¹ Zwino isu tinesimba tinofanira kuhxwala vhugwere hwavhasina simba, kusi kuzwifaja. ² Umwe no umwe ngafaje wakanyi kuke pane zwikanaka , zwinokhwatisa. ³ Nokuti Khirisito vho hana kuzwifaja . Asi, sezwakanwagwa zwitshihwi,"Kukuyeja kakakuyeja nako kakawira pazezulu pangu." ⁴ Nokuti zwose zwakanwagwa kale zwakanwagwa kuti isu tigude kuti tivhe netalisiro inobva pakukozerera nepakunyalaja kema Bhuku. ⁵ Zwino Mwali wokukozerera nokunyalaja ngamupe moyo umwepeji pakati penu sezwinoda Khirisito Jose. ⁶ Wakayeta kudlalo kuti muvhe nefugwa imwepeji kuti mupenyise ne ulomo umwepeji mutshikuja Mwali Bhabha vha Ishe wedu Jeso Khirisito. ⁷ Zwino sangamijani umwe, sa Khirisito sezwakasangamija iwe, kuti Mwali akujiwe. ⁸ Nokuti Ndinoti Jesoo Khirisito wakayehwa ushumiri wakafumbiwa kusumbija shumba ya Mwali, kuti akhwatise zwakapikigwa namazi bhabha, ⁹ futhi kuti ma Jentili vhakuje Mwali nokuda kevhusiwana huhwe. Sezwakanwagwa zwitshihwi, "Nayezwo nditshamulumbija pakati pema Gentili nokumuyimbira zina lenu." ¹⁰ Futhi ndinoti,"Falani, imwi ma Gentili,nevhanhu vhavhe." ¹¹ Futhi futhi,"Lumbijani Ishe,imwi ma Gentili mose; muti maluji ose alumbije." ¹² Futhi, Isaya yoti, "Uji wa Jeso utshsvhapo, naiye unomuka kuti abate ma Gentili; vha Gentili vhatshautalira iye ." ¹³ Zwino Mwali unetalisiro ngamuzaje neufalo wose nolugale pakutenda kenu, kuti muvhe netalisiro yakawandisa nesimba la Mwiya Utswene. ¹⁴ Zwino imi ndimene,vhakulu vhangu.Ndinozivha tshayiko pazezulu penu kuti imwi mumene muzere nokunaka,makazajiwa nokuzivha kose.Munokona nokulayana. ¹⁵ Asi ndinonwala zwimwe nditshinyanya kukozerera nditshiyeta kumufungisa, nemakombolero andakapiwa na Mwali. ¹⁶ Makombolero okuti ndivhe ulanda wa Khirisito Jeso unotumwa kuma Gentili,nditshiyeta basa lovhu Phirisita pa Vangeri ya Mwali,kuti tshibayiro tshama Gentili tshifaje Mwali, tshakayehwa tshitswene ne Mwiya Utswene. ¹⁷ Nayezwo nditshazwilumbija muna Khirisito Jeso pazwinhu zwa Mwali. ¹⁸ Nokuti ndingahla kulevha zwimwe zwinhu asi ivho Khirisito zwavhakayeta nemi kuti ma Gentili vhayetisiwe nemamhungo nemabasa, ¹⁹ nesimba nezwimangajo zwinomangaja, nesimba le Mwiya Utswene. Nokudlalo kubva Jerusalema,nenyika jakamonereja kuswikira Illrikhamu,ndakapalija zwimwevho vangeri ya Khirisito. ²⁰ Nditshikozerera, tshinhu itshi kuti ndipalije vangeri,apo pasina kumbolehwa zina la Khirisito, kuti ndilege kuvhaka pazezulu pefungwa jeumwe. ²¹ Sezwakanwagwa kutshihwi:"Avho vhasina kuvhujiwa nezwizwe atshivhuya vhatshauvhona, nayivho vhasina kuha vhatshahwisisa." ²² Nayezwo ndakajivhisiwa gwakawanda kuvhuya kamuli. ²³ Asi iyezwino, zwandisina pokubata panyika yeji,zwaavha makole manji nditshida ngamada kuvhuya kamuli. ²⁴ Ndinetalisiro yokukuvhona nditshipfuka nditshiyenda Sipaniya, nditshavhuya kauli pagwendo gwenu, ndiperekejiwe nemwi iyoko ndombofala nemwi nyana. ²⁵ Asi zwino ndomboyenda Jerusalema, kundoshumira vhatswene vha Mwali. ²⁶ Nokuti vha Makhedoniya nevha Atshaya vhakati zwakanaka kuti vhaphakhane nevhasina pavhatswene vha Mwali vhali Jerusalema. ²⁷ Ndizwo, vhakayetera zwakanaka, vhane sungu navho.Nokuti kana ma Gentili vhakayeta vhaphakhani navho pazwinhu zwe mwiya utswene,vhanesungu nama Juzi nokuvhashumira nezwinhu zwenyama. ²⁸ Nayezwo, kana ndapeja tshinhu itshi ndikavhavhigira zwose zwandinenge ndawana, nditshayenda Sipaniya ndika kuvakatshira muzira. ²⁹ Ndinozivha kuti kana nditshivhuya kamuli nditshavhuya nokukombolera kakazala ka Khirisito. ³⁰ Zwino ndinokumbira, zwikugwane vhakulu vhangu, na Ishe wedu, Jeso Khirisito, futhi neludo gwe Mwiya,kuti mugwe pamwepeji nemi pakurabhira kenu kuna Mwali pazezulu pangu. ³¹ Rabhirani kuti ndisunungugwe kuna vhasinga ingiri mu Judiya,futhi kuti kushumira kangu kunavha Jerusalema kufaje vhatswene vha Mwali. ³² Rabhirani kuti ndivhuye kamuli noufalo nokuda ka Mwali,kuti ndiwane, zololo pamwepeji, nemwi. ³³ Zwino Mwali wolugale ngavhe nemwi mose.Ameni.