¹ Umwe wavhatumwa vhashanu navhavhiri vhanga vhakahxala ndiro shanu nambiri ukavhuya akati kandira, "Vhuya, nditshakusumbija utongwa kemhombwe hugwane inogala panyezulu pevula inji, ² majiShe enyika akayeta vhupombwe, nayo navhano gala panyika vhakadaka newayini yovhupombwe hwavho." ³ Iyapo vhatumwa vhakandihxwala vhakandiyesa kumbani kuMwiya, ndikavhona unhukaji agere thsivhanda tshizere namazina akuzwija.Tshivhanda tshine misolo mishanu namivhiri nenyanga gumi. ⁴ Unhukaji anga akasimira nhumbi tsuku ne peoulu akasimira ndalama, namahwe, anakosha nama palera.Nemuluvhoko gugwe, manga mune ujiyo we ndalama uzere ne zwinonyoweja neswina yovhupombwe huhwe. ⁵ Pamhaza iye panga pakanwagwa zina, lakajumbama heri: "Bhabhironi ukugwane, mayi vhemhombwe navhe zwinonyoweja zwenyika." ⁶ Iyapo ndikavhona unhukaji akadakwa nelopa lavha tswene vha Mwali futi nelopa letanzi ja Jeso ndikati nditshiuvhona, ndikamangala nokumangala zwikugwane. ⁷ Asi utumwa ukati kandiri, "Wamangajiwa neni ?Nditshakuvhuja zwakajumbama zwoukaji nezwetshivhanda tshinomumuluja, tshinemisolo mishanu namivhiri nenyanga gumi. ⁸ Tshivhanda tshawavhona tshanga tshiripo, hatshisisipo,tshtokukira tshitshibva mugomba lakajikakika.Kundo palajiwa.Vhanogala panyika, vhasina kunwagwa mazina avho muma Buku ovhupenyu kubva pakusikwa kunyika vhatshamangala vhatshivhona tshivhnda ,kuti tshanga tshiripo, hatshisisipo, futi tshitshaho vhapo. ⁹ Ndipo panekufunga kufungwa,Misolo mishanu namivhiri ndiyo tavha shan nambiri jinogagwa nounhukaji. ¹⁰ Ndiwo majiShe mashanu namavhiri.Vhashanu vhawa, umwepeji ulipo, umwe hanhu aswika, kana atshivhuya, unofanira kugala tshikati tshituku. ¹¹ Tshivhanda tshanga tshiripo, hatshisisipo, ndiye wavhushanu nanhatu.Umwe wavhashanu navhavhiri unodopalajiwa. ¹² Nyanga gumi jawavhona ndiwo majishe gumi asanhu apiwa vhushe, asi utshapiwa simba samajishe pamwepeji netshivhanda tshikati tshimwepeji. ¹³ Ivho vhane fungwa imwepeji, vhanopa tshivhanda simba lavho novhushe hwavho. ¹⁴ Havha vhatshagwa ne gwayana,Asi gwayana litshavhakunda nokuti hero Ishe wamajishe na Ishe wamajishe naivho vhanga vhanhu vhakadamwa, vhatshene, vhakatendeka." ¹⁵ Utumwa ukati kandiri, "Vula yawavhona, inogagwa nemhombwe, ndivho vhunhu, navhanji, namaluji, nrtshilevho. ¹⁶ Nyanga gumi jawavhona netshivhanda ndivho vhatshavhenga mhombwe.Vhatshayipalaya nokuyitolera nhumbi, vhatshadla nyama yayo,nokuyi pisa nemoto. ¹⁷ Nokuti Mwali ukayesa mumoyo yavho kuti vhayete kufunga kuke vhavhe nokufunga kumwepeji vhape tshivhanda vhushe hwavho kuswikira mahwi a Mwali ayeteka. ¹⁸ Unhukaji wawavhona ndiyo nyika hugwane inobata vhushe hwamajishe enyika."