¹ Nayezwo tino lulamisiwa nokutenda, tinulugale na Mwali kubva kuna Ishe Jeso Khiristo. ² Kubva kaali tine lutendo mumakombolero awe atakamira maali, futi tinozwikuja netalisiro yoku penya ka Mwali. ³ Zwisiri yezwo, asi ngatifale vho mumatambujiko titshizivha kuti kutambula kuno vhuyisa kukozerera. ⁴ Kukozerera kuno vhuyisa kuyejiwa, kuyejiwa kuno vhuyisa talisiro, ⁵ futi talisiro hayi shonisi nokuti ludo gwa Mwali guka digwa mumoyo yedu no Mwiya utswene, wataka piwa. ⁶ Patanga tisina simba, patshikati tshavhudi Khiristo ukafanira vhanga vhasingadi Mwali. ⁷ Nokuti zwino lema kuti unhu afire vhaka lulama, nokuti zwimwe umwe unokozerera kufira wakanaka. ⁸ Asi Mwali uno sumbija ludo gugwe katiri, nokuti patanga titshambovha vhatshinyi, Khiristo ukafira isu. ⁹ Zwino zwatika, lulamisa,mulopa lire, titsha pijiwa zwikugwane seni na Mwali paku tshamwa. ¹⁰ Nokuti, zwatika lamukanyiwa, na Mwali nokufa kemwanatukana uwe, titshambovha vhavhengi vhavhe, zwikugwane titshapijiwa kana tasanganisiwa no vhupenyu hwuhwe. ¹¹ Zwisanhu zwiri iyezwo, zwoga asi tino fala zwikugwane vho muna Mwali naIshe Jeso Khiristo, watakapiwa zwino naye ndiko ku linganisiwa. ¹² Saka zwivhi, zwazwika pinda munyika, nounhu umwepeji nolufu gukapinda nezwivhi.Sayezwo nolufu guka swika kuvhanhu vhose, nokuti vhose vhaka tshinya. ¹³ Nokuti ulayo, usanhu wavhapo zwivhi zwanga zwiri panyika, asi zwivhi hazwi vhaligwi unhu kana kusina ulayo. ¹⁴ Asi, lufu guka bata vhushe kubva kuna Adhamu kuswikira kuna Mozisi, nangwe napakati vho pavhasina kutshinya nokupinda ka Adhamu wanga uli ufananijo wanga utshiho vhuya. ¹⁵ Asi tshipo tshokungopiwa hatshifanani nokupfuka.Nokuti kana vhakawanda vhakafa, nokupfuka koumwe zwikugwane makombolero aMwali netshipo tshikavhuya nemakombolero ounhu umwapeji, Jeso Khiristo zwaka wandira vanji! ¹⁶ Vhuye tshipo hatshi fanani nezwivhi zwounhu. Umwepeji waka tshinya kutonga kuka vhuya nounhu umwepeji kuti vhapiwe ulanda, asi tshipo tshokupiwa tshavhuya nokupinda kakawanda kuti vhalulamisiwe. ¹⁷ Nokuti, kana kupinda kowumwe, lufu guka bata vhushe nounhu uyu, umwepeji zwikugwane avha vhakapiwa kuwanda kemakombolero neke zwipo nokululama vhatshabata vhushe pavhupenyu noumwe iye, Jeso Khiristo. ¹⁸ Nayezwo, kutonga zwakukavhuya kuvhanhu vhose, nokupinda kumwepeji kuti vhapiwa ulanda sayezwo nokululamisiwa kovhupenyu vhose kululamisiwa kovhupenyu kuka vhapo. ¹⁹ Nokuti vhanhu vhose zwavhaka ehwa vhatshinyi nokusaindirisa ko umwe sayezwo vhanji vhatshiehwa vhaka lulama, nokuingirisa koumwe. ²⁰ Ulayo wakapindavho kuti kupinda kuwande. Zwino pazwikawanda ne makombolero, asi akawanda. ²¹ Kuti zwivhi zwika bata, vhushe palufu, sayezwo makombolero abata vhushe nokululama muzwiese muvhupenyu hwusingaperi na Jeso Khiristo Ishe wedu.