ Aton tasaj: "meawan monrang najiüt ocueaj teat natang nenajiüt, at nimix nine cambaj ocueaj teat natang nenajiüt, ajawüw sitiül nop naxey at nop najtaj majmel am tiül pajchiün jondot ngo majpaj mamb, ajlüy noic miennandearac wüx ayaj: netam mandeow - jondot teat natang nenajiüt mandac mi nangorad nej apmapac. Dique nganaw najpaj namb najaw teat natang nenajiüt ajcüw nimiow gajpawüw nüt cüy." ¹² Quiaj Hatac tamb masaj Mardoqueo mi poch Ester. ¹³ Mardoqueo tüüch namb ag a poch cüy:"Ngo ndom mien tiül la mipieng cos dique sacül tiül mi iüm teat natang nenajiüt, que apmiriow wüx ngome atnej meawan judios. ¹⁴ Ndot ique ngo merdeac nganüy, aliec mien alinoic cambaj alndom maxaing xicon, nganüy ique at aniüng migrar apndrom ombas. ¿Jane ajaw ique tijmel mirang natang atquiáj ndom mimbeol xicon ag a nüt quiaj?". ¹⁵ Quiaj Ester tüüch mamb aga poch qüiaj müüch Mardoqueo, ¹⁶ "quier icanchich meawan nipilan judíos leaw moncül Susa, ndoj maindüw wüx ximbas. Nde mi retiün at nde minganeowan arej nüt, nüt aqüieb ongüiets. Ajcüw monüx monbeol xic at a xique, ngome sanetiün atón. Ndo quiaj sanaamb najaw teat natang nenajiüt, masey ¹⁷ ngome atquiaj netam majlüy. Sitiül tanamongoch nael, iich namongoch." ndoj tamb Mardoqueo, marang meawan leaw lamasaj nej Ester.