¹ Zwino sangamijani usinasimba pakutenda, musingayeti gakavha naye pazezulu pokufunga kuke. ² Umwe unhu unokutenda kuti angadla zwose, asi unesimba unodla milivho. ³ Unodla zwose ngalege kuzwiyeta asingadli;futhi asingadli ngalege kupa mhaka unodla zwose.Nokuti Mwali waka usangamija. ⁴ Iwe ndiwe ani,unopaulanda woumwe ulanda?Iye unomira kana kuwa.Utshamira izwe nokuti Ishe vhane simba lokuumisa. ⁵ Unwe unhu unoti zuvha linwe pedzi linopinda limwe.Umwe oti mazuvha ose akafanana.Umwe no umwe ngazivhe zwe shuwa mumoyo uwe. ⁶ Iye unotshengeta zuvha,unolitshengeta nokuda ka Ishe;uyo unodla ,unodla nokuda ka Ishe, nokuti unovhonga Mwali.Iye asingadli,hadliri Ishe;asi unovhonga Mwali. ⁷ Nokuti hakuna umwe wedu unozwilalamira iye oga, hakuna unozwifira iye oga. ⁸ Nokuti kana titshilalama,tinolalamira Ishe, kana titshifa tinofira Ishe.Zwino kana titshilalama kana titshifira, tiri vha Ishe. ⁹ Nokuti Khirisito wakafira iyezwo aka mukira iyezwo, akalalama kuti avhe Ishe wavhapenyu navhakafa. ¹⁰ Asi iwe, unopirireni ukulu uwo mhaka?Kana newevho unoyejereni ukulu uwo?Nokuti isu tose titshamira patshigalo tshokutonga tsha Khirisito. ¹¹ Nokuti kakanwagwa kutshihwi ,"Novhupenyu hwangu ,"ndizwo zwinolevha Ishe ,"Gona linwe nelinwe litshandigwadamira,Lulimi lolumwe gutshakuja Mwali." ¹² Nayezwo,umwe no umwe utshazwi davhirira iye kuna Mwali. ¹³ Nayezwo, ngatilege kulamba titshitongana,asi zwiri khwine kutonga, kuti unhu alege kuyesa tshigumbu kana tshinopiringija pandda koukulu uwe. ¹⁴ Ndinozivha nokuzivhisisa tshayiko kuna Ishe Jeso kuti hakuna tshinhu tshine swinatshimene. Asi iye unoti tshine swina, kaali tshineswina. ¹⁵ Nokuti kana ukulu uwo atshiswibisa, moyo nokuda kokudla iwe hawunga yendi noludo. Usapalajiwa nezwekudla iwe wakafigwa na Khirisito. ¹⁶ Nayezwo kunaka kenu ngakulege kuyejiwa. ¹⁷ Nokuti vhutshi hwa Mwali hasi zwokudla kana zwokunwa, asi kululama,nolugale, noufalo mu Mwiya Utswene. ¹⁸ Nokuti unobatira Khirisito pazwinhu yezwi unofaja Mwali futhi unotendiwa na vhanhu. ¹⁹ Nayezwo, ngatitswake izwo zwino vhuyisa lugale nezwa tingakhwatisana nazwo. ²⁰ Legani kupalaja basa la Mwali nokuda kezwokudla. Zwinhu zwose zwakanana zwazwo,asi zwakayipa kune anodla akatshamwa. ²¹ Zwakanaka kusadla nyama, kana kusayeta tshimwe tshinhu tshino tshanwisa ukulu uwo. ²² Unokutenda na?Ivhayi nako kuvhe kuko pada ka Mwali. Wakakombolegwa usingazwipi mhaka patshinhu tshaano tendera. ²³ Asi uyo unongugula wavha nemhaka kana atshidla , nokuti hangadli nokutenda.Zwose zwisingabvi pakutenda zwivhi.