¹ Ndinolevherera kamuli Fibi hazwaji yedu, ushumiri wegereke iripa Kenkrea, ² kuti muusangamije muna Ishe.Sezwazwinofanira vhatswene vha Mwali, nokuutusa pazwinhu zwose, zwaangakomwa nokuti iye amene wakatusa vhanji nemivho ndimwne. ³ Mundimukisireni Priscilla na Aquila, vhanobata nemi muna Khiristo Jeso, ⁴ vhakayesa mitshiba yavho kugwira vhupenyu.Ndinopa kuvhonga kavhali, hayikona iye oga, asi nengereke jose jevha Jentili. ⁵ Ndinomukisa ngereke jirimungumba javho.Ndino mukisa Epaenetus vhadikani vhangu, anovha utshero wokutoma Asia kuna Khiristo. ⁶ Mundimukisireni Mariya, wakamutusa zwikugwane. ⁷ Ndimukisireni Andronicus na Junia, woluji gwangu.Vhakasungwa pamwe peji nemwi vhakakulumbira pakati pavhaapositola, vhanditomeravho kuvha muna Khiristo. ⁸ Ndimukisireni Ampliatus, udikani wangu muna Ishe. ⁹ Ndimukisireni Urbanus, ushumisani wedu muna Khiristo, na Stachys, udikani wangu. ¹⁰ Ndimukisireni Apelles, wakatendewa muna Khiristo.Ndimukisireni vhengumba ya Aristobulus. ¹¹ Ndimukisireni Herodion, woluji gwangu.Ndimukisireni vhengumba ya Narcissus vhali muna Ishe. ¹² Ndimukisireni Tryphaena na Tryphosa,vhashumi muna Ishe.Ndimukisireni Persis udikani, wakashuma zwakanyanya muna Ishe. ¹³ Ndimukisireni Rufus, wakaketiwa muna Ishe, namayi vhavhe nemi. ¹⁴ Ndimukisireni Asycritus, Phlegon, Hermes, Patrobas,Hermas, noukulu unavho. ¹⁵ Ndimukisireni Philologus na Julia, Nereus ne zwaji iye, na Olympas, na vhanhu vhose vhatswene vha Mwali vhanavho. ¹⁶ Mukisanani noku mamana kutswene.Gereke jose ja Khiristo jinomumukisa. ¹⁷ Zwino ndinomukumbira zwikulu kamuli, hama jangu, kuti mutalisise avho vhanopokana na vhanotshamwisa vhatshiyeta zwinopokana negudiso yamaka guda.Uzwibvise mavhali. ¹⁸ Nokuti vhakadlalo havhabatiri Ishe Khiristo, asi dumbu lavho. Vhanotshutshuja moyo yavhasina mano namahwi avho akanaka nokubata kumeso. ¹⁹ Nokuti kutevhera kenu kakaswika kuvhanhu vhose.Ndinofala,asi,nezwenu, asi ndoda kuti muvhe vhakathanya kune zwavhuddi,asi vhasinafungwa kune zwakavhipa. ²⁰ Zwino Mwali wolugale utshatavhanya kuxhwasira Satani pasi pesoka jenu.Makombolero aIshe Jeso Khiristo ngajivhe nemwi. ²¹ Timothy, ushumisani wanu, unomumukisa, na Lucius, na Jason, na Sosipater, woluji ngwangu. ²² Imi, Tertius, wakamwala mamwalo hawo pasi, unomumukisa muna Ishe. ²³ Gaiusi,wakandisangamija imi negereke yose, unomumukisa.Erastus, utshengeti wemali yeguta, unomumukisa, na Quartus hama. ²⁴ Makombolero a Ishe Jeso Khiristo ngajivhe nemwi mose.Ameni. ²⁵ Zwino iye unokona kumukwatisa sezwinolevha vangeri langu nokupalijiwa ka Jeso Khiristo, nokuvuligwa kezwakajumbama zwisina kulehwa tshikathi tshisingaperi ²⁶ asi zwino zwinosumbijiwa nokuzivhisiwa kumaluji ose, nemamwalo avhaporofita sezwakalayijigwa na Mwali, usingaperi kuti vhayingire nokutenda- ²⁷ Iye Mwali wakathanya oga ngaavhe nokupenya na Jeso, Khiristo, nokusingaperi.Ameni.