¹ Kati uJuta unopinda vhamwe neni?Kana kupfumba kuno tusaneni? ² Zwinji nevhunji.Pakutoma pezwose, kuti ndivho vhakapiwa mamhungo aMwali. ³ Nokuti zwinoti tshini kana vhaJuta vhasina kutenda? Kusatenda kavho kutshakonisa kutenda ka Mwali? ⁴ Hayi.Asi, Mwali ngavhewovhukuma, asi vhanhu vhose vhavhe vhokunyepa sezwakanwagwa, "Zwitshihwi kuti mululamisiwe pamamhungo enu, mukunde kutonga kenu." ⁵ Asi kana kusalulama kedu kutshisumbija kululama ka Mwali, Titshati tshini?Kuti Mwali haana kululama na?(Ndinolevhereka nokulevhereka kounhu.) ⁶ Hayi! Mwali ungahotonga nyika seni? ⁷ Zwino kana vhusuwa hwa Mwali hwajumbiwa nema nyepo angu, iye akakujiwa na zwangu nemi ndinga tonga gweni soutshinyi? ⁸ Titshalegereni kulevhereka, sezwatino pomegwa ende nezwatino levha, vhamwe vhatshiti tinodlalo titshiti, "Ngatiyete zwakavhipa, kuti zwakanaka zwibvepo"?Kutonga kavho kukalulama. ⁹ Zwino toeta seni?Tinovhapinda na? Hayi.Napatuku nokuti tapavhose ulandu vha Juta navha Giriki, titshiti vhose, vhasungwe nezwivhi. ¹⁰ Sezwaka nwangwa zwitshiti: "Hakuna wakalulama, kana noumepeji; ¹¹ hakuna unohwisisa; hakuna unotswaka Mwali. ¹² Vhakapamuka vhose; vhakavha vhanhu vhakavha vhanhu vhasina basa.Hakuna unoyeta zwakanaka,hayi, kana noumwepeji." ¹³ "Hulo javho jakasama.Vhakanygejera nendimi javho.Vhuhali hwe nyoka huli mumilomo yavho." ¹⁴ "Ulomo wavho uzere nokutuka nokuvhavha." ¹⁵ "Soka javho jinotavhanyija kutevhula lopa. ¹⁶ Kupalaja nenhamo zwiri muzira javho. ¹⁷ Nezwira yolugale havhana kuyizivha." ¹⁸ "Kuhla Mwali hakupo panda kavho." ¹⁹ Zwino tinozivha kuti zwose zwino lehwa noulayo, unozwilevha kuna vhose vhali pasi poulayo, kuti milomo yose, ijivhirigwe nenyika yose ivhe neulandu panda ka Mwali. ²⁰ Nokuti hakuna nenyama ingalulamisiwa panda kaMwali namabasa oulayo.Nokuti zwivhi zwino zivhisiwa noulayo. ²¹ Asi zwino kululama kaMwali kakasumbija,kuze koulayo kutshipupuligwa noulayo navhaporofita- ²² ndiko kululama ka Mwali kuno vhuya nokutenda kuna Jeso Khiristo kuna vhose vhanotenda.Nokuti havhasiyani, ²³ Nokuti vhose vhakatshinya vhasingaswiki paku penya ka Mwali, ²⁴ vhanongolulamisiwa nenyasha jije nekujikunula kuli muna Khiristo Jeso. ²⁵ Iye Mwali ukagajiwa na Jeso Khiristo kuti avhe uananiei nokutenda lopa lire.Kuti kululama kuke kusumbijiwe, nokuti zwivhi zwakaehwa kale zwakalegwa mwali atshivhaetera moyo ulefu ²⁶ kuti kululama kuke. Kusumbijiwe netshikati yetsho,kuti alulame iye mwene ende alulamisa uyo unotenda kuna Jeso. ²⁷ Zwino kuzwikuja kulipi?Kabvisiwa.Noulaya upiyo?Wamabasa na?Hayi, asi noulayo wokutenda. ²⁸ Nayezwo tinoti unhu unolulamisiwa nokutenda kuze kama basa oulayo. ²⁹ Kana Mwali ndiye wavha Juta vhoga na? Haali Mwali wavha Jentili vhoga na?Eee, wavha Jentili vhoga. ³⁰ Kana,ali, Mwali zwaali umepeji, utshalulamisa vhakapfumbisiwa panyezulu pokutenda, navhasina kupfumba nokutenda. ³¹ Zwino tinokonesa ulayo nokutenda na?Hayi!Asi,tinokwatisa ulayo.