¹ Ndino zuwa zwinhu zwavhudi muna Khirisito. Handilevhi kunyepa, hama yangu itshi pupulira muMwiya Utswene ² ndine sungu tshayizwo nokutshena kusingaperi mumoyo mangu. ³ Nokuti ndaida kuti imi ndiri ndoga ndivhe unhu wakatukwa waka pambanisiwa na Khirisito nokuda ke vhakulu vhangu, ivho vhe luji gwangu panyama. ⁴ Ndivho vha Izirayele. Kuyetiwa vhana, nokupenya, nekubatana, nokupiwa ulayiro, nokurabhira mwali, ne mhiko ndizwavho. ⁵ Mazibhabha ndiavho na Khirisito wakabva kavhali panyama-uli panyezulu pavhanhu vhose.Mwali unokujiwa nokusingaperi.Ameni. ⁶ Asi handiti mhungo la Mwali lakakona.Nokuti vhakabva kuvha Izirayele havhasi vha Izirayele vhose. ⁷ Navhali vholuji gwa Abhurahama hasi vhana vhavhe vhose .Asi, "Zwinohwi kuna Isaka ndiko kutsha tumijiwa luji gugo." ⁸ Nokuti hasivho, vhana vhenyama vhana vha Mwali.Asi vhana vhokupikigwa ndivho vhanohwi luji. ⁹ Nokuti ihwi laka pikigwa ndiyeri: "Netshikati tshakayeta sayetshi nditshavhuya, utshavha mwanawounhulume wakapiwa Sarah." ¹⁰ Hasizwo hezwo zwoga, asi Rebeko vho ukati avha netumbu kuno umwe, iye Isaka bhabha vhedu- ¹¹ Nokuti vhana vhasanhu vhabehwa vhasnhu vhayeta zwakanaka kana zwakaipa, kuti kufunga ka Mwali pakulondejera kuke, ¹² kukwatisiwe kusingabvi pamabasa asi kuna yoyo uno dana, zwakahwi kaali, "Ukugwane ndiye utshashumira uku." ¹³ Sezwa zwakanwagwa zwitshihwi: "Jakopo ndaka uda, asi Isawo ndaka uvhenga." ¹⁴ Zwino titshati tshini?Kusa lulama kulipo kuna Mwali na?Hazwiyeti. ¹⁵ Nokuti unoti kuna Mozisi,"Nditshahwira vhusiwana vhanditsha hwira vhusiwana, nditshahwira vhulombo vhanditshahwira vhulombo." ¹⁶ Nayezwo, hazwibvi kuno unoda, kana uno gidima, asi kuna Mwali, muhwirevho vhusiwana. ¹⁷ Nokuti vhurifhi hunoti kana Farawo,,"Ndizwo zwandika kumusira, kuti zina langu lipalijiwe, panyika yose." ¹⁸ Ndizwo yezwo, unohwira vhusiwana waanoda, ende unowomesera moyo, wayanoda. ¹⁹ Zwino iwe ungati kandiri, "Iye utsha pireni ulandu?Ndiyani uno lamba kuda kuke?" ²⁰ Zwino iwe unhu, ndiwe ani, unopindula Mwali?Tshaka vhumbwa tshingati kune waka tshivhumba, "Wandi yetereni vho kudlali?" ²¹ Kati uvhumbi wehali hana simba panyezulu pevu na, kuti nebundu limwepeji ayete, ujiyo umwepeji wakakujiwa noumwe asina kukujiwa? ²² Zwino titshatitshini kana Mwali, kanavhakanga vhoda kusumbija kutshamwa nokuzivhisa simba lire,akayeta moyo ulefu zwikugwane panyezulu pemijiyo yoku tshamwigwa yaka gajirigwa kupalajiwa? ²³ Kuti azivhise kufuma koku penya kuke panyezulu pemijiyo yovhusiwana, yanga yagajirira kupenya? ²⁴ Isu tikadanwa vho, naye, tisi ngabvi kuvha Judha kupela, asi vha Hedheni? ²⁵ Sezwaano levha vho pabhuku ya Hosiya: " Nditshamudana 'vhanhu vhangu' avho vhanga vhasi vhanhu vhangu, naye anga 'atshidiwa' ndithsiti hadiwi. ²⁶ Zwitsha yeteka kuti peya panga palehwa kaali, 'Hamuli vhanhu vhangu,' yapo vhatsha ejiwa 'vhana vhanhulume vha Mwali upenyu."' ²⁷ Na Izaya unodana panyezulu pavha Izirayele, "Kukayeta soutavha we gungwa, vhaka sala vhatsha pijiwa, ²⁸ nokuti Ishe utshayeta panyika ihwi lire nokuli pejisa nokutavhanyija nokululama." ²⁹ Isaya sezwa akambo levha vho atshiti, "Dleni Ishe wehondo asina kuti siyira luji, taidleni tikayetavho se Sodhoma, tika etiwa se Gomora." ³⁰ Zwino titshati tshini?Titshati vha Hedheni, vhasina kutswaka kululama, ndivho vhaka wana kululama, iko kululama koku tenda. ³¹ Asi vha Izirayele, vhakati vhatshi tswaka ulayo wokululama, havhana kuswika paulayo. ³² Neni ? Havhana kutswaka nokutenda, asi zwinenge namabasa oyulayiro.Vhaka tshamwisiwa neihwe lakavhakuhumwa, ³³ sezwazwika mwagwa zwitshihwi, "Talira, ndino esa pa Ziyon ihwe lokutshamwisa ne hwe loku piringija.Unotenda kaali hang shomisiwi."