¹ Zwino titshatitshini Abhurahama,tategulu vhedu panyama, waka waneni? ² Nokuti dleni Abhurahama akalulamisiwa namabasa awe, anga dleni ane tshinhu tshaano zwilumbija natsho, asi hana panda ka Mwali. ³ Nokuti lunwalo gunoti tshini? "Abhurahama waka tenda Mwali, kukahi kaali ndiko kululama." ⁴ Nokuti kuno unobata basa ubairo,hauhwi ndiwe makombolero, asi nditshakau lingana. ⁵ Kune asingabati asi unotenda kuna iye unolulamisa unhu asingadi mwali, kutenda kuke ndiko kunohwi kululama. ⁶ Sezwino lehwa na Dhavita kuti wakatendiwa unhu unohwi na Mwali waka lulama kuze kemabasa. ⁷ Atshiti, "Vhakakombolegwa vhakanganganwigwa, zwisina kuluga zwavho navhaka fukijigwa zwivhi zwavho. ⁸ Uka lopafajiwa unhu asingahwi naIshe unezwivhi." ⁹ Zwino kulopafajiwa uku ndikho kavhakafumba naa,kana navhasina kufumba naa?Nokuti tinoti, "Kuna Abhurahama kutenda kuke kakahwi kutenda kuke ndikokululama." ¹⁰ Zwino zwakadlalo seni?Atofumba kana asina kufumba na?Hazwina kudlogo afumba,asi asina kufumba! ¹¹ Waka sumbijiwa sumbijo yokufumba kuti tshivhe tshisumbijo tshokululama kokutenda wayanga asanhu afumba. Kuti avhe bhabha vhevhose vhano tenda, mangwe vhasina kufumba. ¹² Avhe bhabha vhakafumba kunayavho vhasina kufumba koga asi vhanoyenda vho mugwala lokutenda ka bhabha vhedu Abhurahama kavhanga vhanako vhasanhu vha Fumba. ¹³ Nokuti tshipikigwa tshokuti utshavha ugali wenhaka yenyika hayitshina kupiwa Abhurahama kana luji gugwe nou layiro asi nokululana kokutenda. ¹⁴ Nokuti dleni vhoulayo vhali vhagali vhenhaka, kutenda hakuna basa netshipikigwa tshinokonesiwa. ¹⁵ Nokuti ulayo unovhuyisa kutshamwa asina ulayo, asi hapana kupfuka vho. ¹⁶ Saka ndizwokutenda kuti zwivhe zwemakombolero kuti tshipikigwa tshivhe nesimba kuluji gose gusanhuguli goutemo koga,asi ndogo kutenda ka Abhurahama.Iye bhabha vhedu tose, ¹⁷ sezwazwika nwagwa zwitshihwi, "Ndaka kuyeta bhabha vhema luji manji."Panda kaiye, waka tenda iye, Mwali, unopa vhakafa vhupenyu nokudana zwisipo sezwinenge zwiripo. ¹⁸ Wakatenda netalisiro pasina talisiro, kuti avhe bhabha vhamaluji manji, sezwanga zwa levherekwa, "Luji gugo gutshadlalo." ¹⁹ Haana kukonwa simba pakutenda, atshifunga umbiri uwe wanga watofa(zwawo zwanga zwavha namakole anenge zana),nokufa ketshibebo tsha Sara. ²⁰ Asi ukatalira tshipikigwa tsha Mwali, Abhurahama hana kunyungwa nokusa tenda.Asi, ukakwatisa pakutenda akakuja Mwali. ²¹ Atshi zivhatshayizwo kuti itshotshakapikigwa, wanga ane simba lokutshiyeta vho. ²² Saka zwakahwi kaali ndiko kululama "zwaka vhagwa kuti ndikho kululama." ²³ Zwino hazwina kunwagwa "nokuda kuke kuti zwivhagwe kaali zwanga zwisina kumwali iye oga. ²⁴ Asi nokuda kedu vho,nesu titshadlago isu tino tenda kune wakamusa Jeso Ishe wedu kuvhakafa. ²⁵ Iye waka esewa kulufu nokuda kokupfuka keji ukamusiwa nokuda koku lulamisiwa kedu.