¹ Zwino ndikavhona imwe sumbijo kumakole, hugwane inomangaja:Kanga kunavhatumwa vhashanu navhavhiri vhanamatambujiko mashanu namavhiri, matambujiko okupejisira, nokuti kutshamwa ka Mwali kukapera nawo. ² Ndikavhona tshakayeta segugwa linovhonekeja lakasanganisiwa nemoto.Pathungo pekugugwa panga pakamira ivho vhanga vhokunda tshivhanda noufananijo watshio netshisumbijo tshatsho netshivhala tshe zina latsho.Vhanga vhakahwalavhutihwa hwa Mwali. ³ Vhakayimba lumbo gwa Mozisi, ulanda wa Mwali, noluyimbo gwegwayana: "Mabasa enu akakula anomangaja, Ishe, Mwali, wamasimba ose.Zira jenu jikalulama ndijevhukuma, Mambo wama luji. ⁴ Ndiyani ungalega kumuhla, Ishe, nokukuja zina lenu?Nokuti imwi moga muli utswene.Nokuti maluji ose atshavhuya atshirabhira panda kenu nokuti kululama kenu kukasumbijiwa." ⁵ Sule kayezwo ndakatalira, ndikavhona gereke ye thebhanekele yovhufakazi yokumakole yakavugwa. ⁶ Mugereke mukabud vhatumwa vhashanu navhavhiri vhana matambujiko mashanhu namavhiri.Vhakafuka mwenda wakatshena, unopenya vhakasungwa pazwifuvha zwavho. ⁷ Tshimwe tshezwisikwa zwipenyu zwnha tshikapa vhatumwa vhashanhu navhavhiri ndiro shanu nambiri jemali jizere nokutshamwa ka Mwali, iye upenyu nokusingaperi peri. ⁸ Gereke izere nevhusi hunobva pakupenya ka Mwali napasimba lire.Kusingavhi nounhu ukakona kupinda muukati kuswikira matambujiko mashanu namavhiri avhatumwa vhashanu navhavhiri apera.