¹ Wakati avula tshikwatiso,tshetshi shanu nambiri kanyalala kuka vhapo nyezulu kunenge sehafu ytshi khati. ² Yapo ndakavhona vhatumwa vhashanu navhavhiri vhamire pandaka Mwali, vhakapiwa hwamanda shanu nambiri. ³ Zwino umwe utumwa uka vhuya,akamira paaritari.Ane ujiyo wemali wezwino nuhwira akapiwa zwino nuhwiranzwinji kuti azwiyese pamwepeji ne jitabhero vava tswene vose panyezulu pearitari yemali yanga iri panda petshigalo tshovhushe. ⁴ Vhusi wezwinonuhwira- hwukakwira panda paMwali- hwutshibva muluvhoko goutumwa pamwepeji netabhero yavhatswene. ⁵ Utumwa akatola ujiyo wezwinonuhwira akazaja nemoto wearitari.Akakadira panyika, yapo kukavhuya kutinhuira, namahwi nemipanyo, noku dengenyeka kenyika. ⁶ Yapo vhatumwa vhashanu navha vhiri vhanga vhane hwamanda shanu na mbiri vhakazwigajirira kuti vhalije. ⁷ Wokutanga waka lija hwanda,kuka vhuya tshivula mahwe nemoto zwakasanganisiwa nelopa.Zwika kandigwa panyika yapo tshetshitatu tshenyika tshikatswa netshitatu, tshemiti tshikatswa, novhuhwa vhutema hwose hwakatswa. ⁸ Zwino utumwa wavhuvhiri wakalija hwamanda, tshimwe tshakayeta setavha hugwane inopfuta moto tshikakandiwa mugungwa.Tshikasanduka lopa, ⁹ tshetatu tshezwisikwa zwanga zwiri mugungwa zwikafa, izwo zwanga zwino vhupenyu netshitatu tshezwikepe tshika palajiwa. ¹⁰ Zwino utumwa wetshitatu wakalija hwamanda, nyereji hugwane yakapfuta setotshi, ikawa nyezulu, ikawira panyezulu petshitatu tshegwizi nezwisenya zwevula. ¹¹ Zira lenyerji.Langa litshihwi tshinovhavha.Yapo tshetshitatu tshevula tshika vhavhisiwa vhanhu vhanji vhakafa nevula nokuti yanga yavhavhisiwa. ¹² Zwino utumwa wetshina waka lija hwamanda, tshetshitatu tshezuvha tshilohwa,netshetatu tshemweji netshitatu tshe nyereji.Kuti tshetatu tshahone tshiswibisiwe; futi kuti tshitatu tshamasikati tshirege kuvonekera novhusiku sayezwo. ¹³ Yapo ndaka talira, ndikahwa utumwa atshifhufha pakati pamakole atshiti nehwi gugwane, "Nhamo, nhamo, nhamo, pane vhano gala panyika, nokuda kamahwi mamwe ehwamanda yavha tumwa vhatatu vhatshaholija."