¹ Zwino utumwa wetshishanu wakalija hwamanda.Ndakavhona nyereji itshibva kumakole iyo yanga yawira panyika.Nyereji ikapiwa khiyi yegomba lakajikajika. ² Akavula gomba likajikajika, vhusi hukakwira hutshibva mugomba sevhusi wefanetsi gugwane.Zuvha ne mwiya zwikaswibisiwa nevhusi wegomba. ³ Muvhusi mukabuda jiye jikavhuya panyika, futhi jikapiwa simba sele mamhe jiri panyika. ⁴ Jikavhujiwa kuti jilege kuvhulaya vhuhxwa huli panyika kana tshinhu tshinyolo kana utii,asi vhanhu vhoga vhasina tshihkwatiso tsha Mwali pamhaza javho. ⁵ Janga jisina kutendegwa kuvhulaya vhanhu yavho, asi kuti jivhagwajise mweji mishanu.Kugwajisa kajo kanga kakayeta sekemamhe kana itshiluma unhu. ⁶ Namazuvha yawo vhanhu vhatshatswaka lufu asi havhangaguwani.Asi vhatshavha nolutamo lukugwane kuti vhafe,asi lufu gutsha tiza pavhali. ⁷ Jiye jayitalika semabhiza akagajirigwa kugwa.Pamaza jajo panga pane zwimwe zwakafanana nekorona jendalama,futhi kumeso kajo kayiyeta sekevhanhu. ⁸ Janga jine vuji lakayeta sevuji lavha nhukaji,futhi nemeno anenge mwno endawu. ⁹ Janga jine zwijitiro zwetshifuvha zwakayeta setsimbi yezwjitiro.Nekubvuma kamapapiro ajo kayihwika sekubvuma kegariki yamabhiza manji anogidimira kugwa. ¹⁰ Janga jine nwise yakayeta seyemamhe; noluvholera kumhise yanga inesimba lokukuvhaja vhanhu mweji mishanu. ¹¹ Janga jina Ishe wajo ali utumwa wegomba lakajikajika.Zina lire netshi Hebheru ndi Abhandoni,futhi netshi Giriki anga anezina Apholiyoni. ¹² Nhamo imwe yapinda.Talira!Kapera yezwi kune jimwe nhamo mbiri jino tevhera. ¹³ Utumwa wetshishanu naimwe, wakalija hwamanda iye, futhi ndikahwa ihwi litshibva panyanga ine alithari yendalama yanga iri phada ka Mwali, ¹⁴ litshiti kutumwa wetshishanu naimwe anga anehwamanda, "Sunungula vhatumwa vhana vhakasungwa pagwizi lukugwane gunohwi Efuratsi." ¹⁵ Vhatumwa vhana vhanga vhagajirira tshikhathi, pazuvha yero, mweji yoyo, negole yero kuti vhavhulaye tshetshi tatu tshevhanhu. ¹⁶ Kuwanda kevhagwi vhepakugidima kema bhiza vhanga vhali 200,000,000.Ndalahwa kuti vhangana. ¹⁷ Sayezwo ndakavhona mabhiza pakusumbijiwa kangu nevhanga vhakamaganda: Vhane zwithivhijiro zwanga zwakatshuka, daki bhulu neyelo sesalifa.Misolo yamabhiza yanga yakayeta semisolo yendawu, nomimilomo yawo mukabubha moto, vhusi ne salifa. ¹⁸ Tshetshitatu tshevhanhu tshakavhulawa nematambujiko hawa matatu: moto,vhusi,nesalifa zwayibva mumilomo yawo. ¹⁹ Nokuti simba lamabhiza langa liri mumilomo yawo nekumwise yawo nokuti mwise yahone yakayeta senyoka, ineusolo unokuvhaja utshiyeta zwilonda kuvhanhu. ²⁰ Vhamwe vhanhu, vhanga vhasina kuvhulawa nematambujiko awa, havhana kutendevhuka nebasa lemavhoko avho, kuti vhale kurabhira mwiya yakayipa nemifananijo yendalama, nesiliveri, nezwendalira, nezwe mahwe, nezwemiti zwinhu zwisinga vhoni, kuhwa, kana kuyenda. ²¹ Futhi havhana kutendevhuka vho pakuvhulaya kavho, pakulohwa kavho, kana pavhubombwe hwavho kana pakuba kavho.