¹ Nayezwo hakutshina kupiwa ulanda kuna vhali muna Khirisito Jeso. ² Nokuti ulayo womwiya wovhupenyu muna Khirisito Jeso wakandi sunungula paulayo wezwivhi nowo lufu. ³ Nokuti zwanga zwisina kwanisiwi paulayo pakukonwa kavho simba nokuda kenyama, Mwali wakayeta.Wakatuma mwanatukana uwe no ufananijo wenyama yezwivhi, nokuda kezwivhi wakapa zwivhi panyama. ⁴ Nokuti zwaka lehwa nou layo zwiyeteke matiri isu, tisingayendi nenyama, asi ne mwiya. ⁵ Nokuti vhali vhemwiya vhano funga zwemwiya, asi vhenyama vhanoda zwenyama. ⁶ Nokuti kufunga kenyama ndiyo lufu, asi kufunga kemwiya dihwo vhupenyu nolugale. ⁷ Nokuti kufunga kenyama kuno vhengana na Mwali, hakuzwiyesi pasi poulayo wa Mwali, hakukoni vho. ⁸ Zwino vhali munyama havhakoni kufaja Mwali. ⁹ Asi, imwi hamusi munyama asi munwiya, kana zwiri iyezwo neshuwa Mwiya wa Mwali uli mamuli.Asi kana unhu asina Mwiya wa Khirisito, unenge usimaali. ¹⁰ Kana Khirisito ali mukati menu, umbiri wakafa nokutenda kezwivhi, asi mwiya upenyu nokuda kokululama. ¹¹ Zwino kana Mwiya wayoyo uka musa Jeso kune vhakafa utshagala mukati mumo, iye uka musa Khirisito Jeso kune vhakafa utshapija mimbiri ynu inofa no Mwiya uwe, uno gala mukati wenu. ¹² Nayezwo, vhakulu vhangu, hatina mhaka nenyama kuti tilalame negwala lenyama. ¹³ Nokuti kana mutshiyenda negwala lenyama, mutshafa, asi kana mutshivhulaya mabasa ombiri nomwiya, mutshalalama. ¹⁴ Nokuti vhose vhano tungamigwa na Mwiya wa Mwali, ndivho vhana vha Mwali. ¹⁵ Nokuti hamuna kupiwa mwiya wovhulanda unoyeta kuti muhle, asi makapiwa Mwiya wovhuhwanana, watinodana nawo titshiti, " Aba, Bhabha !"' ¹⁶ Mwiya umene unopupulirana nomwiya wedu kuti tiri vhana vha Mwali. ¹⁷ Zwino kana tiri vhana, tiri vhadli vhenhaka, vhadli vhenhaka ya Mwali.Taka joyina vhadli vhanhaka na Khirisito, shuwa takatambula tose naye titsha kombolegwa naye. ¹⁸ Nokuti ndinoti matambujiko etshikati tshino hana kufanigwa kuyezanisiwa nokupenya kutshaho sumbija katiri. ¹⁹ Nokuti zwisikwa zwino talisisa zwikugwane zwtshimirira kusumbijiwa kevhananatukana vha Mwali. ²⁰ Nokuti zwisikwa zwaka yesiwa, pasi pezwisinga gali, zwisingadi vho asi nokuda kaiye waka zwiyesa pasi, pazwo ²¹ zwitshitalira kuti zwisikwa zwiri zwoga zwisunungugwe vho pavhulanda hwakuvhola, zwiesiwe pakusunungugwa kokupenya ke vhana vha Mwali. ²² Nokuti tino zivha kuti zwisikwa zwose zwino gomera nokugwajiwa pamwepeji kuswika yezwino. ²³ Zwisanhu zwiri yezwo zwoga, asi nesu vho, nhangwe tine zwibebo zwoku tanga zwomwiya, nesu tiri toga tinogomera mukati medu titshimirira kuyetiwa kedu vhana, ndiko kujikunugwa, kombiri wedu. ²⁴ Nokuti taka pijiwa netalisiro.Nokuti tshanga tshiritalisiro kana tshavhoneka hatshitshahwi tshitshayeta talisiro.Tshavhoneka hatshitshahwi ndotshigalira ndotshitalisira. ²⁵ Asi kana titshitalira tshatisingavhoni, tinotshimirira nokukozerera. ²⁶ Saizwo,Mwiya unotitusa vho patino konwa simba.Nokuti hatizivhi kuti kuno rabhigwa seni, asi iwo Mwiya mwenewazwo unotirabhira patino konweregwa kulevhereka. ²⁷ Uyo uno setsha moyo ndiye unozivha kufunga ko Mwiya, nokuti unorabhira vhatswene sezwinoda Mwali. ²⁸ Tinozivha kuti zwinhu zwose zwinobata, kuti zwiyetere zwakanaka avho vhanoda Mwali,avho vhakadanwa sezwaaka funga. ²⁹ Nokuti vhaaka zivha kale ndivho vhaaka nanga vho kale kuti vhafanane nou fananijo womwanatukana uwe, kuti avhe danje pakati pepevha nukuna vhavhe. ³⁰ Avho vhaaka nanga kale, ndivho vhaaka dana.Vhaka lulamisa, ndivho vhaakapa tshigalo. ³¹ Zwino, titsha yeta tshini, pazwinhu hezwi?Kana Mwali atshitigwira, ndiyani utshati gwisa? ³² Iye asina kulamba nangwe nemwanatukana uwe asi waka upa tshose nokuda kedu tose, ugalega seni kutipavho zwose pamwepeji naye? ³³ Ndiyani utshakakavhaja vhakanangwa na Mwali?Mwali ndiye uno lulamisa. ³⁴ Ndiyani utshavhapa mhaka?Khirisito Jeso ndiye wakafa- zwikugwane, ndiye wakamusiwa- ulikuluvhoko goludli ngwa Mwali, ndiye unoti miririra vho. ³⁵ Ndiyani utshati pambanisa noludo gwa Khirisito?Kutambula, kana nhamo, kana kuvhengwa, kana zala, kana kukonwa zwokufuka, kana njoji, kana pfumo na? ³⁶ Sezwa zwika nwaliwa, "Zwitshihwi nokuda kenu tino vhulawa zuvha lose.Tikahwi tiri mwkwayi ano bayiwa." ³⁷ Hayikona pazwinhu zwose tiri vhakundi nokunyanyisa naiye waka tida. ³⁸ Nokuti ndinozivha tshaizwo kuti nangwe lufu ,kana vhupenyu, kana vhatumwa,kana vhakugwane ,kana zwayezwino,kana zwino vhuya ,kana masimba , ³⁹ kana kakakwirira ,kana kukajikita ,kana tshinhu tshimwepeji tshasikwa ,hazwikoni kuti palajanisa noludo gwaMwali,guli muna Khirisito Jeso Ishe wedu.