¹ Zwino ndakahwa ihwi gugwane litshiti kugereke litshiti kuvhatumwa, "Endani mundodulula panyika je shanu na mbiri jokutshamwa ku Mwali." ² Utumwa wokutanga ukaenda aka dulula ndiro iye panyika, tshilonda tshinogwaja tshikavhapo pavhanhu vhanga vhane sumbijo yetshivhanda, vhakarabhira ufanyanyijo watsho. ³ Utumwa wavhuvhiri ukadulula ndiro iye mugugwa.Lkasanduka kalaete malopa, seleunhu wakafa, navhapenyu zwose zwanga zwiri mugugwa zwikafa. ⁴ Wavhutatu ukatevhulira ndiro iye pagwizi nomuzwisenya zwe vula,yakasanduka ikaeta malopa. ⁵ Ndakakahwa utumwa wevula atshiti, "Makalulama imwi Ishe manga mulipo noutshavhapo, nokuti makatonga saezwo. ⁶ Nokuti vhakatevhulira lopa la vhatswene vha Mwali nela ma porofita, mukavhapa lopa kuti vhamwe vhakafanigwa naezwo," ⁷ Ndikahwa umwe ali muaritari atshiti, "Ndizwo, Ishe Mwali Wasimba, kutonga kenu ndikovhukuma kakalulama." ⁸ Zwino wavhuna ukatevhulira ndiro iye panyezulu pazuvha.Lakapiwasimba kuti lipise vhanhu nemoto. ⁹ Vhanhu vhakapisiwa nokupisa kukugwane, vhakanyaja zina la Mwali, unesimba panezulu pamatambujiko hawa.Havhana kute ndevhuka kuti vhakuje. ¹⁰ Wetshishanu ukadululira ndiro iye panyezulu patshigalo tshovhushe tshetshivhanda, vhushe hwahone hukaswibisiwa.Vhaka tshenga vhulimi hwavho nokugwajiwa. ¹¹ Vhakanyaja Mwali wanyezulu panyezulu pokugwajiwa kavho nezwilonda zwavho, asi havhana kutendevhuka pamabasa avh. ¹² Utumwa wavhushanu nayimwe ukadulula ndiro iye panyezulu pegwizi lukugwane, gunowi Euphrates.Muvula yago yakapwa kuti zira jamazishe vhanobva kumabvazuvha jigajigwe. ¹³ Yapo ndakavhona mwiya weswina mitatu wakaeta samatafi atshibva muulomo wesato, nomuulomo wetshihanda,nomuulomo wemaporofita okunyepa. ¹⁴ Nokuti ndiyo mwiya yakaipa inoeta zwisumbijo inoenda ku mazishe enyika yose.Akaakuvhanganyira muhondo pazuvha gugwane la Mwali wamasimba ose. ¹⁵ ("Talira! ndinovhuya sembava! wakalopafajiwa unolinda, unotshengeta nhumbi jije kuti alege kuenda asina kusimira vhavhone kushona kuke.") ¹⁶ Ukavhakuvhanganyija pabulege inohwi Hrmageddon netshi Hebrew. ¹⁷ Zwino wetshishanu navhavhiri ukadulula lira ndiro iye nyezulu.Ihwi gugwane lakabva mugereke yanyezulu patshigalo tshovhushe, litshiti, "Zwakayeteta!" ¹⁸ Yapo upenyo wanga ulipo namahwi okutinhira, nokudengenyeka kenyika kukakula kula kukadlali hakuna kumbovhapo kubva pakusikwa kavhanhu panyika, tshikugwane kugedenyeka ka kenyika. ¹⁹ Dirobho hugwane lakaganugwa lakaete mapisi matatu, madorobho emaluji akapwasika.Bhabhironi dirobho hugwane lakalangaligwa panda ka Mwali kuti lipiwe komitshi wewaini yotutshamwa keswiri jije. ²⁰ Zwino zwose zwikatiza,netavha hajina kuwanika. ²¹ Tshivulamahwe tshikugwane, tshinobva kumakole tshikawira panyezulu pavhanhu.Vhakanyaja Mwali nokuda kedambujiko letshivulamahwe nokuti dambujiko lahone langa liri gugwane tshayiko.