¹ Zwinhu izwi zwapera ndakavhona umwe utumwa atshijikita kubva kumakole.Ane simba gugwane,futhi nyika ikavonekegwa nokupenya kuke. ² Akalira atshidhavhijira neihwi gugwane, atshiti, "Lawa, lawa Bhabhilonigugwane! Yavha bhulege inogala mwiya yakayipa, netshitokisi tshemwiya yose yeswina, netshitokisi tshezwinyoni zwe mwiya zwakayipa, tshitokisi tshetshimwe netshimwe tshinemwiya wakayipa nwmhuka yakanylangwa. ³ Nokuti maluji ose akamwa wayini yokutshamwa kovhubombwe huhwe.Mazishe enyika akayeta vhakafuma ne simba lokufunga kezira yemangaliro awe." ⁴ Zwino ndakahwa limwe ihwi litshibva kumakole litshiti, "Budani kaali, vhanhu vhangu, kuti mulege kukovhengwa pazwivhi zwizwe, futhi mukolega kupiwa matambujiko awe. ⁵ Nokuti zwivhi zwizwe zwaswika zezulu kumakole, futhi Mwali vhakafunga zwakayipa zwaayiyeta. ⁶ Muutshivhijeni zwaayi etera vhamwe sule, mutshiuyetera luvhiri paneyezwo zwaayiyeta;mukomitshi makasanganisa, sanganisani luvhiri pane yezwo zwizwe. ⁷ Pakazwikuja nokufala napo, muugwajise noukulija.Nokuti unoti mumoyo uwe, 'Ndinogala patshigalo tsho vhutshu;handiri tshirikaji,futhi handingambo vhoni kulira.' ⁸ Saka limwe zuvha mataambujiko awe atshavhuya: lufu, kulira, ne zala.Utshapisiwa nemoto, nokuti Ishe Mwali une simba ,futhi utshatonga." ⁹ Ma Zishe enyika akayeta vhubombwe nokuzwifaja naye, vhatshalira nokulira pazezulu pape vhatshivhona vhusi hoku pisiwa kuke. ¹⁰ Ivho vhatshamira kule naye, vhatshihla kugwajiwa kuke, vhatshiti,"Unenhaamo, unenhamo newe dorobha gugwane, Bhabhiloni, dorobha lakakhwatha! Nokuti kutogwa kukaswika netshikhathi tshimwepeji." ¹¹ Vhatengesi vhatshalira nokulira pazezulu pape nokuti hakusisina unhu unotenga nhumbi javho kana- ¹² nhumbi jendalama,siliva, nejamahwe akakosha, mapalera, nejelabi lakapfavha, jamalabi matswuku, nejesilikhi, neje malabi mashvha,nezwinhu zwose zwakayehwa nematanda, nezwinhu zwose zwakayehwa nenyanga yezowu, nezwinhu zwose zwakayehwa namatanda akakosha, nesafuri, nezwedale,neje mahwe matshena, ¹³ nesinamoni,nesipayisi, nezwinonuhwira, nemafuta okuzola, nemafuta omuribhanoni,newayini, nemafuta eolivi, nevhupfu hwakatsetseka, nengombe, nemakwayi, nemabhiza nenhumbi jamabhiza nevhatshayiri nemimbiri ne mwiya yavhanhu. ¹⁴ Mitshero yaunotama nemoyo uwo wose yakabva kaali.Ne zwinhu zwose zwakanaka zwinopenya, zwakabva kaali, futhi hamutshazwiwana futhi. ¹⁵ Vhatengesi vhezwinhu izwi vhanga vhafumisiwa naye vhatshamira kule naye nokuda kokuhla kugwajiwa kuke vhatshilira nokuzamba ngamada. ¹⁶ Vhatshiti, "Unenhamo, unenhamo iwe dorobho gugwane wanga ukasimira nhumbi jakanaka jakapfavha, nhumbi tswuku, futhi shavha, langa lakasongejewa ne ndalama, namahwe akakosha, ne mapalera! ¹⁷ Nokuti netshikhathi tshimwepeji fuma yose yanga yapalajiwa."Zwino vhayendesi vhose vhezwikepe navhose vhanoyenda nezwikepe api napi nanoyenda ,navha yiohirira pagugwa, vhakamira kule. ¹⁸ Vhakalira vhatshidavhijira vhatshivhona vhusi huhwe atshitswa.Vhakati, "Idorobho lipiyo lakafanana nayeri gugwane?" ¹⁹ Vhakazwidira mavu mumisolo yavho,vhakalira vhatshidavhijira, vhatshizamba vhatshiti, "Unenhamo, unenhamo iwe dorobha gugwane ivho vhose vhanga vhane zwikepe kugugwa vhakafumisiwa newe.Asi netshikhathi tshimwepeji anga apalajiwa." ²⁰ "Falani iwe makole, pazezulu pape, nemwi vhatswene navho phositori navha porofitha, nokuti Mwali wakamutongera kaali!" ²¹ Zwino umwe utumwa unesimba ukamuluja ihwe gugwane lakayeta seguyo akaliposa mugugwa,atshiti, "Nezira yeyi, Bhabhiloni, dorobho gugwane, litshaposegwa pasi nesimba lisingavhoneki futhi. ²² Mahwi anobva pa ogeni, vhanoimba, nevhanolija nyele, nehwamanda hazwingadovhi zwikahwika kawali futhi kana.Neukoni webasa lipiyo nelipijo hangawaniki kauli.Nehwi leguuyo halitshambohwika mauli kana. ²³ Tshiyeja tshetshilamba hatshitshatongovovekera mauli kana .Mwali owusengwa kana etshikomba hangambohwiki futhi mauli kana, nokuti vhatengesi vhavho vhanga vhali vhakugwane vhenyika, futhi neluji gose gwayi nyengejiwa novhuloyi huho. ²⁴ Mukati memu mukawaniwa lopa lama porofita ne vhanhu vhatswene vha Mwali, nelopa lavheose vhanga vhavhulahwa panyika."